ਟੈਕਨੋਲੋਜੀ ਡੈਸਕ : ਗੂਗਲ ਮੈਪਸ ਨੇ ਭਾਰਤ ਵਿਚ ਆਪਣੇ ਨਿਯਮਾਂ ਵਿਚ ਕੁਝ ਬਦਲਾਅ ਕੀਤੇ ਹਨ, ਜੋ ਅਗਲੇ ਮਹੀਨੇ 1 ਅਗਸਤ 2024 ਤੋਂ ਪੂਰੇ ਦੇਸ਼ ਵਿਚ ਲਾਗੂ ਹੋ ਜਾਣਗੇ। ਕੰਪਨੀ ਨੇ ਭਾਰਤ ਵਿਚ ਚਾਰਜ ਵੀ 70 ਫੀਸਦੀ ਤੱਕ ਘਟਾ ਦਿੱਤੇ ਹਨ। ਇਸ ਤੋਂ ਇਲਾਵਾ ਹੁਣ ਗੂਗਲ ਮੈਪ ਆਪਣੀ ਸਰਵਿਸ ਲਈ ਡਾਲਰ ਦੀ ਬਜਾਏ ਭਾਰਤੀ ਰੁਪਏ ਵਿਚ ਪੈਸੇ ਲਵੇਗਾ। ਗੂਗਲ ਮੈਪਸ ਨੇ ਅਜਿਹੇ ਸਮੇਂ ਵਿਚ ਆਪਣੇ ਨਿਯਮਾਂ ਵਿਚ ਬਦਲਾਅ ਕੀਤਾ ਹੈ ਜਦੋਂ ਓਲਾ ਦੀ ਆਪਣੀ ਨੇਵੀਗੇਸ਼ਨ ਐਪ ਬਾਜ਼ਾਰ ਵਿਚ ਲਾਂਚ ਕੀਤੀ ਗਈ ਹੈ।

ਇਸ ਦਾ ਆਮ ਉਪਭੋਗਤਾਵਾਂ 'ਤੇ ਕੀ ਪ੍ਰਭਾਵ ਪਵੇਗਾ?

ਇਸ ਖਬਰ ਨੂੰ ਪੜ੍ਹ ਕੇ ਆਮ ਉਪਭੋਗਤਾਵਾਂ ਦੇ ਦਿਮਾਗ ਵਿੱਚ ਇਹ ਸਵਾਲ ਜ਼ਰੂਰ ਆਇਆ ਹੋਵੇਗਾ ਕਿ ਕੀ ਉਨ੍ਹਾਂ ਨੂੰ ਗੂਗਲ ਮੈਪ ਦੀ ਵਰਤੋਂ ਕਰਨ ਲਈ ਪੈਸੇ ਦੇਣੇ ਪੈਣਗੇ। ਇਸ ਲਈ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਆਮ ਉਪਭੋਗਤਾਵਾਂ ਨੂੰ ਕਿਸੇ ਵੀ ਤਰ੍ਹਾਂ ਦਾ ਚਾਰਜ ਨਹੀਂ ਦੇਣਾ ਪਵੇਗਾ। ਦਰਅਸਲ, ਗੂਗਲ ਮੈਪ ਆਮ ਲੋਕਾਂ ਨੂੰ ਮੁਫਤ ਸੇਵਾ ਪ੍ਰਦਾਨ ਕਰਦਾ ਹੈ। ਪਰ ਜਿਹੜੀ ਕੰਪਨੀ ਆਪਣੇ ਕਾਰੋਬਾਰ ਵਿਚ ਗੂਗਲ ਮੈਪ ਦੀ ਵਰਤੋਂ ਕਰਦੀ ਹੈ। ਉਨ੍ਹਾਂ ਨੂੰ ਆਪਣੀ ਸੇਵਾ ਲਈ ਗੂਗਲ ਮੈਪ ਨੂੰ ਫੀਸ ਅਦਾ ਕਰਨੀ ਪਵੇਗੀ। ਗੂਗਲ ਮੈਪ ਨੇ ਇਸ ਨੂੰ ਬਦਲ ਦਿੱਤਾ ਹੈ ਅਤੇ ਫੀਸ ਘਟਾ ਦਿੱਤੀ ਹੈ। ਇਸ ਦੇ ਨਾਲ, ਗੂਗਲ ਹੁਣ ਨੇਵੀਗੇਸ਼ਨ ਸੇਵਾਵਾਂ ਲਈ ਡਾਲਰ ਦੀ ਬਜਾਏ ਭਾਰਤੀ ਰੁਪਏ ਵਿੱਚ ਪੇਮੈਂਟ ਲਵੇਗਾ।

ਇਸ ਤੋਂ ਪਹਿਲਾਂ ਭਾਰਤ ਵਿਚ ਗੂਗਲ ਮੈਪ ਨੈਵੀਗੇਸ਼ਨ ਸੇਵਾ ਪ੍ਰਦਾਨ ਕਰਨ ਲਈ 4 ਤੋਂ 5 ਡਾਲਰ ਦੀ ਮਾਸਿਕ ਫੀਸ ਲਈ ਜਾਂਦੀ ਸੀ। ਪਰ ਨਿਯਮਾਂ ਵਿਚ ਬਦਲਾਅ ਤੋਂ ਬਾਅਦ ਇਸ ਨੂੰ 0.38 ਡਾਲਰ (31 ਰੁਪਏ) ਤੋਂ ਘਟਾ ਕੇ 1.50 ਡਾਲਰ (125 ਰੁਪਏ) ਕਰ ਦਿੱਤਾ ਗਿਆ ਹੈ। ਜਿੱਥੇ ਇੱਕ ਪਾਸੇ ਗੂਗਲ ਆਪਣੀ ਸਰਵਿਸ ਲਈ ਪੈਸੇ ਲੈਂਦਾ ਹੈ। ਅਜਿਹੇ ਵਿਚ ਓਲਾ ਮੈਪ ਦੀ ਸਰਵਿਸ ਜੋ ਨੈਵੀਗੇਸ਼ਨ ਬਾਜ਼ਾਰ ਵਿਚ ਆਈ ਹੈ, ਨੂੰ ਮੁਫਤ 'ਚ ਇਸਤੇਮਾਲ ਕੀਤਾ ਜਾ ਸਕਦਾ ਹੈ।