July 23, 2024
Admin / TRADE
ਬਿਜ਼ਨੈੱਸ ਡੈਸਕ : ਮੋਦੀ 3.0 (ਕੇਂਦਰੀ ਬਜਟ 2024) ਦਾ ਪਹਿਲਾ ਆਮ ਬਜਟ ਪੇਸ਼ ਕਰ ਦਿੱਤਾ ਗਿਆ ਹੈ, ਜਿਸ ਵਿਚ ਆਮ ਲੋਕਾਂ ਨੂੰ ਰਾਹਤ ਦਿੱਤੀ ਗਈ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਇਸ ਨੂੰ ਸੰਸਦ ਵਿਚ ਪੇਸ਼ ਕੀਤਾ, ਵਿੱਤ ਮੰਤਰੀ ਵਜੋਂ ਇਹ ਉਨ੍ਹਾਂ ਦਾ ਲਗਾਤਾਰ ਸੱਤਵਾਂ ਬਜਟ ਹੈ। ਬਜਟ ਵਿਚ ਵੱਖ-ਵੱਖ ਸੈਕਟਰਾਂ ਲਈ ਕਈ ਐਲਾਨ ਕੀਤੇ ਗਏ ਹਨ ਪਰ ਆਮ ਆਦਮੀ ਦੀ ਜੇਬ 'ਤੇ ਕਿਹੜਾ ਬੋਝ ਵਧਿਆ ਹੈ ਅਤੇ ਕਿਸ ਐਲਾਨ ਨੇ ਉਨ੍ਹਾਂ ਨੂੰ ਰਾਹਤ ਦਿੱਤੀ ਹੈ।
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਵੱਡਾ ਐਲਾਨ ਕਰਦਿਆਂ ਕਿਹਾ ਕਿ ਕੈਂਸਰ ਦੀਆਂ ਦਵਾਈਆਂ ਸਸਤੀਆਂ ਹੋਣਗੀਆਂ। ਮੋਬਾਈਲਾਂ ਅਤੇ ਮੋਬਾਈਲ ਚਾਰਜਰਾਂ ਸਮੇਤ ਹੋਰ ਡਿਵਾਈਸਾਂ 'ਤੇ ਬੀਸੀਡੀ 15 ਫੀਸਦੀ ਘਟਾ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ ਸਰਕਾਰ ਨੇ ਹੁਣ ਸੋਨੇ ਅਤੇ ਚਾਂਦੀ 'ਤੇ ਕਸਟਮ ਡਿਊਟੀ ਘਟਾ ਕੇ 6 ਫੀਸਦੀ ਅਤੇ ਪਲੈਟੀਨਮ 'ਤੇ 6.5 ਫੀਸਦੀ ਕਰ ਦਿੱਤੀ ਹੈ। ਇਸ ਤੋਂ ਬਾਅਦ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਹੇਠਾਂ ਆ ਜਾਣਗੀਆਂ। ਪਲੈਟੀਨਮ 'ਤੇ ਕਸਟਮ ਡਿਊਟੀ 6.5 ਫੀਸਦੀ ਹੋਵੇਗੀ। ਇਸ ਤੋਂ ਇਲਾਵਾ ਚਮੜੇ ਅਤੇ ਜੁੱਤੀਆਂ 'ਤੇ ਕਸਟਮ ਡਿਊਟੀ ਘਟਾਈ ਗਈ ਹੈ। ਦੂਜੇ ਪਾਸੇ ਟੈਲੀਕਾਮ ਉਪਕਰਣ ਮਹਿੰਗੇ ਹੋ ਗਏ ਹਨ, ਇਸ 'ਤੇ ਕਸਟਮ ਡਿਊਟੀ ਵਧਾ ਕੇ 15 ਫੀਸਦੀ ਕਰ ਦਿੱਤੀ ਗਈ ਹੈ।
ਇਹ ਚੀਜ਼ਾਂ ਹੋਣਗੀਆਂ ਸਸਤੀਆਂ
ਸੋਨਾ ਤੇ ਚਾਂਦੀ ਸਸਤੇ
ਪਲੈਟੀਨਮ 'ਤੇ ਕਸਟਮ ਡਿਊਟੀ ਘਟਾਈ ਗਈ
ਕੈਂਸਰ ਦੀਆਂ ਦਵਾਈਆਂ
ਮੋਬਾਈਲ ਚਾਰਜਰ
ਮੱਛੀ ਦਾ ਭੋਜਨ
ਚਮੜੇ ਤੋਂ ਬਣੀਆਂ ਚੀਜ਼ਾਂ
ਰਸਾਇਣਕ ਪੈਟਰੋਕੈਮੀਕਲ
ਪੀਵੀਸੀ ਫਲੈਕਸ ਬੈਨਰ
Budget 2024 Customs Duty Reduction On Gold Silver And Platinum Announced
