ਵਿੱਤੀ-ਤਕਨਾਲੋਜੀ ਕੰਪਨੀ BharatPe ਨੇ ਕਿਹਾ ਕਿ ਉਸ ਦੇ ਸਹਿ-ਸੰਸਥਾਪਕ ਅਸ਼ਨੀਰ ਗਰੋਵਰ ਨੂੰ ਕੰਪਨੀ ਦੇ ਸਾਰੇ ਅਹੁਦਿਆਂ ਤੋਂ ਹਟਾ ਦਿੱਤਾ ਗਿਆ ਹੈ। BharatPe ਨੇ ਕੰਪਨੀ ਦੇ ਫੰਡਾਂ ਵਿੱਚ ਵੱਡੇ ਪੱਧਰ ‘ਤੇ ਬੇਨਿਯਮੀਆਂ ਵਿੱਚ ਗਰੋਵਰ ਦੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਦੀ ਸ਼ਮੂਲੀਅਤ ਵੀ ਪਾਈ ਹੈ।
ਕੰਪਨੀ ਨੇ ਬੁੱਧਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ, “ਨਿਰਦੇਸ਼ਕ ਮੰਡਲ ਭਾਰਤਪੇ, ਇਸਦੇ ਮਿਹਨਤੀ ਕਰਮਚਾਰੀਆਂ ਅਤੇ ਵਿਸ਼ਵ ਪੱਧਰੀ ਤਕਨਾਲੋਜੀ ਦੀ ਸਾਖ ਨੂੰ ਗਰੋਵਰ ਪਰਿਵਾਰ ਦੇ ਨਿੰਦਣਯੋਗ ਵਿਵਹਾਰ ਦੁਆਰਾ ਖਰਾਬ ਨਹੀਂ ਹੋਣ ਦੇਵੇਗਾ।” ਗਰੋਵਰ ਹੁਣ ਆਪਣੀਆਂ ਗਲਤੀਆਂ ਕਾਰਨ ਕੰਪਨੀ ਦਾ ਸੰਸਥਾਪਕ ਜਾਂ ਨਿਰਦੇਸ਼ਕ ਜਾਂ ਕਰਮਚਾਰੀ ਵੀ ਨਹੀਂ ਹੈ।
