March 26, 2025
Admin / Business
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਸੈਮਸੰਗ ਇੰਡੀਆ ਤੇ ਉਸ ਦੇ ਅਧਿਕਾਰੀਆਂ ਨੂੰ ਭਾਰਤ ਵਿਚ ਸਥਾਨਕ ਅਧਿਕਾਰੀਆਂ ਤੋਂ 601 ਮਿਲੀਅਨ ਡਾਲਰ (ਲਗਭਗ 4,960 ਕਰੋੜ ਰੁਪਏ) ਦਾ ਟੈਕਸ ਨੋਟਿਸ ਮਿਲਿਆ ਹੈ। ਸੈਮਸੰਗ 'ਤੇ ਦੋਸ਼ ਹੈ ਕਿ ਉਸ ਨੇ "ਮੁੱਖ ਦੂਰਸੰਚਾਰ ਉਪਕਰਣਾਂ ਦੇ ਦਰਾਮਦ 'ਤੇ ਟੈਰਿਫ ਤੋਂ ਬਚਣ ਲਈ ਗਲਤ ਤਰੀਕੇ ਨਾਲ ਦਰਾਮਦ ਕੀਤੇ। ਇਸ ਦੇ ਚਲਦੇ ਕੰਪਨੀ ਨੂੰ ਪਿਛਲਾ ਟੈਕਸ ਤੇ ਜੁਰਮਾਨਾ ਭਰਨ ਦਾ ਨਿਰਦੇਸ਼ ਦਿੱਤਾ ਗਿਆ ਹੈ।
ਸੈਮਸੰਗ 'ਤੇ ਦੋਸ਼?
ਭਾਰਤ ਸੈਮਸੰਗ ਲਈ ਇਕ ਮਹੱਤਵਪੂਰਨ ਬਾਜ਼ਾਰ ਹੈ, ਖਾਸ ਤੌਰ 'ਤੇ ਇਲੈਕਟ੍ਰੋਨਿਕਸ ਅਤੇ ਸਮਾਰਟਫੋਨ ਸੈਕਟਰ ਵਿਚ। ਰਾਇਟਰ ਦੀ ਰਿਪੋਰਟ ਦੇ ਅਨੁਸਾਰ, ਭਾਰਤ ਸਰਕਾਰ ਆਪਣੇ ਸਥਾਨਕ ਨਿਰਮਾਣ ਨੂੰ ਹੁਲਾਰਾ ਦੇਣ ਲਈ ਸਬਸਿਡੀ ਦੇ ਰਹੀ ਹੈ, ਪਰ ਸੈਮਸੰਗ 'ਤੇ ਇਹ ਦੋਸ਼ ਹੈ ਕਿ ਉਸਨੇ ਟੈਲੀਕਾਮ ਉਪਕਰਣਾਂ ਦਾ ਦਰਾਮਦ ਕਰਕੇ ਰਿਲਾਇੰਸ ਜੀਓ ਨੂੰ ਵੇਚੇ।
ਸੈਮਸੰਗ ਨੇ ਭਾਰਤ ਵਿਚ 2023 ਵਿਚ ਇਲੈਕਟ੍ਰਾਨਿਕਸ ਅਤੇ ਸਮਾਰਟਫ਼ੋਨ ਦੀ ਵਿਕਰੀ ਤੋਂ 955 ਮਿਲੀਅਨ ਡਾਲਰ ਦਾ ਸ਼ੁੱਧ ਲਾਭ ਕਮਾਇਆ। ਹਾਲਾਂਕਿ ਕੰਪਨੀ ਨੂੰ ਟੈਕਸ ਰਿਫੰਡ ਨੋਟਿਸ ਮਿਲ ਗਿਆ ਹੈ, ਪਰਇਹ ਟੈਕਸ ਟ੍ਰਿਬਿਊਨਲ ਜਾਂ ਅਦਾਲਤਾਂ ਵਿਚ ਚੁਣੌਤੀ ਦੇਣ ਦੀ ਯੋਜਨਾ ਬਣਾ ਸਕਦੀ ਹੈ।
ਸੈਮਸੰਗ ਦੀ ਪ੍ਰਤੀਕਿਰਿਆ
ਸੈਮਸੰਗ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਸਿਰਫ ਟੈਲੀਕਾਮ ਉਪਕਰਣਾਂ ਦੇ ਵਰਗੀਕਰਨ ਨਾਲ ਜੁੜਿਆ ਹੈ ਅਤੇ ਕੰਪਨੀ ਭਾਰਤੀ ਕਾਨੂੰਨਾਂ ਦੀ ਪਾਲਣਾ ਕਰਦੀ ਹੈ। ਕੰਪਨੀ ਇਸ ਮਾਮਲੇ 'ਚ ਆਪਣੇ ਕਾਨੂੰਨੀ ਬਦਲਾਵਾਂ 'ਤੇ ਵਿਚਾਰ ਕਰ ਰਹੀ ਹੈ।
ਵਿਦੇਸ਼ੀ ਕੰਪਨੀਆਂ 'ਤੇ ਵਧ ਸਕਦੀਆਂ ਹਨ ਚੁਣੌਤੀਆਂ
ਹਾਲ ਹੀ ਵਿੱਚ, ਫਾਕਸਵੈਗਨ 'ਤੇ ਵੀ ਭਾਰਤ ਵਿਚ ਦਰਾਮਦ ਟੈਕਸ ਵਿਵਾਦ ਉਠ ਚੁੱਕਿਆ ਹੈ, ਜਿਸ ਵਿਚ ਕੰਪਨੀ 'ਤੇ 1.4 ਬਿਲੀਅਨ ਡਾਲਰ (ਲਗਭਗ 11,600 ਕਰੋੜ ਰੁਪਏ) ਦਾ ਦਰਾਮਦ ਟੈਕਸ ਲਗਾਇਆ ਗਿਆ ਸੀ। ਭਾਰਤ ਸਰਕਾਰ ਵਿਦੇਸ਼ੀ ਕੰਪਨੀਆਂ ਦੁਆਰਾ ਗਲਤ ਤਰੀਕੇ ਨਾਲ ਦਰਾਮਦ ਡਿਊਟੀਆਂ ਤੋਂ ਬਚਣ ਦੀਆਂ ਕੋਸ਼ਿਸ਼ਾਂ 'ਤੇ ਸਖਤੀ ਕਰ ਰਹੀ ਹੈ ਅਤੇ ਇਹ ਟੈਕਸ ਵਿਵਾਦ ਦਰਸਾਉਂਦੇ ਹਨ ਕਿ ਭਾਰਤ ਵਿਚ ਵਿਦੇਸ਼ੀ ਕੰਪਨੀਆਂ ਲਈ ਰੈਗੂਲੇਟਰੀ ਚੁਣੌਤੀਆਂ ਵਧ ਸਕਦੀਆਂ ਹਨ।
Government Tightens Grip On Samsung Issues Tax Notice Of 601 Million Company Under Question
