July 26, 2023
LPTV / Chandigarh
ਵਿਦੇਸ਼ ਡੈਸਕ: ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਆਪਣੇ ਮੰਤਰੀ ਮੰਡਲ ਵਿੱਚ ਫੇਰਬਦਲ ਕੀਤੇ ਜਾਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਸੀਨੀਅਰ ਸਰਕਾਰੀ ਸੂਤਰਾਂ ਵੱਲੋਂ ਇਸ ਗੱਲ ਦੀ ਵੀ ਪੁਸ਼ਟੀ ਕੀਤੀ ਗਈ ਹੈ ਕਿ ਇਸ ਵਾਰੀ ਪ੍ਰਧਾਨ ਮੰਤਰੀ ਦੇ ਫਰੰਟ ਬੈਂਚ ਵਿੱਚ ਵੀ ਫੇਰਬਦਲ ਵੇਖਣ ਨੂੰ ਮਿਲੇਗਾ। ਇਹ ਫੇਰਬਦਲ ਬੁੱਧਵਾਰ ਤੱਕ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਓਟਵਾ ਵਿੱਚ ਪ੍ਰਧਾਨ ਮੰਤਰੀ ਵੱਲੋਂ ਮੰਤਰੀਆਂ ਨਾਲ ਰੀਡੋ ਹਾਲ ਜਾਣ ਤੋਂ ਪਹਿਲਾਂ ਪ੍ਰਾਈਵੇਟ ਮੀਟਿੰਗਾਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਇਸ ਫੇਰਬਦਲ ਦੀਆਂ ਕਨਸੋਆਂ ਕਈ ਹਫਤਿਆਂ ਤੋਂ ਮਿਲ ਰਹੀਆਂ ਸਨ।ਕਈ ਭਖਵੇਂ ਮੁੱਦਿਆਂ ਜਿਵੇਂ ਕਿ ਹਾਊਸਿੰਗ ਅਫੋਰਡੇਬਿਲਿਟੀ, ਪਬਲਿਕ ਸੇਫਟੀ ਤੇ ਆਨਲਾਈਨ ਪਲੇਟਫਾਰਮਜ਼ ਨਾਲ ਸਬੰਧਤ ਨੀਤੀਆਂ ਦੇ ਮੁੱਦੇ ਆਦਿ ਦਾ ਬੜੀ ਬਾਰੀਕੀ ਨਾਲ ਸਿਆਸੀ ਮੁਲਾਂਕਣ ਬੀਤੇ ਦਿਨੀਂ ਪਾਰਲੀਆਮੈੱਟ ਦੀਆਂ ਸਿਟਿੰਗਜ਼ ਦੌਰਾਨ ਕੀਤਾ ਗਿਆ।
ਵੀਕੈਂਡ ਉੱਤੇ ਸੋਮਵਾਰ ਨੂੰ ਦੇਸ਼ ਭਰ ਲਈ ਕਈ ਮੰਤਰੀਆਂ ਦੇ ਸ਼ਡਿਊਲ ਰੱਦ ਕਰ ਕੇ ਉਨ੍ਹਾਂ ਨੂੰ ਓਟਵਾ ਸੱਦ ਲਿਆ ਗਿਆ ਤਾਂ ਕਿ ਇਸ ਫੇਰਬਦਲ ਤੋਂ ਪਹਿਲਾਂ ਉਹ ਪ੍ਰਧਾਨ ਮੰ਼ਤਰੀ ਨਾਲ ਮੁਲਾਕਾਤ ਕਰ ਸਕਣ। ਬਾਕੀ ਮੰਤਰੀਆਂ ਨੂੰ ਆਪਣੇ ਸ਼ਡਿਊਲ ਮੁਤਾਬਕ ਕੰਮ ਕਰਦੇ ਰਹਿਣ ਲਈ ਆਖਿਆ ਗਿਆ। ਇਹ ਵੀ ਮੰਨਿਆਂ ਜਾ ਰਿਹਾ ਹੈ ਕਿ ਜਿਹੜੇ ਮੰਤਰੀ ਦੁਬਾਰਾ ਚੋਣਾਂ ਨਹੀਂ ਲੜਨਾ ਚਾਹੁੰਦੇ ਉਨ੍ਹਾਂ ਦੀ ਥਾਂ ਉੱਤੇ ਵਧੀਆ ਕਾਰਗੁਜ਼ਾਰੀ ਕਰਨ ਵਾਲਿਆਂ ਨੂੰ ਲਿਆਂਦਾ ਜਾਵੇਗਾ ਤਾਂ ਕਿ ਟਰੂਡੋ ਦੀ ਟੀਮ ਮਜ਼ਬੂਤ ਹੋ ਸਕੇ।
Canadian Prime Minister Justin Trudeau will reshuffle the cabinet
