November 25, 2025
New DelhiEthiopia 'ਚ ਫਟਿਆ ਜਵਾਲਾਮੁਖੀ, ਦਿੱਲੀ ਤੱਕ ਪਹੁੰਚੀ ਸੁਆਹ; DGCA ਨੇ ਜਾਰੀ ਕੀਤੀ Advisory
ਨਵੀਂ ਦਿੱਲੀ, 25 ਨਵੰਬਰ, 2025: ਪੂਰਬੀ ਅਫ਼ਰੀਕੀ ਦੇਸ਼ ਇਥੋਪੀਆ ਵਿੱਚ ਸਥਿਤ 'ਹੈਲੀ ਗੁੱਬੀ' ਜਵਾਲਾਮੁਖੀ 10,000 ਸਾਲਾਂ ਅਚਾਨਕ ਫੱਟ ਗਿਆ। ਐਤਵਾਰ ਨੂੰ ਹੋਏ ਇਸ ਧਮਾਕੇ ਤੋਂ ਨਿਕਲੀ ਸੁਆਹ ਦਾ ਵਿਸ਼ਾਲ ਗੁਬਾਰ ਅਰਬ ਸਾਗਰ ਹੁੰਦੇ ਹੋਏ ਉੱਤਰੀ ਭਾਰਤ ਦੇ ਅਸਮਾਨ ਵਿੱਚ ਛਾ ਗਿਆ ਹੈ, ਜਿਸ ਕਾਰਨ ਹਵਾਈ ਯਾਤਰਾ 'ਤੇ ਸੰਕਟ ਡੂੰਘਾ ਹੁੰਦਾ ਨਜ਼ਰ ਆ ਰਿਹਾ ਹੈ। ਹੁਣ ਇਸ ਸਥਿਤੀ ਨੂੰ ਦੇਖਦੇ ਹੋਏ DGCA ਨੇ ਸਾਰੀਆਂ ਏਅਰਲਾਈਨਾਂ ਨੂੰ ਸਖ਼ਤ ਨਿਰਦੇਸ਼ ਦਿੰਦੇ ਹੋਏ ਪ੍ਰਭਾਵਿਤ ਖੇਤਰਾਂ ਤੋਂ ਬਚਣ ਅਤੇ ਰੂਟ ਬਦਲਣ ਦੀ ਐਡਵਾਈਜ਼ਰੀ (Advisory) ਜਾਰੀ ਕਰ ਦਿੱਤੀ ਹੈ।
ਕਈ ਉਡਾਣਾਂ ਰੱਦ, Indigo ਨੇ ਬਦਲਿਆ ਰੂਟ
ਸੁਆਹ ਦੇ ਇਸ ਖ਼ਤਰੇ ਨੂੰ ਭਾਪਦਿਆਂ ਕਈ ਏਅਰਲਾਈਨਾਂ ਨੇ ਆਪਣੀਆਂ ਉਡਾਣਾਂ ਰੱਦ ਜਾਂ ਡਾਇਵਰਟ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਅਕਾਸਾ ਏਅਰ (Akasa Air) ਨੇ ਜੇਦਾਹ, ਕੁਵੈਤ ਅਤੇ ਅਬੂ ਧਾਬੀ ਲਈ 24-25 ਨਵੰਬਰ ਦੀਆਂ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ।
ਉੱਥੇ ਹੀ, ਕੇਐਲਐਮ ਰਾਇਲ ਡੱਚ ਏਅਰਲਾਈਨਜ਼ (KLM Royal Dutch Airlines) ਨੇ ਆਪਣੀਆਂ ਐਮਸਟਰਡਮ-ਦਿੱਲੀ ਸੇਵਾਵਾਂ ਨੂੰ ਰੋਕ ਦਿੱਤਾ ਹੈ। ਦੂਜੇ ਪਾਸੇ, ਇੰਡੀਗੋ (IndiGo) ਨੇ ਯਾਤਰੀਆਂ ਨੂੰ ਸੁਚੇਤ ਰਹਿਣ ਦੀ ਸਲਾਹ ਦਿੰਦੇ ਹੋਏ ਕਈ ਉਡਾਣਾਂ ਦੇ ਸੰਚਾਲਨ ਅਤੇ ਰੂਟ ਵਿੱਚ ਬਦਲਾਅ ਕੀਤਾ ਹੈ।
DGCA ਨੇ ਸੁਰੱਖਿਆ ਨੂੰ ਪਹਿਲ ਦਿੰਦੇ ਹੋਏ ਏਅਰਲਾਈਨਾਂ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਹ ਸੁਆਹ ਵਾਲੇ ਇਲਾਕਿਆਂ ਅਤੇ ਉਚਾਈਆਂ ਤੋਂ ਉਡਾਣ ਨਾ ਭਰਨ। ਪਾਇਲਟਾਂ ਨੂੰ ਉਡਾਣ ਮਾਰਗ ਅਤੇ ਈਂਧਨ (Fuel) ਦੀ ਯੋਜਨਾ ਬਦਲਣ ਦੇ ਨਾਲ-ਨਾਲ ਇੰਜਣ ਵਿੱਚ ਸਮੱਸਿਆ ਜਾਂ ਕੈਬਿਨ ਵਿੱਚ ਧੂੰਆਂ ਦਿਸਣ 'ਤੇ ਤੁਰੰਤ ਰਿਪੋਰਟ ਕਰਨ ਲਈ ਕਿਹਾ ਗਿਆ ਹੈ।
ਇਸ ਤੋਂ ਇਲਾਵਾ, ਹਵਾਈ ਅੱਡਿਆਂ (Airports) ਨੂੰ ਰਨਵੇਅ (Runway) ਅਤੇ ਟੈਕਸੀਵੇਅ 'ਤੇ ਸੁਆਹ ਦੀ ਜਾਂਚ ਕਰਨ ਅਤੇ ਲੋੜ ਪੈਣ 'ਤੇ ਸੰਚਾਲਨ ਰੋਕਣ ਦੇ ਹੁਕਮ ਦਿੱਤੇ ਗਏ ਹਨ। ਏਅਰਲਾਈਨਾਂ ਨੂੰ ਸੈਟੇਲਾਈਟ ਤਸਵੀਰਾਂ (Satellite Images) ਅਤੇ ਮੌਸਮ ਵਿਭਾਗ ਤੋਂ ਲਗਾਤਾਰ ਅਪਡੇਟ ਲੈਂਦੇ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।
Volcano Erupts In Ethiopia Ash Reaches Delhi DGCA Issues Advisory
