June 17, 2025
ਦਿੱਲੀ ,17 ਜੂਨ 2025: ਦਿੱਲੀ ਸਰਕਾਰ ਦੇ ਗੁਰਦਵਾਰਾ ਚੋਣ ਡਾਇਰੈਕਟੋਰੇਟ ਨੇ 25 ਜੂਨ ਨੂੰ ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਅੰਤ੍ਰਿਗ ਬੋਰਡ ਦੀ ਚੋਣ ਕਰਵਾਉਣ ਲਈ ਚਿੱਠੀ ਤਾਂ ਜਾਰੀ ਕਰ ਦਿਤੀ ਹੈ, ਪਰ ਉਹ ਚਿੱਠੀ ਨੂੰ ਕਿਸੇ ‘ਗੁਪਤ ਦਸਤਾਵੇਜ਼’ ਵਾਂਗ ਮੀਡੀਆ ਤੋਂ ਲੁਕਾਈ ਰੱਖ ਕੇ, ਸ਼ਾਇਦ ਲੋਕਾਂ ਪ੍ਰਤੀ ਆਪਣੀ ਜਵਾਬਦੇਹੀ ਨਿਭਾਅ ਰਿਹਾ ਹੈ।
ਅੱਜ ਜਦੋਂ ‘ਸਪੋਕਸਮੈਨ’ ਦੇ ਇਸ ਪੱਤਰਕਾਰ ਨੇ ਪੰਜਾਬੀ ਅਕਾਦਮੀ ਦੇ ਦਫ਼ਤਰ ਜਾ ਕੇ, ਡਾਇਰੈਕਟਰ ਨੂੰ ਮਿਲਣਾ ਚਾਹਿਆ, ਤਾਂ ਅੱਗੋਂ ਮੁਲਾਜ਼ਮ ਨੇ ਰੁੱਖਾ ਵਤੀਰਾ ਅਪਨਾਉਂਦੇ ਹੋਏ ਮਿਲਵਾਉਣ ਤੋਂ ਨਾਂਹ ਕਰ ਦਿਤੀ, ਕੁਝ ਸਕਿੰਟਾਂ ਪਿਛੋਂ ਜਦੋਂ ਡਾਇਰੈਕਟਰ ਆਪਣੇ ਕਮਰੇ ‘ਚੋਂ ਨਿਕਲੇ ਤਾਂ ਉਨ੍ਹਾਂ ਕਮਰੇ ਦੇ ਬਾਹਰ ਖੜੇ ਪੱਤਰਕਾਰ ਨੂੰ ਗੌਲਿਆਂ ਤੱਕ ਨਾ, ਜਦ ਕਿ ਅਦਾਰੇ ਦਾ ਫ਼ੋਟੋ ਵਾਲਾ ਸ਼ਨਾਖ਼ਤੀ ਕਾਰਡ ਪਹਿਲਾਂ ਵੇਖ ਚੁਕੇ ਹੋਣ ਦੇ ਬਾਵਜੂਦ) ।
ਪਿਛੋਂ ਜਦੋਂ ਡਾਇਰੈਕਟਰ ਕਾਰ ਵਿਚ ਬਹਿਣ ਲੱਗੇ ਤਾਂ ਉਥੇ ਖੜੇ ਖੜੇ ਹੀ ਦੁਪਹਿਰ 1:24 ‘ਤੇ ਇਸ ਪੱਤਰਕਾਰ ਨੇ ਕੋਸ਼ਿਸ਼ ਕਰ ਕੇ, ਮੁਸ਼ਕਲ ਨਾਲ ਡੇਢ ਮਿੰਟ , ਡਾਇਰੈਕਟਰ ਨੂੰ ਸਵਾਲ ਪੁੱਛੇ।‘ 25 ਜੂਨ ਨੂੰ ਦਿੱਲੀ ਗੁਰਦਵਾਰਾ ਕਮੇਟੀ ਦੀਆਂ ਅੰਦਰੂਨੀ ਚੋਣਾਂ ਕਰਵਾਉਣ ਬਾਰੇ ਜੋ ਚਿੱਠੀ ਕੱਢੀ ਹੈ, ਉਸਦੀ ਕਾਪੀ ਦੇ ਦਿਉ, ਦੇ ਜਵਾਬ ਵਿਚ ਡਾਇਰੈਕਟਰ ਮਨਵਿੰਦਰ ਸਿੰਘ ਨੇ ਕਿਹਾ, “ਉਹ ਮੈਂਬਰਾਂ ( ਦਿੱਲੀ ਕਮੇਟੀ ਦੇ ) ਨੂੰ ਜਾਰੀ ਹੋ ਚੁਕੀ ਹੈ, ਤੁਹਾਨੂੰ ਨਹੀਂ ਦੇ ਸਕਦੇ। 25 ਜੂਨ ਨੂੰ ਚੋਣਾਂ ਹੋ ਰਹੀਆਂ ਹਨ, ਪਰ ਐਕਟ ਮੁਤਾਬਕ ਹੀ ਗੁਰਦਵਾਰਾ ਕਮੇਟੀ ਦਾ ਕਾਰਜਕਾਲ ਹੋਵੇਗਾ।
Read More: ਜਾਤੀ ਜਨਗਣਨਾ ਨਾਲ ਹਾਸ਼ੀਏ 'ਤੇ ਧੱਕੇ ਲੋਕਾਂ ਨੂੰ ਮੁੱਖ ਧਾਰਾ 'ਚ ਲਿਆਵਾਂਗੇ: PM ਮੋਦੀ
Announcement Of Delhi Gurudwara Elections Letter Issued By The Director
