August 13, 2024
Admin / Entertainment
ਐਂਟਰਟੇਨਮੈਂਟ ਡੈਸਕ : 4 ਵਾਰ ਨੈਸ਼ਨਲ ਅਵਾਰਡ ਜੇਤੂ ਅਦਾਕਾਰਾ ਕੰਗਨਾ ਰਣੌਤ ਦੀ ਫਿਲਮ 'Emergency' ਦਾ ਟ੍ਰੇਲਰ 14 ਅਗਸਤ 2024 ਨੂੰ ਲਾਂਚ ਕੀਤਾ ਜਾਵੇਗਾ। ਭਾਰਤੀ ਲੋਕਤੰਤਰ ਦੇ ਇੱਕ ਮਹੱਤਵਪੂਰਨ ਅਤੇ ਵਿਵਾਦਪੂਰਨ ਅਧਿਆਏ ਨੂੰ ਦਰਸਾਉਂਦੀ ਇਹ ਸਿਆਸੀ ਡਰਾਮਾ ਫਿਲਮ 6 ਸਤੰਬਰ 2024 ਨੂੰ ਦੁਨੀਆ ਭਰ ਵਿਚ ਰਿਲੀਜ਼ ਹੋਵੇਗੀ। ਜ਼ੀ ਸਟੂਡੀਓਜ਼ ਅਤੇ ਮਾਰਨਿਕਰਿਕਾ ਫਿਲਮਜ਼ ਦੇ ਬੈਨਰ ਹੇਠ ਬਣ ਰਹੀ ਇਹ ਫਿਲਮ ਐਮਰਜੈਂਸੀ ਦੀ ਮਸ਼ਹੂਰ ਨੇਤਾ ਅਤੇ ਪਹਿਲੀ ਮਹਿਲਾ ਪ੍ਰਧਾਨ ਮੰਤਰੀ ਸ੍ਰੀਮਤੀ ਇੰਦਰਾ ਗਾਂਧੀ 'ਤੇ ਇੱਕ ਵੱਡੇ ਬਜਟ ਵਾਲੀ ਫਿਲਮ ਹੈ।
ਐਮਰਜੈਂਸੀ ਦੀ ਸਟਾਰਕਾਸਟ ਨਾਲ ਪੋਸਟਰ ਸ਼ੇਅਰ ਕਰਦੇ ਹੋਏ Kangana Ranaut ਨੇ ਕੈਪਸ਼ਨ ਦੇ ਨਾਲ ਟ੍ਰੇਲਰ ਰਿਲੀਜ਼ ਡੇਟ ਦਾ ਵੀ ਐਲਾਨ ਕੀਤਾ ਹੈ। ਦੱਸਣਯੋਗ ਹੈ ਕਿ ਫਿਲਮ ਐਮਰਜੈਂਸੀ ਵਿੱਚ ਅਨੁਪਮ ਖੇਰ, ਮਹਿਮਾ ਚੌਧਰੀ, ਮਿਲਿੰਦ ਸੋਮਨ, ਸ਼੍ਰੇਅਸ ਤਲਪੜੇ, ਵਿਸ਼ਾਖ ਨਾਇਰ ਅਤੇ ਮਰਹੂਮ ਸਤੀਸ਼ ਕੌਸ਼ਿਕ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਫਿਲਮ ਦਾ ਸੰਗੀਤ ਸੰਚਿਤ ਬਲਹਾਰਾ ਨੇ ਤਿਆਰ ਕੀਤਾ ਹੈ। ਜਦਕਿ ਸਟੋਰੀ ਬੋਰਡ ਅਤੇ ਡਾਇਲਾਗ ਰਿਤੇਸ਼ ਸ਼ਾਹ ਨੇ ਲਿਖੇ ਹਨ।
Kangana Ranaut s Movie Trailer Will Be Launched On 14th Emergency Will Be Released On This Day
