Phalsa Fruit : ਕਈ ਬਿਮਾਰੀਆਂ ਦਾ ਕਾਲ ਹੈ ਆਹ ਫਲ, ਗਰਮੀ 'ਚ ਬਚਾਉਂਦਾ ਹੈ ਹੀਟ ਸਟ੍ਰੋਕ ਤੋਂ
March 23, 2025
Admin / Health
ਗਰਮੀਆਂ ਦਾ ਮੌਸਮ ਆ ਗਿਆ ਹੈ ਅਤੇ ਬਹੁਤ ਸਾਰੇ ਫਲ ਬਾਜ਼ਾਰਾਂ ਵਿਚ ਆਉਣੇ ਸ਼ੁਰੂ ਹੋ ਗਏ ਹਨ ਜਿਨ੍ਹਾਂ ਦੇ ਖਾਣ ਦੇ ਫਾਇਦੇ ਅਣਗਿਣਤ ਹਨ। ਜਲਦੀ ਹੀ ਇਕ ਹੋਰ ਫਲ ਦੇਖਣ ਨੂੰ ਮਿਲੇਗਾ ਅਤੇ ਇਹ ਹੈ 'ਫਾਲਸਾ'! ਜਿਸ ਨੂੰ ਗੁਣਾਂ ਦੀ ਖਾਨ ਕਿਹਾ ਜਾਵੇ ਤਾਂ ਗਲਤ ਨਹੀਂ ਹੋਵੇਗਾ ਕਿਉਂਕਿ ਇਹ ਫਲ ਸਰੀਰ ਦੇ ਪਾਚਨ ਤੰਤਰ, ਸ਼ੂਗਰ, ਪੇਟ ਦੀ ਜਲਣ ਅਤੇ ਦਿਲ ਵਰਗੀਆਂ ਹੋਰ ਸਮੱਸਿਆਵਾਂ ਲਈ ਰਾਮਬਾਣ ਮੰਨਿਆ ਗਿਆ ਹੈ।
'ਗ੍ਰੇਵੀਆ ਏਸ਼ੀਆਟਿਕਾ'
'ਫਾਲਸਾ' ਨੂੰ ਦੇਸੀ ਫਲ ਵੀ ਕਿਹਾ ਜਾਂਦਾ ਹੈ। ਇਹ ਥਾਈਲੈਂਡ ਅਤੇ ਕੰਬੋਡੀਆ ਵਿਚ ਵੀ ਉਗਾਇਆ ਜਾਂਦਾ ਹੈ। ਇਸ ਦਾ ਵਿਗਿਆਨਕ ਨਾਮ 'ਗ੍ਰੇਵੀਆ ਏਸ਼ੀਆਟਿਕਾ' ਹੈ, ਜੋ ਭਾਰਤ ਦੇ ਖੁਸ਼ਕ ਅਤੇ ਅਰਧ-ਖੁਸ਼ਕ ਖੇਤਰਾਂ ਵਿਚ ਉਗਾਇਆ ਜਾਂਦਾ ਹੈ। ਇਸ ਦੀ ਖੇਤੀ ਪੰਜਾਬ, ਉੱਤਰ ਪ੍ਰਦੇਸ਼, ਹਰਿਆਣਾ ਅਤੇ ਰਾਜਸਥਾਨ ਵਿੱਚ ਵੱਡੇ ਪੱਧਰ 'ਤੇ ਕੀਤੀ ਜਾਂਦੀ ਹੈ। 'ਫਾਲਸਾ' ਦਾ ਫਲ ਬਹੁਤ ਨਾਜ਼ੁਕ ਮੰਨਿਆ ਜਾਂਦਾ ਹੈ, ਇਸ ਲਈ ਇਸ ਨੂੰ ਲੰਬੀ ਦੂਰੀ 'ਤੇ ਲਿਜਾਇਆ ਨਹੀਂ ਜਾ ਸਕਦਾ।
ਛੋਟਾ ਪਰ ਸ਼ਕਤੀਸ਼ਾਲੀ ਫਲ
ਯੂਐਸ ਨੈਸ਼ਨਲ ਇੰਸਟੀਚਿਊਟ ਆਫ਼ ਹੈਲਥ ਦੀ ਨੈਸ਼ਨਲ ਲਾਇਬ੍ਰੇਰੀ ਆਫ਼ ਸਾਇੰਸ ਦੇ ਅਨੁਸਾਰ, ਪੱਕੇ ਹੋਏ ਫਾਲਸੇ ਵਿਚ ਵਿਟਾਮਿਨ ਏ ਅਤੇ ਸੀ ਲਗਭਗ 16.11 ਅਤੇ 4.38 ਮਿਲੀਗ੍ਰਾਮ, ਕੈਲਸ਼ੀਅਮ 820.32 ਮਿਲੀਗ੍ਰਾਮ/100 ਗ੍ਰਾਮ, ਫਾਸਫੋਰਸ 814.5 ਮਿਲੀਗ੍ਰਾਮ/100 ਗ੍ਰਾਮ ਅਤੇ ਆਇਰਨ 27.10 ਮਿਲੀਗ੍ਰਾਮ/100 ਗ੍ਰਾਮ ਹੈ, ਜਦਕਿ ਫਾਈਬਰ ਦੀ ਮਾਤਰਾ ਵੀ 100 ਗ੍ਰਾਮ ਹੁੰਦੀ ਹੈ। ਇਸ ਵਿਚ ਕੈਲੋਰੀ ਅਤੇ ਚਰਬੀ ਦੀ ਮਾਤਰਾ ਘੱਟ ਹੁੰਦੀ ਹੈ। ਕੁੱਲ ਮਿਲਾ ਕੇ ਪੌਸ਼ਟਿਕ ਤੱਤਾਂ ਦੀ ਖਾਨ ਹੈ ਇੰਨੇ ਛੋਟੇ ਪਰ ਸ਼ਕਤੀਸ਼ਾਲੀ ਫਲ ਵਿਚ।
ਇਮਿਊਨਿਟੀ ਵਧਾਉਂਦਾ ਹੈ
'ਫਾਲਸੇ' ਦਾ ਸੇਵਨ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਐਂਟੀਆਕਸੀਡੈਂਟਸ ਅਤੇ ਮੈਗਨੀਸ਼ੀਅਮ, ਪੋਟਾਸ਼ੀਅਮ, ਸੋਡੀਅਮ, ਫਾਸਫੋਰਸ, ਕੈਲਸ਼ੀਅਮ, ਪ੍ਰੋਟੀਨ, ਵਿਟਾਮਿਨ ਏ ਅਤੇ ਵਿਟਾਮਿਨ ਸੀ ਵਰਗੇ ਹੋਰ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੋਣ ਕਾਰਨ ਇਹ ਸਰੀਰ ਦੀ ਪ੍ਰਤੀਰੋਧਕ ਸਮਰੱਥਾ ਨੂੰ ਵਧਾਉਣ ਵਿਚ ਮਦਦ ਕਰਦਾ ਹੈ, ਜੋ ਕਿ ਇਮਿਊਨਿਟੀ ਬੂਸਟਰ ਦਾ ਕੰਮ ਕਰਦਾ ਹੈ।
ਖੂਨ ਦੀ ਕਮੀ ਨੂੰ ਕਰਦਾ ਹੈ ਪੂਰਾ
ਡਾਕਟਰਾਂ ਮੁਤਾਬਕ ਖੂਨ ਦੀ ਕਮੀ ਹੋਣ 'ਤੇ ਇਸ ਦੇ ਪੱਕੇ ਹੋਏ ਫਲ ਖਾਣੇ ਚਾਹੀਦੇ ਹਨ। ਇਸ ਤੋਂ ਇਲਾਵਾ ਜੇਕਰ ਚਮੜੀ 'ਤੇ ਜਲਣ ਹੁੰਦੀ ਹੈ ਤਾਂ ਸਵੇਰੇ-ਸ਼ਾਮ ਇਸ ਦਾ ਸੇਵਨ ਕਰਨਾ ਚਾਹੀਦਾ ਹੈ, ਜੋ ਸਰੀਰ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।
ਕੈਂਸਰ ਤੋਂ ਬਚਾਉਣ ਲਈ ਪ੍ਰਭਾਵਸ਼ਾਲੀ
ਇਸ ਤੋਂ ਇਲਾਵਾ ਗਰਮੀਆਂ 'ਚ ਇਸ ਦਾ ਸੇਵਨ ਕਰਨ ਨਾਲ ਹੀਟ ਸਟ੍ਰੋਕ ਤੋਂ ਬਚਿਆ ਜਾਂਦਾ ਹੈ ਅਤੇ ਇਸ ਦਾ ਜੂਸ ਸਰੀਰ ਲਈ ਟੌਨਿਕ ਦਾ ਕੰਮ ਕਰਦਾ ਹੈ। ਇਸ ਦਾ ਫਲ ਪਿੱਤ ਦੀ ਸਮੱਸਿਆ ਨੂੰ ਦੂਰ ਕਰਨ, ਪਾਚਨ ਤੰਤਰ ਨੂੰ ਮਜ਼ਬੂਤ ਕਰਨ, ਬਲੱਡ ਪ੍ਰੈਸ਼ਰ ਅਤੇ ਕੋਲੈਸਟ੍ਰੋਲ ਦੇ ਪੱਧਰ ਨੂੰ ਕੰਟਰੋਲ ਕਰਨ ਅਤੇ ਸਰੀਰ ਨੂੰ ਕੈਂਸਰ ਅਤੇ ਅਨੀਮੀਆ ਵਰਗੀਆਂ ਬੀਮਾਰੀਆਂ ਤੋਂ ਬਚਾਉਣ ਲਈ ਬਹੁਤ ਪ੍ਰਭਾਵਸ਼ਾਲੀ ਹੈ।
ਡਾਕਟਰ ਦੀ ਸਲਾਹ ਨਾਲ ਕਰੋ ਸੇਵਨ
'ਫਾਲਸਾ' ਪੇਟ ਦੀ ਜਲਨ, ਮਾਨਸਿਕ ਕਮਜ਼ੋਰੀ, ਕਮਜ਼ੋਰੀ ਦੂਰ ਕਰਨਾ, ਅੱਗ ਨਾਲ ਜਲਣ ਦੇ ਦਰਦ ਨੂੰ ਦੂਰ ਕਰਨ, ਪਿੱਤ ਦੇ ਰੋਗ, ਹੀਟ ਸਟ੍ਰੋਕ, ਦਮਾ, ਦਸਤ ਰੋਕਣ, ਜ਼ਖਮਾਂ ਅਤੇ ਫੋੜੇ ਨੂੰ ਠੀਕ ਕਰਨ 'ਚ ਲਾਭਕਾਰੀ ਮੰਨਿਆ ਜਾਂਦਾ ਹੈ। ਹਾਲਾਂਕਿ, ਇਸ ਦਾ ਸੇਵਨ ਤੁਹਾਡੇ ਸੁਆਦ ਅਤੇ ਮਾਹਿਰਾਂ ਦੀ ਸਲਾਹ ਦੇ ਆਧਾਰ 'ਤੇ ਕਰਨਾ ਚਾਹੀਦਾ ਹੈ। ਡਾਕਟਰੀ ਸਲਾਹ ਮਹੱਤਵਪੂਰਨ ਹੈ ਕਿਉਂਕਿ ਕੁਝ ਲੋਕਾਂ ਨੂੰ ਕੁਝ ਜੜੀ-ਬੂਟੀਆਂ ਜਾਂ ਫਲਾਂ ਤੋਂ ਐਲਰਜੀ ਹੋ ਸਕਦੀ ਹੈ।
Powered by Froala Editor
Phalsa Fruit This Fruit Is A Cure For Many Diseases It Protects Against Heat Stroke In Summer
