July 8, 2025
ਸਪੋਰਟਸ, 08 ਜੁਲਾਈ 2025: ਦੱਖਣੀ ਅਫਰੀਕਾ ਦੇ ਕਾਰਜਕਾਰੀ ਕਪਤਾਨ ਵਿਆਨ ਮੁਲਡਰ ਕੋਲ ਜ਼ਿੰਬਾਬਵੇ ਵਿਰੁੱਧ 400 ਦੌੜਾਂ ਬਣਾ ਕੇ ਬ੍ਰਾਇਨ ਲਾਰਾ ਦੇ ਆਲ ਟਾਈਮ ਰਿਕਾਰਡ ਨੂੰ ਤੋੜਨ ਦਾ ਚੰਗਾ ਮੌਕਾ ਸੀ। ਪਰ ਜਦੋਂ ਮੁਲਡਰ 367 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਸੀ, ਤਾਂ ਉਨ੍ਹਾਂ ਨੇ ਦੱਖਣੀ ਅਫਰੀਕਾ ਦੀ ਪਹਿਲੀ ਪਾਰੀ ਘੋਸ਼ਿਤ ਕਰ ਦਿੱਤੀ। ਕ੍ਰਿਕਟ ਪ੍ਰਸ਼ੰਸਕਾਂ ਦੇ ਮਨਾਂ ਵਿੱਚ ਇਹ ਸਵਾਲ ਉੱਠ ਰਿਹਾ ਸੀ ਕਿ ਮੁਲਡਰ ਨੇ ਅਜਿਹਾ ਕਿਉਂ ਕੀਤਾ, ਜਦੋਂ ਕਿ ਉਸ ਕੋਲ ਰਿਕਾਰਡ ਬਣਾਉਣ ਦਾ ਇੰਨਾ ਵਧੀਆ ਮੌਕਾ ਸੀ।
ਮੁਲਡਰ ਨੇ ਹੁਣ ਖੁਦ ਇਹ ਖੁਲਾਸਾ ਕੀਤਾ ਹੈ। ਮਲਡਰ ਦਾ ਮੰਨਣਾ ਹੈ ਕਿ ਵੈਸਟਇੰਡੀਜ਼ ਦੇ ਮਹਾਨ ਬੱਲੇਬਾਜ਼ ਲਾਰਾ ਇਸ ਰਿਕਾਰਡ ਨੂੰ ਬਰਕਰਾਰ ਰੱਖਣ ਦੇ ਹੱਕਦਾਰ ਹਨ। ਮੁਲਡਰ ਨੇ ਜ਼ਿੰਬਾਬਵੇ ਵਿਰੁੱਧ ਦੂਜੇ ਟੈਸਟ ਮੈਚ ਦੇ ਦੂਜੇ ਦਿਨ ਟੈਸਟ ਇਤਿਹਾਸ ਦਾ ਦੂਜਾ ਸਭ ਤੋਂ ਤੇਜ਼ ਤੀਹਰਾ ਸੈਂਕੜਾ ਲਗਾਇਆ। ਮਲਡਰ ਨੇ 297 ਗੇਂਦਾਂ ਵਿੱਚ ਤੀਹਰਾ ਸੈਂਕੜਾ ਪੂਰਾ ਕੀਤਾ। ਮਲਡਰ 334 ਗੇਂਦਾਂ ਵਿੱਚ 49 ਚੌਕਿਆਂ ਅਤੇ ਚਾਰ ਛੱਕਿਆਂ ਦੀ ਮਦਦ ਨਾਲ 367 ਦੌੜਾਂ ਬਣਾ ਕੇ ਨਾਬਾਦ ਰਿਹਾ, ਜਿਸ ਕਾਰਨ ਦੱਖਣੀ ਅਫਰੀਕਾ ਨੇ ਆਪਣੀ ਪਹਿਲੀ ਪਾਰੀ ਪੰਜ ਵਿਕਟਾਂ 'ਤੇ 626 ਦੌੜਾਂ 'ਤੇ ਐਲਾਨ ਦਿੱਤੀ।
ਮੁਲਡਰ ਨੇ ਕਿਹਾ ਕਿ "ਸਭ ਤੋਂ ਪਹਿਲਾਂ ਮੈਨੂੰ ਲੱਗਿਆ ਕਿ ਸਾਡੇ ਕੋਲ ਕਾਫ਼ੀ ਦੌੜਾਂ ਹਨ ਅਤੇ ਸਾਨੂੰ ਗੇਂਦਬਾਜ਼ੀ ਕਰਨੀ ਚਾਹੀਦੀ ਹੈ। ਦੂਜਾ, ਬ੍ਰਾਇਨ ਲਾਰਾ ਇੱਕ ਮਹਾਨ ਖਿਡਾਰੀ ਹੈ। ਉਸ ਕੱਦ ਦੇ ਵਿਅਕਤੀ ਲਈ ਇਹ ਰਿਕਾਰਡ ਰੱਖਣਾ ਉਚਿਤ ਹੈ। ਜੇਕਰ ਮੈਨੂੰ ਦੁਬਾਰਾ ਅਜਿਹਾ ਕਰਨ ਦਾ ਮੌਕਾ ਮਿਲਦਾ ਹੈ, ਤਾਂ ਮੈਂ ਬਿਲਕੁਲ ਉਹੀ ਕਰਾਂਗਾ। ਮੈਂ ਸ਼ੁਕਰੀ ਕੋਨਰਾਡ ਨਾਲ ਗੱਲ ਕੀਤੀ ਅਤੇ ਉਸਨੇ ਵੀ ਇਹੀ ਮਹਿਸੂਸ ਕੀਤਾ। ਬ੍ਰਾਇਨ ਲਾਰਾ ਇੱਕ ਮਹਾਨ ਖਿਡਾਰੀ ਹੈ ਅਤੇ ਉਹ ਇਸ ਰਿਕਾਰਡ ਨੂੰ ਰੱਖਣ ਦਾ ਹੱਕਦਾਰ ਹੈ," |
Read More : ਇੰਗਲੈਂਡ ਦੀ ਪਹਿਲੀ ਪਾਰੀ 407 ਦੌੜਾਂ 'ਤੇ ਸਮਾਪਤ, ਸਿਰਾਜ ਨੇ ਝਟਕੀਆਂ 6 ਵਿਕਟਾਂ
Powered by Froala Editor
There Was An Opportunity To Break Lara s Record By Scoring 400 Runs With Muller s Help So Why Was The Declaration Made
