ਭਾਰਤ ਸਰਕਾਰ ਨੇ ਇੱਕ ਵਾਰ ਫਿਰ ਚੀਨ ‘ਤੇ ਡਿਜੀਟਲ ਹਮਲਾ ਕੀਤਾ ਹੈ। ਸੂਤਰਾਂ ਮੁਤਾਬਕ ਭਾਰਤ ਸਰਕਾਰ 54 ਚੀਨੀ ਐਪਸ ਨੂੰ ਬੈਨ ਕਰੇਗੀ ਜੋ ਭਾਰਤ ਦੀ ਸੁਰੱਖਿਆ ਲਈ ਖਤਰਾ ਬਣੀਆਂ ਹੋਈਆਂ ਹਨ। ਏਐਨਆਈ ਦੇ ਅਨੁਸਾਰ ਇਨ੍ਹਾਂ 54 ਚੀਨੀ ਐਪਸ ਵਿੱਚ ਬਿਊਟੀ ਕੈਮਰਾ, ਸਵੀਟ ਸੈਲਫੀ ਐਚਡੀ, ਸੈਲਫੀ ਕੈਮਰਾ, ਇਕੁਇਲਾਈਜ਼ਰ ਅਤੇ ਬਾਸ ਬੂਸਟਰ, ਆਈਸਲੈਂਡ 2, ਐਸ਼ੇਸ ਆਫ ਟਾਈਮ ਲਾਈਟ, ਵੀਵਾ ਵੀਡੀਓ ਐਡੀਟਰ, ਟੇਨਸੈਂਟ ਐਕਸਰੀਵਰ, ਓਨਮੋਜੀ ਚੇਜ਼, ਓਨਮੋਜੀ ਅਰੇਨਾ, ਐਪਲੌਕ, ਡਿਊਲ ਸਪੇਸ ਲਾਈਟ ਸ਼ਾਮਲ ਹਨ।
The 54 Chinese apps include Beauty Camera: Sweet Selfie HD, Beauty Camera – Selfie Camera, Equalizer & Bass Booster, CamCard for SalesForce Ent, Isoland 2: Ashes of Time Lite, Viva Video Editor, Tencent Xriver, Onmyoji Chess, Onmyoji Arena, AppLock, Dual Space Lite.
— ANI (@ANI) February 14, 2022
ਦਰਅਸਲ, ਪਿਛਲੇ ਸਾਲ ਜੂਨ ਦੀ ਸ਼ੁਰੂਆਤ ‘ਚ ਭਾਰਤ ਨੇ ਦੇਸ਼ ਦੀ ਪ੍ਰਭੂਸੱਤਾ ਤੇ ਸੁਰੱਖਿਆ ਦੇ ਖਤਰੇ ਨੂੰ ਧਿਆਨ ‘ਚ ਰੱਖਦੇ ਹੋਏ, 59 ਚੀਨੀ ਮੋਬਾਈਲ ਐਪਲੀਕੇਸ਼ਨਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ, ਜਿਸ ਵਿਚ ਵਿਆਪਕ ਤੌਰ ‘ਤੇ ਵਰਤੇ ਜਾਣ ਵਾਲੇ ਸੋਸ਼ਲ ਮੀਡੀਆ ਪਲੇਟਫਾਰਮ ਜਿਵੇਂ ਕਿ TikTok, WeChat ਤੇ Helo ਸ਼ਾਮਲ ਹਨ। 29 ਜੂਨ ਦੇ ਆਦੇਸ਼ ਵਿੱਚ ਖੁਫੀਆ ਏਜੰਸੀਆਂ ਨੇ ਜ਼ਿਆਦਾਤਰ ਪਾਬੰਦੀਸ਼ੁਦਾ ਐਪਸ ਬਾਰੇ ਚਿੰਤਾ ਜ਼ਾਹਰ ਕਰਦੇ ਹੋਏ ਕਿਹਾ ਸੀ ਕਿ ਉਪਭੋਗਤਾ ਡੇਟਾ ਇਕੱਠਾ ਕਰ ਰਹੇ ਹਨ ਅਤੇ ਸੰਭਵ ਤੌਰ ‘ਤੇ ਉਨ੍ਹਾਂ ਨੂੰ ਬਾਹਰ ਵੀ ਭੇਜ ਰਹੇ ਹਨ।
