ਲਾਈਵ ਪੰਜਾਬੀ ਟੀਵੀ ਬਿਊਰੋ : ਤਿਉਹਾਰਾਂ ਤੋਂ ਪਹਿਲਾਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਜ਼ਬਰਦਸਤ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੋਨਾ ਨਵੇਂ ਰਿਕਾਰਡ ਨੂੰ ਛੂਹ ਕੇ ਇਤਿਹਾਸ ਰਚ ਰਿਹਾ ਹੈ। ਵਾਇਦਾ ਬਾਜ਼ਾਰ 'ਚ ਸੋਨੇ ਦੀ ਕੀਮਤ ਪਹਿਲੀ ਵਾਰ 75,200 ਰੁਪਏ ਨੂੰ ਪਾਰ ਕਰ ਗਈ ਹੈ। COMEX 'ਤੇ ਕੀਮਤ ਵੀ 2,665 ਡਾਲਰ ਦੇ ਰਿਕਾਰਡ ਉੱਚੇ ਪੱਧਰ ਨੂੰ ਪਾਰ ਕਰ ਗਈ ਹੈ। ਇਸ ਦੇ ਨਤੀਜੇ ਵਜੋਂ ਵਾਇਦਾ ਬਾਜ਼ਾਰ 'ਚ ਸੋਨੇ ਦੀਆਂ ਕੀਮਤਾਂ 'ਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਦੂਜੇ ਪਾਸੇ ਕੱਲ੍ਹ ਚਾਂਦੀ ਵੀ 3300 ਰੁਪਏ ਦੀ ਛਲਾਂਗ ਲਗਾ ਕੇ 92500 ਰੁਪਏ ਦੇ ਉੱਪਰ ਪਹੁੰਚ ਗਈ ਸੀ, ਜਦੋਂ ਕਿ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਵੀ ਇਸ ਦੀ ਕੀਮਤ 4 ਫੀਸਦੀ ਦੀ ਵੱਡੀ ਛਾਲ ਮਾਰ ਕੇ 32 ਡਾਲਰ ਦੇ ਉੱਪਰ ਪਹੁੰਚ ਗਈ ਸੀ।

ਵਾਇਦਾ ਬਾਜ਼ਾਰ (MCX) 'ਚ ਅੱਜ ਇਹ 250 ਰੁਪਏ ਦੇ ਵਾਧੇ ਨਾਲ 75,253 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਇਹ 76,000 ਰੁਪਏ ਦੇ ਇੰਟਰਾਡੇ ਪੱਧਰ ਨੂੰ ਵੀ ਛੂਹ ਗਿਆ। 6 ਮਹੀਨਿਆਂ 'ਚ ਸੋਨਾ 15,000 ਰੁਪਏ ਤੋਂ ਜ਼ਿਆਦਾ ਮਹਿੰਗਾ ਹੋ ਗਿਆ ਹੈ। ਗਲੋਬਲ ਸੋਨਾ 2,670 ਡਾਲਰ ਦੇ ਰਿਕਾਰਡ 'ਤੇ ਪਹੁੰਚ ਗਿਆ। ਕੱਲ੍ਹ ਇਹ 75,003 ਰੁਪਏ 'ਤੇ ਬੰਦ ਹੋਇਆ ਸੀ। ਚਾਂਦੀ 'ਚ ਅੱਜ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ। ਇਹ 169 ਰੁਪਏ ਦੀ ਗਿਰਾਵਟ ਨਾਲ 92,224 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਕੱਲ੍ਹ ਇਹ 92,393 'ਤੇ ਬੰਦ ਹੋਇਆ ਸੀ। ਚਾਂਦੀ 4 ਮਹੀਨਿਆਂ 'ਚ ਸਭ ਤੋਂ ਮਹਿੰਗੀ ਕੀਮਤ 'ਤੇ ਪਹੁੰਚ ਗਈ ਹੈ। ਇਸ ਸਾਲ ਚਾਂਦੀ 'ਚ 25 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।