April 16, 2025
ਚੰਡੀਗੜ੍ਹ, 16 ਅਪ੍ਰੈਲ 2025: ਪੰਜਾਬ ਦੇ ਸੰਗਰੂਰ 'ਚ ਇੱਕ ਵਿਅਕਤੀ ਦਾ ਏਟੀਐਮ ਕਾਰਡ ਬਦਲ ਕੇ ਧੋਖਾਧੜੀ ਦਾ ਸ਼ਿਕਾਰ ਹੋ ਗਿਆ। ਜਦੋਂ ਪੀੜਤ ਏਟੀਐਮ ਤੋਂ ਪੈਸੇ ਕਢਵਾਉਣ ਗਿਆ ਅਤੇ ਠੱਗਾਂ ਨੇ ਪੀੜਤ ਨਾਲ ਗੱਲਬਾਤ 'ਚ ਉਲਝਾ ਲਿਆ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਜਾਣਕਾਰੀ ਅਨੁਸਾਰ, ਐਚਡੀਐਫਸੀ ਬੈਂਕ ਦੀ ਦਿੜ੍ਹਬਾ ਸ਼ਾਖਾ ਦੇ ਏਟੀਐਮ ਤੋਂ ਪੈਸੇ ਕਢਵਾਉਣ ਗਏ ਜਗਦੀਸ਼ ਸਿੰਘ ਨੂੰ ਦੋ ਅਣਪਛਾਤੇ ਵਿਅਕਤੀਆਂ ਨੇ ਆਪਣਾ ਸ਼ਿਕਾਰ ਬਣਾਇਆ। ਜਗਦੀਸ਼ ਸਿੰਘ ਨੂੰ ਅਗਲੇ ਦਿਨ ਪਤਾ ਲੱਗਾ ਕਿ ਉਸਦੇ ਖਾਤੇ 'ਚੋਂ 1.97 ਲੱਖ ਰੁਪਏ ਕਢਵਾ ਲਏ ਗਏ ਹਨ।
ਜਦੋਂ ਜਗਦੀਸ਼ ਸਿੰਘ ਨੇ ਬੈਂਕ ਤੋਂ ਪੁੱਛਿਆ ਤਾਂ ਉਸਨੂੰ ਪਤਾ ਲੱਗਾ ਕਿ ਏਟੀਐਮ ਵਿੱਚੋਂ ਪੈਸੇ ਕਢਵਾ ਲਏ ਗਏ ਹਨ। ਜਦੋਂ ਉਸਨੇ ਆਪਣਾ ਏਟੀਐਮ ਕਾਰਡ ਦੇਖਿਆ ਤਾਂ ਉਹ ਅਸਲੀ ਨਹੀਂ ਸੀ। ਪੀੜਤ ਦੀ ਸ਼ਿਕਾਇਤ 'ਤੇ ਪੁਲਿਸ ਨੇ ਅਣਪਛਾਤੇ ਮੁਲਜ਼ਮਾਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।
ਪੁਲਿਸ ਨੇ ਕਿਹਾ ਕਿ ਏਟੀਐਮ ਵਿੱਚੋਂ ਪੈਸੇ ਕਢਾਉਂਦੇ ਸਮੇਂ ਸਾਵਧਾਨ ਰਹਿਣਾ ਜ਼ਰੂਰੀ ਹੈ। ਕਿਸੇ ਨੂੰ ਵੀ ਆਪਣਾ ਪਿੰਨ ਨੰਬਰ ਦਰਜ ਕਰਦੇ ਹੋਏ ਨਾ ਦੇਖਣ ਦਿਓ। ਕਦੇ ਵੀ ਏਟੀਐਮ ਕਾਰਡ 'ਤੇ ਪਿੰਨ ਨਾ ਲਿਖੋ।
Man Cheated Of Rs 1 97 Lakh While Withdrawing Money From ATM
