ਪੰਜਾਬ ਦੇ ਫਿਰੋਜ਼ਪੁਰ ਦੇ ਰਹਿਣ ਵਾਲੇ ਇੱਕ ਪਹਿਲਵਾਨ ਅਮਨਪ੍ਰੀਤ ਸਿੰਘ ਨੇ ਪਾਵਰ ਸਲੈਪ ਮੁਕਾਬਲੇ ਵਿੱਚ ਸਾਬਕਾWWE ਵਰਲਡ ਹੈਵੀਵੇਟ ਚੈਂਪੀਅਨ ਜੈਕ ਹੇਗਰ ਨੂੰ ਇੱਕ ਹੀ ਥੱਪੜ ਨਾਲ ਬਾਹਰ ਕਰ ਦਿੱਤਾ। ਜੈਕ ਹੇਗਰ ਨੇ ਪਹਿਲੇ ਦੋ ਰਾਊਂਡ ਵਿੱਚ ਲੀਡ ਬਣਾਈ ਰੱਖੀ, ਪਰ ਤੀਜੇ ਰਾਊਂਡ ਵਿੱਚ ਸ਼ੇਰਾ ਦੇ ਇੱਕ ਜ਼ਬਰਦਸਤ ਥੱਪੜ ਨੇ ਉਸਨੂੰ ਬਾਹਰ ਕਰ ਦਿੱਤਾ।

ਜਿੱਤਣ ਤੋਂ ਬਾਅਦ, ਸ਼ੇਰਾ ਨੇ ਸਟੇਜ ‘ਤੇ ਆਪਣੀ ਟੀ-ਸ਼ਰਟ ਉਤਾਰ ਕੇ ਜਸ਼ਨ ਮਨਾਇਆ। ਹੇਗਰ ਨੂੰ ਆਪਣੇ ਕਰੀਅਰ ਦੀ ਪਹਿਲੀ ਨਾਕਆਊਟ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਹ ਪਾਵਰ ਸਲੈਪ21 ਮੁਕਾਬਲਾ10 ਜੁਲਾਈ, 2026 ਨੂੰ ਲਾਸ ਵੇਗਾਸ ਵਿੱਚ ਹੋਇਆ ਸੀ। ਅਮਨਪ੍ਰੀਤ ਸਿੰਘ ਪਹਿਲਾਂTNA ਰੈਸਲਿੰਗ, WWE NXT, ਅਤੇOVW ਹੈਵੀਵੇਟ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲੈ ਚੁੱਕਾ ਹੈ। ਉਹ ਰਿੰਗ ਵਿੱਚ ਮਹਾਬਲੀ ਸ਼ੇਰਾ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ।

ਸਟੇਜ ‘ਤੇ ਪਹੁੰਚਦੇ ਹੀ ਪਹਿਲਾ ਥੱਪੜ ਜੜਨ ਦੀ ਵਾਰੀ ਅਮਨਪ੍ਰੀਤ ਸਿੰਘ ਸ਼ੇਰਾ ਦੀ ਆਈ। ਅਪਨਪ੍ਰੀਤ ਨੇ ਸਟੀਕ ਨਿਸ਼ਾਨਾ ਬਣਾਉਂਦਿਆਂ ਪੂਰੀ ਤਾਕਤ ਨਾਲ ਜੈਕ ਹੇਗਰ ਦੇ ਗੱਲ੍ਹ ‘ਤੇ ਥੱਪੜ ਜੜਿਆ। ਥੱਪੜ ਦਾ ਅਸਰ ਹੋਇਆ, ਪਰ ਜੈਕ ਹੇਗਰ ਉਹ ਆਪਣੀ ਜਗ੍ਹਾ ਤੋਂ ਨਹੀਂ ਹਿਲਿਆ। ਇਸ ਤੋਂ ਬਾਅਦ ਜੈਕ ਹੇਗਰ ਨੇ ਆਪਣੀ ਵਾਰੀ ਲਈ। ਜਦੋਂ ਹੇਗਰ ਨੇ ਸ਼ੇਰਾ ਦੇ ਥੱਪੜ ਜੜਿਆ ਤਾਂ ਉਹ ਹਿੱਲ ਗਿਆ ਅਤੇ ਪਿੱਛੇ ਹਟਦੇ ਹੋਏ ਬੈਠ ਗਿਆ। ਰੈਫਰੀ ਦੇ5 ਤੱਕ ਗਿਣਨ ਤੋਂ ਪਹਿਲਾਂ, ਸ਼ੇਰਾ ਨੇ ਖੁਦ ਨੂੰ ਸਾਂਭਿਆ ਰੇ ਦੁਬਾਰਾ ਲੜਨ ਲਈ ਤਿਆਰ ਹੋ ਗਿਆ।

ਸ਼ੇਰਾ ਅਤੇ ਜੈਕ ਹੇਗਰ ਵਿਚਕਾਰ ਪਹਿਲੇ ਦੌਰ ਦਾ ਸਕੋਰ9-10 ਸੀ। ਦੂਜੇ ਦੌਰ ਵਿੱਚ, ਸ਼ੇਰਾ ਨੇ ਪਹਿਲਾ ਥੱਪੜ ਮਾਰਿਆ, ਪਰ ਇਸਦਾ ਜੈਕ ਹੇਗਰ ‘ਤੇ ਕੋਈ ਅਸਰ ਨਹੀਂ ਪਿਆ ਅਤੇ ਉਹ ਹਿੱਲਿਆ ਵੀ ਨਹੀਂ। ਜੈਕ ਹੇਗਰ ਨੇ ਫਿਰ ਸ਼ੇਰਾ ਨੂੰ ਥੱਪੜ ਮਾਰਿਆ, ਪਰ ਇਸ ਵਾਰ ਸ਼ੇਰਾ ਮਜ਼ਬੂਤੀ ਨਾਲ ਖੜ੍ਹਾ ਰਿਹਾ। ਦੂਜੇ ਦੌਰ ਦੇ ਅੰਤ ਵਿੱਚ, ਸਕੋਰ17-20 ਸੀ। ਸ਼ੇਰਾ ਜੈਕ ਹੇਗਰ ਤੋਂ ਦੋ ਅੰਕ ਪਿੱਛੇ ਸੀ।