November 18, 2025
DelhiDelhi Blast ਮਾਮਲੇ 'ਚ ਵੱਡਾ ਖੁਲਾਸਾ : ਸ੍ਰੀਨਗਰ ਤੋਂ ਇੱਕ ਹੋਰ ਗ੍ਰਿਫ਼ਤਾਰੀ, ਡਰੋਨ ਹਮਲੇ ਦੀ ਸਾਜ਼ਿਸ਼ ਬੇਨਕਾਬ
ਨਵੀਂ ਦਿੱਲੀ/ਸ੍ਰੀਨਗਰ, 18 ਨਵੰਬਰ, 2025 : ਦਿੱਲੀ ਦੇ ਲਾਲ ਕਿਲ੍ਹੇ ਨੇੜੇ ਹੋਏ ਬਲਾਸਟ ਮਾਮਲੇ 'ਚ NIA ਨੇ ਇੱਕ ਹੋਰ ਮਹੱਤਵਪੂਰਨ ਗ੍ਰਿਫ਼ਤਾਰੀ ਕੀਤੀ ਹੈ। ਜਾਂਚ ਏਜੰਸੀ ਨੇ ਜੰਮੂ-ਕਸ਼ਮੀਰ ਦੇ ਸ੍ਰੀਨਗਰ ਤੋਂ ਜਸੀਰ ਬਿਲਾਲ ਵਾਨੀ ਉਰਫ਼ ਦਾਨਿਸ਼ ਨੂੰ ਕਾਬੂ ਕੀਤਾ ਹੈ। ਜਾਂਚ ਮੁਤਾਬਕ, ਜਸੀਰ ਉਸ ਫਿਦਾਇਨ ਹਮਲਾਵਰ ਡਾਕਟਰ ਉਮਰ ਨਬੀ ਦਾ ਨੇੜਲਾ ਸਾਥੀ ਸੀ, ਜੋ ਦਿੱਲੀ ਵਿੱਚ ਕਥਿਤ ਤੌਰ ‘ਤੇ ਵੱਡੇ ਹਮਲੇ ਦੀ ਸਾਜ਼ਿਸ਼ ਰਚ ਰਿਹਾ ਸੀ।
NIA ਦਾ ਦਾਅਵਾ : Hamas ਵਾਲੀ ਤਰ੍ਹਾਂ ਡਰੋਨ ਅਤੇ ਰਾਕੇਟ ਤਿਆਰ ਕਰ ਰਿਹਾ ਸੀ ਗਿਰੋਹ
NIA ਦੀ ਜਾਂਚ ਵਿੱਚ ਖੁਲਾਸਾ ਹੋਇਆ ਹੈ ਕਿ ਇਹ ਮੋਡੀਊਲ Hamas ਦੀ ਤਰਜ਼ ‘ਤੇ ਹਮਲੇ ਕਰਨ ਲਈ ਡਰੋਨ ਮੋਡੀਫਾਈ ਕਰਨ, ਰਾਕੇਟ ਬਣਾਉਣ ਅਤੇ ਉਹਨਾਂ ਨੂੰ ਛੋਟੇ ਵਿਸਫੋਟਕਾਂ ਨਾਲ ਜੋੜਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਜਸੀਰ, ਜੋ ਅਨੰਤਨਾਗ ਦੇ ਕਾਜ਼ੀਗੁੰਡ ਇਲਾਕੇ ਦਾ ਰਹਿਣ ਵਾਲਾ ਹੈ, ਤਕਨੀਕੀ ਤੌਰ ‘ਤੇ ਗਿਰੋਹ ਦੀ ਸਹਾਇਤਾ ਕਰਦਾ ਸੀ। ਉਹ ਡਰੋਨ ਵਿੱਚ ਕੈਮਰੇ, ਬੈਟਰੀਆਂ ਅਤੇ ਛੋਟੇ ਬੰਬ ਫਿੱਟ ਕਰਕੇ ਉਨ੍ਹਾਂ ਨੂੰ ਭੀੜ ਵਾਲੀਆਂ ਥਾਵਾਂ 'ਤੇ “ਟਾਰਗੇਟਿਡ ਬਲਾਸਟ” ਲਈ ਵਰਤਣ ਦੀ ਯੋਜਨਾ 'ਚ ਸ਼ਾਮਲ ਸੀ।
Amir ਨੇ ਦਿੱਤਾ ਸੀ 'Safe House', 10 ਦਿਨ ਦੀ ਹਿਰਾਸਤ
ਇਸ ਤੋਂ ਇੱਕ ਦਿਨ ਪਹਿਲਾਂ, NIA ਨੇ ਦਿੱਲੀ ਤੋਂ ਆਮਿਰ ਰਾਸ਼ਿਦ ਅਲੀ ਨੂੰ ਫੜਿਆ ਸੀ। ਸੋਮਵਾਰ ਨੂੰ ਉਸਨੂੰ ਸਪੈਸ਼ਲ NIA ਕੋਰਟ 'ਚ ਪੇਸ਼ ਕੀਤਾ ਗਿਆ ਜਿੱਥੇ ਦੱਸਿਆ ਗਿਆ ਕਿ Amir ਨੇ ਡਾਕਟਰ ਉਮਰ ਨਬੀ ਨੂੰ ਹਮਲੇ ਤੋਂ ਪਹਿਲਾਂ “Safe House” ਮੁਹੱਈਆ ਕਰਾਇਆ ਅਤੇ IED ਬਣਾਉਣ ਵਿੱਚ ਮਦਦ ਕੀਤੀ।
ਕੋਰਟ ਨੇ ਪੂਰੀ ਕਾਰਵਾਈ ਬੰਦ ਕਮਰੇ ਵਿੱਚ ਕੀਤੀ ਅਤੇ ਉਸਨੂੰ 10 ਦਿਨ ਦੀ ਹਿਰਾਸਤ 'ਚ ਭੇਜ ਦਿੱਤਾ। ਧਮਾਕੇ 'ਚ ਵਰਤੀ ਗਈ ਕਾਰ ਵੀ Amir ਦੇ ਨਾਂ 'ਤੇ ਰਜਿਸਟਰ ਸੀ।
ਲਾਲ ਕਿਲ੍ਹੇ ਨੇੜੇ ਧਮਾਕਾ — 15 ਜਾਨਾਂ ਗਈਆਂ ਸਨ
10 ਨਵੰਬਰ ਨੂੰ ਲਾਲ ਕਿਲ੍ਹਾ ਨੇੜੇ ਵਿਸਫੋਟਕਾਂ ਨਾਲ ਭਰੀ ਕਾਰ ਵਿੱਚ ਭਿਆਨਕ ਬਲਾਸਟ ਹੋਇਆ ਸੀ, ਜਿਸ ਵਿੱਚ 15 ਲੋਕਾਂ ਦੀ ਮੌਤ ਹੋ ਗਈ ਸੀ।
NIA ਹੁਣ ਇਸ ਪੂਰੇ ਟੈਰਰ ਨੈੱਟਵਰਕ ਦੀਆਂ ਕੜੀਆਂ ਜੋੜਣ ਲਈ ਕਈ ਰਾਜਾਂ 'ਚ ਛਾਪੇਮਾਰੀ ਕਰ ਰਹੀ ਹੈ।
Big Revelation In Delhi Blast Case Another Arrest From Srinagar Drone Attack Conspiracy Exposed
