ਵਪਾਰ ਡੈਸਕ: ਭਾਰਤ ਦੀ ਪ੍ਰਮੁੱਖ ਆਈਟੀ ਕੰਪਨੀ ਇਨਫੋਸਿਸ ਨੇ ਅੰਦਰੂਨੀ ਫਰੈਸ਼ਰ ਅਸੈਸਮੈਂਟ ਟੈਸਟ ਵਿੱਚ ਫੇਲ ਹੋਏ 600 ਫਰੈਸ਼ਰਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਬਿਜ਼ਨਸ ਟੂਡੇ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਦੋ ਹਫ਼ਤੇ ਪਹਿਲਾਂ, 208 ਫਰੈਸ਼ਰਾਂ ਨੂੰ ਐਫਏ ਟੈਸਟ ਵਿੱਚ ਅਸਫਲ ਹੋਣ ਤੋਂ ਬਾਅਦ ਇਨਫੋਸਿਸ ਤੋਂ ਕੱਢ ਦਿੱਤਾ ਗਿਆ ਸੀ। ਪਿਛਲੇ ਕੁਝ ਮਹੀਨਿਆਂ ਵਿੱਚ ਕੁੱਲ ਮਿਲਾ ਕੇ ਲਗਭਗ 600 ਫਰੈਸ਼ਰਾਂ ਨੂੰ ਟੈਸਟ ਵਿੱਚ ਫੇਲ ਹੋਣ ਤੋਂ ਬਾਅਦ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਹੈ। ਦੱਸ ਦੇਈਏ ਕਿ ਅਜੇ ਤੱਕ ਇਸ ਖਬਰ ‘ਤੇ ਕੰਪਨੀ ਵੱਲੋਂ ਕੋਈ ਬਿਆਨ ਨਹੀਂ ਆਇਆ ਹੈ।
ਅਗਸਤ 2022 ਵਿੱਚ ਇਨਫੋਸਿਸ ਵਿੱਚ ਸ਼ਾਮਲ ਹੋਏ ਇੱਕ ਨਵੇਂ ਵਿਅਕਤੀ ਨੇ ਬਿਜ਼ਨਸ ਟੂਡੇ ਨੂੰ ਦੱਸਿਆ ਕਿ ਉਸਨੇ ਪਿਛਲੇ ਸਾਲ ਅਗਸਤ ਵਿੱਚ ਕੰਮ ਕਰਨਾ ਸ਼ੁਰੂ ਕੀਤਾ ਸੀ। ਉਸ ਨੂੰ SAP ABAP ਸਟ੍ਰੀਮ ਲਈ ਸਿਖਲਾਈ ਦਿੱਤੀ ਗਈ ਸੀ। ਉਸ ਦੀ ਟੀਮ ਦੇ 150 ਵਿੱਚੋਂ ਸਿਰਫ਼ 60 ਲੋਕਾਂ ਨੇ ਹੀ ਐੱਫ.ਏ. ਦਾ ਟੈਸਟ ਪਾਸ ਕੀਤਾ। ਫੇਲ ਹੋਏ ਸਾਰੇ ਲੋਕਾਂ ਨੂੰ ਦੋ ਹਫ਼ਤੇ ਪਹਿਲਾਂ ਹੀ ਬਰਖਾਸਤ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਪਿਛਲੇ ਬੈਚ ਦੇ 150 ਫਰੈਸ਼ਰਾਂ ਵਿੱਚੋਂ 85 ਦੇ ਕਰੀਬ ਫਰੈਸ਼ਰਾਂ ਨੂੰ ਟੈਸਟ ਵਿੱਚ ਫੇਲ ਹੋਣ ਤੋਂ ਬਾਅਦ ਕੰਪਨੀ ਵੱਲੋਂ ਬਰਖਾਸਤ ਕਰ ਦਿੱਤਾ ਗਿਆ ਸੀ। ਬਿਜ਼ਨਸ ਟੂਡੇ ਦੀ ਖਬਰ ਮੁਤਾਬਕ ਕੰਪਨੀ ਦੇ ਇਕ ਨੁਮਾਇੰਦੇ ਨੇ ਕਿਹਾ ਕਿ ਕਰਮਚਾਰੀਆਂ ਨੂੰ ਹਮੇਸ਼ਾ ਅੰਦਰੂਨੀ ਟੈਸਟਾਂ ‘ਚ ਫੇਲ ਹੋਣ ‘ਤੇ ਨੌਕਰੀ ਤੋਂ ਕੱਢ ਦਿੱਤਾ ਜਾਂਦਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਮਾਈਕ੍ਰੋਸਾਫਟ ਤੋਂ ਲੈ ਕੇ ਐਮਾਜ਼ਾਨ ਅਤੇ ਗੋਲਡਮੈਨ ਸਾਕਸ ਤੱਕ ਅਮਰੀਕੀ ਕੰਪਨੀਆਂ ਨੇ ਹਜ਼ਾਰਾਂ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਹਾਲ ਹੀ ਵਿੱਚ, ਮਾਈਕ੍ਰੋਸਾਫਟ ਨੇ 10,000 ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ ਕੀਤਾ ਸੀ, ਜਦੋਂ ਕਿ ਗੂਗਲ ਦੀ ਮੂਲ ਕੰਪਨੀ ਅਲਫਾਬੇਟ ਨੇ 12,000 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਸੀ। ਮੰਦੀ ਦੀ ਮਾਰ ਸਭ ਤੋਂ ਵੱਧ ਤਕਨੀਕੀ ਕੰਪਨੀਆਂ ਨੂੰ ਪੈਣ ਦੀ ਸੰਭਾਵਨਾ ਹੈ ਅਤੇ ਇਸ ਕਾਰਨ ਕੰਪਨੀਆਂ ਆਪਣੇ ਕਰਮਚਾਰੀਆਂ ਤੋਂ ਨੌਕਰੀਆਂ ਖੋਹ ਰਹੀਆਂ ਹਨ।
Infosys ਨੇ ਮੁਲਾਂਕਣ ਟੈਸਟ ‘ਚ ਫੇਲ੍ਹ ਹੋਏ 600 ਫਰੈਸ਼ਰਾਂ ਨੂੰ ਨੌਕਰੀ ਤੋਂ ਕੱਢਿਆ: ਰਿਪੋਰਟ
