December 30, 2023
Lptv / Chandigarh
ਵਿਦੇਸ਼ ਡੈਸਕ। ਦੁਨੀਆ ਭਰ ਵਿਚ ਜਨਸੰਖਿਆ ਲਗਾਤਾਰ ਵਧਦੀ ਜਾ ਰਹੀ ਹੈ। ਅਮਰੀਕੀ ਜਨਗਣਨਾ ਬਿਊਰੋ ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ 2024 ਦੀ ਇਕ ਜਨਵਰੀ ਦੀ ਅੱਧੀ ਰਾਤ ਨੂੰ ਦੁਨੀਆ ਦੀ ਆਬਾਦੀ 8 ਅਰਬ ਨੂੰ ਪਾਰ ਕਰ ਜਾਵੇਗੀ।ਹੈਰਾਨ ਕਰ ਦੇਣ ਵਾਲੀ ਗੱਲ ਇਹ ਹੈ ਕਿ ਪਿਛਲੇ ਇਕ ਸਾਲ ਵਿਚ ਦੁਨੀਆ ਦੀ ਜਨਸੰਖਿਆ ਵਿਚ 7.5 ਕਰੋੜ ਲੋਕਾਂ ਦਾ ਵਾਧਾ ਹੋਇਆ ਹੈ।ਇਸ ਨਾਲ ਨਵੇਂ ਸਾਲ ਦੇ ਦਿਨ ਯਾਨੀ ਇਕ ਜਨਵਰੀ ਨੂੰ 8 ਅਰਬ ਤੋਂ ਵੱਧ ਹੋ ਜਾਵੇਗੀ। ਪਿਛਲੇ ਸਾਲ ਦੁਨੀਆ ਭਰ ਵਿਚ ਵਿਕਾਸ ਦਰ ਸਿਰਫ ਇਕ ਫੀਸਦੀ ਤੋਂ ਘੱਟ ਸੀ। ਜਨਗਣਨਾ ਮੁਤਾਬਕ 2024 ਦੀ ਸ਼ੁਰੂਆਤ ਵਿਚ ਦੁਨੀਆ ਵਿਚ ਹਰ ਸੈਕੰਡ 4.3 ਜਨਮ ਤੇ ਦੋ ਮੌਤਾਂ ਹੋਣ ਦੀ ਉਮੀਦ ਹੈ। ਪਿਛਲੇ ਇਕ ਸਾਲ ਵਿਚ 75,162,541 ਦਾ ਵਾਧਾ ਹੈ, ਜਿਸ ਨਾਲ ਇਕ ਜਨਵਰੀ 2024 ਨੂੰ ਅਨੁਮਾਨਿਤ ਵਿਸ਼ਵ ਜਨਸੰਖਿਆ 8,019,876.189 ਹੋ ਜਾਵੇਗੀ।ਘਟਦੀ ਜਨਮ ਦਰ ਤੇ ਨੌਜਵਾਨਾਂ ਦੇ ਛੋਟੇ ਅਨੁਪਾਤ ਵਰਗੇ ਕਾਰਕਾਂ ਕਾਰਨ ਜਨਗਣਨਾ ਬਿਊਰੋ ਦਾ ਅਨੁਮਾਨ ਹੈ ਕਿ 9 ਅਰਬ ਦੀ ਆਬਾਦੀ ਹੋਣ ਨਾਲ 14 ਸਾਲ ਤੋਂ ਵੱਧ ਦਾ ਸਮਾਂ ਲੱਗੇਗਾ।ਇਸ ਤੋਂ ਇਲਾਵਾ 10 ਅਰਬ ਤੱਕ ਪਹੁੰਚਣ ਨਾਲ ਸਾਢੇ 16 ਸਾਲ ਲੱਗਣ ਦਾ ਅਨੁਮਾਨ ਹੈ।ਇਹ ਅਨੁਮਾਨ ਹੌਲੀ ਵਿਕਾਸ ਦਰ ਨੂੰ ਦਰਸਾਉਂਦਾ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੋਰੋਨਾ ਨੇ ਜਨਸੰਖਿਆ ਵਾਧੇ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ।
The population of the world will cross 8 billion in the new year the population has increased by 75 crore in the past one year
