ਲਾਈਵ ਪੰਜਾਬੀ ਟੀਵੀ ਬਿਊਰੋ : ਸਾਲ 2024 ਸ਼ੇਅਰ ਬਾਜ਼ਾਰਾਂ ਲਈ ਬਹੁਤ ਉਤਾਰ-ਚੜ੍ਹਾਅ ਵਾਲਾ ਰਿਹਾ ਹੈ। ਭਾਰਤੀ ਸ਼ੇਅਰ ਬਾਜ਼ਾਰਾਂ ਨੇ ਜਿੱਥੇ ਸਾਲ ਦੌਰਾਨ ਕਈ ਵਾਰ ਰਿਕਾਰਡ ਬਣਾਏ, ਉੱਥੇ ਹੀ ਦੂਜੇ ਪਾਸੇ ਇਸ ਨੂੰ ਕਈ ਵਾਰ ਵੱਡੇ ਨੁਕਸਾਨ ਦਾ ਸਾਹਮਣਾ ਵੀ ਕਰਨਾ ਪਿਆ। ਹਾਲਾਂਕਿ ਇਸ ਦੇ ਬਾਵਜੂਦ ਘਰੇਲੂ ਨਿਵੇਸ਼ਕਾਂ ਦੇ ਦਮ 'ਤੇ ਸ਼ੇਅਰ ਬਾਜ਼ਾਰਾਂ ਨੇ ਸਾਲ ਦੌਰਾਨ ਨਿਵੇਸ਼ਕਾਂ ਨੂੰ ਸਕਾਰਾਤਮਕ ਰਿਟਰਨ ਦਿੱਤਾ ਹੈ। ਇਸ ਸਾਲ 27 ਦਸੰਬਰ ਤੱਕ ਬੀਐੱਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 6,458.81 ਅੰਕ ਜਾਂ 8.94 ਫੀਸਦੀ ਚੜ੍ਹਿਆ ਹੈ। ਉਥੇ ਹੀ, ਨੈਸ਼ਨਲ ਸਟਾਕ ਐਕਸਚੇਂਜ ਦੇ ਨਿਫਟੀ ਵਿਚ 2,082 ਅੰਕ ਜਾਂ 9.58 ਫੀਸਦੀ ਦਾ ਉਛਾਲ ਆਇਆ ਹੈ। ਬੀਐੱਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਇਸ ਸਾਲ 27 ਸਤੰਬਰ ਨੂੰ 85,978.25 ਦੇ ਰਿਕਾਰਡ ਪੱਧਰ 'ਤੇ ਪਹੁੰਚ ਗਿਆ ਸੀ। ਉਸੇ ਦਿਨ ਨਿਫਟੀ ਵੀ 26,277.35 ਅੰਕਾਂ ਦੇ ਆਪਣੇ ਸਰਵਕਾਲੀ ਉੱਚ ਪੱਧਰ ਨੂੰ ਛੂਹਿਆ ਸੀ।

ਸਮਾਲ ਕੈਪ ਤੇ ਮਿਡ ਕੈਪ ਦਾ ਰਿਹਾ ਦਬਦਬਾ

ਇਸ ਦੌਰਾਨ ਸਮਾਲ ਕੈਪ ਅਤੇ ਮਿਡ ਕੈਪ ਕੰਪਨੀਆਂ ਦੇ ਸ਼ੇਅਰਾਂ ਦਾ ਪ੍ਰਦਰਸ਼ਨ ਵੱਡੀਆਂ ਕੰਪਨੀਆਂ ਤੋਂ ਬਿਹਤਰ ਰਿਹਾ। ਇਹੀ ਕਾਰਨ ਹੈ ਕਿ ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ ਨੇ 'ਲਾਰਜਕੈਪ' ਸਟਾਕਾਂ ਦੇ ਮੁਕਾਬਲੇ ਨਿਵੇਸ਼ਕਾਂ ਨੂੰ ਜ਼ਿਆਦਾ ਰਿਟਰਨ ਦਿੱਤਾ ਹੈ। ਸਵਾਸਤਿਕਾ ਇਨਵੈਸਟਮਾਰਟ ਲਿਮਿਟੇਡ ਦੇ ਰਿਸਰਚ ਮੁਖੀ ਸੰਤੋਸ਼ ਮੀਨਾ ਨੇ ਕਿਹਾ ਕਿ ਹਾਲਾਂਕਿ ਨਿਫਟੀ ਅਤੇ ਸੈਂਸੈਕਸ ਦਾ ਪ੍ਰਦਰਸ਼ਨ ਦੂਜੇ ਦੇਸ਼ਾਂ ਖਾਸ ਕਰਕੇ ਅਮਰੀਕਾ ਦੇ ਬਾਜ਼ਾਰਾਂ ਦੇ ਮੁਕਾਬਲੇ ਕਮਜ਼ੋਰ ਰਿਹਾ ਹੈ। ਇਸ ਖ਼ਰਾਬ ਪ੍ਰਦਰਸ਼ਨ ਦਾ ਕਾਰਨ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (ਐੱਫਆਈਆਈ) ਦੀ ਭਾਰੀ ਵਿਕਰੀ ਹੈ। ਸੈਂਸੈਕਸ ਸਤੰਬਰ ਦੇ ਆਪਣੇ ਸਰਵਕਾਲੀ ਉੱਚ ਪੱਧਰ ਤੋਂ 8.46 ਫੀਸਦੀ ਹੇਠਾਂ ਆ ਚੁੱਕਾ ਹੈ। ਇਸ ਦੇ ਨਾਲ ਹੀ ਨਿਫਟੀ ਰਿਕਾਰਡ ਪੱਧਰ ਤੋਂ 9.37 ਫੀਸਦੀ ਟੁੱਟ ਚੁੱਕਾ ਹੈ। ਇਕੱਲੇ ਅਕਤੂਬਰ 'ਚ ਸੈਂਸੈਕਸ 4,910.72 ਅੰਕ ਜਾਂ 5.82 ਫੀਸਦੀ ਹੇਠਾਂ ਆਇਆ ਸੀ।

ਦਸੰਬਰ ਮਹੀਨੇ ਨਿਫਟੀ ਵਿਚ 1,605.5 ਅੰਕ ਜਾਂ 6.22 ਫੀਸਦੀ ਗਿਰਾਵਟ ਆਈ ਸੀ। ਦਸੰਬਰ 'ਚ ਹੁਣ ਤੱਕ ਸੈਂਸੈਕਸ 1,103.72 ਅੰਕ ਜਾਂ 1.38 ਫੀਸਦੀ ਹੇਠਾਂ ਆਇਆ ਹੈ। ਅਕਤੂਬਰ 'ਚ ਐੱਫਆਈਆਈ ਨੇ ਭਾਰਤੀ ਬਾਜ਼ਾਰਾਂ 'ਚੋਂ 94,017 ਕਰੋੜ ਰੁਪਏ ਦੀ ਨਿਕਾਸੀ ਕੀਤੀ ਸੀ। ਪਿਛਲੇ ਸਾਲ ਭਾਵ 2023 'ਚ ਸੈਂਸੈਕਸ 11,399.52 ਅੰਕ ਜਾਂ 18.73 ਫੀਸਦੀ ਚੜ੍ਹਿਆ ਸੀ। ਜਦੋਂ ਕਿ ਨਿਫਟੀ 'ਚ 3,626.1 ਅੰਕ ਜਾਂ 20 ਫੀਸਦੀ ਦੇ ਲਾਭ ਵਿਚ ਰਿਹਾ ਸੀ।

ਕੋਵਿਡ ਮਹਾਮਾਰੀ ਤੋਂ ਬਾਅਦ ਇਹ ਤੀਜੀ ਵੱਡੀ ਗਿਰਾਵਟ ਸੀ

ਮੋਤੀਲਾਲ ਓਸਵਾਲ ਵੈਲਥ ਮੈਨੇਜਮੈਂਟ ਨੇ ਇਕ ਨੋਟ ਵਿਚ ਕਿਹਾ ਕਿ ਸਾਲ ਦੀ ਪਹਿਲੀ ਛਿਮਾਹੀ ਵਿਚ ਕੰਪਨੀਆਂ ਦੇ ਮਜ਼ਬੂਤ ਵਿੱਤੀ ਨਤੀਜਿਆਂ, ਘਰੇਲੂ ਫੰਡਾਂ ਦੇ ਪ੍ਰਵਾਹ ਵਿਚ ਉਛਾਲ ਅਤੇ ਮਜ਼ਬੂਤ ਮੈਕਰੋ ਆਉਟਲੁੱਕ ਦੇ ਕਾਰਨ, ਨਿਫਟੀ ਸਤੰਬਰ 2024 ਵਿਚ 26,277.35 ਅੰਕਾਂ ਦੇ ਸਰਵਕਾਲੀ ਉੱਚ ਪੱਧਰ 'ਤੇ ਪਹੁੰਚ ਗਿਆ ਸੀ। ਨੋਟ 'ਚ ਕਿਹਾ ਗਿਆ ਹੈ, ਪਿਛਲੇ ਦੋ ਮਹੀਨਿਆਂ 'ਚ ਬਾਜ਼ਾਰ ਆਪਣੇ ਸਰਵਕਾਲੀ ਉੱਚ ਪੱਧਰ ਤੋਂ ਹੇਠਾਂ ਆ ਗਿਆ ਹੈ। ਕੋਵਿਡ-19 ਮਹਾਮਾਰੀ ਤੋਂ ਬਾਅਦ 2020 ਵਿਚ ਇਹ ਤੀਜੀ ਵੱਡੀ ਗਿਰਾਵਟ ਸੀ। ਇਸ ਦਾ ਮੁੱਖ ਕਾਰਨ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (ਐੱਫਆਈਆਈ) ਦੁਆਰਾ ਘਰੇਲੂ ਅਤੇ ਗਲੋਬਲ ਕਾਰਕਾਂ ਦੇ ਕਾਰਨ ਭਾਰੀ ਵਿਕਰੀ ਹੈ। ਇਹ ਸਾਲ ਕਾਫੀ ਘਟਨਾਕ੍ਰਮਾਂ ਦਾ ਰਿਹਾ। ਭਾਰਤ ਵਿੱਚ ਆਮ ਚੋਣਾਂ ਤੋਂ ਇਲਾਵਾ ਅਮਰੀਕਾ ਵਿਚ ਰਾਸ਼ਟਰਪਤੀ ਚੋਣਾਂ ਸਾਲ ਦੌਰਾਨ ਮੁੱਖ ਘਟਨਾਵਾਂ ਰਹੀਆਂ। ਇਸ ਤੋਂ ਇਲਾਵਾ ਸ਼ੇਅਰ ਬਾਜ਼ਾਰਾਂ 'ਤੇ ਦੋ ਵੱਡੇ ਭੂ-ਰਾਜਨੀਤਿਕ ਘਟਨਾਵਾਂ। ਇਜ਼ਰਾਈਲ-ਇਰਾਨ ਸੰਘਰਸ਼ ਅਤੇ ਰੂਸ-ਯੂਕਰੇਨ ਯੁੱਧ ਦਾ ਵੀ ਅਸਰ ਪਿਆ। ਸਾਲ 2024 ਵਿਚ ਬਲਦਾਂ ਅਤੇ ਰਿੱਛਾਂ ਵਿਚਕਾਰ ਬਹੁਤ ਜ਼ਿਆਦਾ ਟਕਰਾਅ ਦੇਖਣ ਨੂੰ ਮਿਲਿਆ।

ਬਾਜ਼ਾਰ 'ਚ ਲਗਾਤਾਰ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲੇ

ਗਲੋਬਲ ਮੈਕਰੋ-ਆਰਥਿਕ ਡੇਟਾ ਅਤੇ ਭੂ-ਰਾਜਨੀਤਿਕ ਤਣਾਅ ਨੇ ਮਾਰਕੀਟ ਨੂੰ ਕਾਫ਼ੀ ਪ੍ਰਭਾਵਿਤ ਕੀਤਾ, ਜਿਸ ਕਾਰਨ ਮਾਰਕੀਟ ਵਿਚ ਲਗਾਤਾਰ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲੇ। ਹਾਲਾਂਕਿ, ਦੁਨੀਆ ਭਰ ਦੀਆਂ ਅਨਿਸ਼ਚਿਤਤਾਵਾਂ ਦੇ ਬਾਵਜੂਦ, ਭਾਰਤੀ ਬਾਜ਼ਾਰਾਂ ਨੇ ਦਬਾਅ ਦੇ ਵਿਚਕਾਰ ਵੱਡੇ ਪੱਧਰ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਅਤੇ ਨਿਵੇਸ਼ਕਾਂ ਨੂੰ ਬਿਹਤਰ ਰਿਟਰਨ ਦਿੱਤਾ ਹੈ। ਮਹਿਤਾ ਇਕੁਇਟੀਜ਼ ਲਿਮਿਟੇਡ ਆਈਸੀਆਈਸੀਆਈ ਬੈਂਕ ਦੇ ਰਿਸਰਚ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਪ੍ਰਸ਼ਾਂਤ ਤਪਸੇ ਨੇ ਕਿਹਾ ਕਿ ਇਹ ਮੁੱਲਾਂਕਣ ਉਛਾਲ ਦਾ ਸਾਲ ਵੀ ਸੀ, ਜਿਸ ਨੇ ਭਾਰਤੀ ਬਾਜ਼ਾਰਾਂ ਨੂੰ ਦੁਨੀਆ ਵਿਚ ਸਭ ਤੋਂ ਮਹਿੰਗਾ ਬਣਾ ਦਿੱਤਾ ਸੀ। ਬਾਜ਼ਾਰ ਵਿਚ ਵਾਧੂ ਤਰਲਤਾ ਨੇ ਮੁੱਲਾਂਕਣਾਂ ਨੂੰ ਉੱਚਾ ਕੀਤਾ ਜਿਸ ਦੇ ਫਲਸਰੂਪ ਇਕ 'ਸੁਧਾਰ' ਹੋਇਆ।