January 14, 2026
PunjabPunjab ਦੇ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਨੂੰ RBI ਵੱਲੋਂ ਵੱਡੀ ਰਾਹਤ; ਡਿਫਾਲਟਰਾਂ ਨੂੰ ਵੀ ਮਿਲੇਗਾ ਨਵਾਂ ਫ਼ਸਲੀ ਕਰਜ਼ਾ, ਪਰ ਸ਼ਰਤ ਸਿਰਫ਼ ਇੰਨੀ...
Live Punjabi TV Bureau
ਚੰਡੀਗੜ੍ਹ, 14 ਜਨਵਰੀ: ਪੰਜਾਬ ਦੇ ਕਿਸਾਨਾਂ ਲਈ, ਖਾਸ ਕਰਕੇ ਜੋ ਹੜ੍ਹਾਂ ਦੀ ਮਾਰ ਕਾਰਨ ਆਰਥਿਕ ਤੰਗੀ ਨਾਲ ਜੂਝ ਰਹੇ ਹਨ, ਇੱਕ ਵੱਡੀ ਰਾਹਤ ਭਰੀ ਖਬਰ ਸਾਹਮਣੇ ਆਈ ਹੈ। ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਇੱਕ ਅਹਿਮ ਫੈਸਲਾ ਲੈਂਦੇ ਹੋਏ ਬੈਂਕਾਂ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਹੜ੍ਹ ਪ੍ਰਭਾਵਿਤ ਡਿਫਾਲਟਰ ਕਿਸਾਨਾਂ ਦੇ ਕਰਜ਼ੇ ਦੇ ਰਾਹ ਵਿੱਚ ਅੜਿੱਕਾ ਨਾ ਡਾਹਿਆ ਜਾਵੇ।
ਆਰਬੀਆਈ ਦੇ ਨਵੇਂ ਹੁਕਮਾਂ ਮੁਤਾਬਕ, ਸੂਬੇ ਦੇ 1695 ਪਿੰਡਾਂ ਦੇ ਉਹ ਕਿਸਾਨ ਜੋ ਹੜ੍ਹਾਂ ਕਾਰਨ ਆਪਣੀ ਪਿਛਲੀ ਫਸਲੀ ਕਰਜ਼ੇ ਦੀ ਕਿਸ਼ਤ ਨਹੀਂ ਭਰ ਸਕੇ ਸਨ, ਹੁਣ ਨਵਾਂ ਕਰਜ਼ਾ ਲੈਣ ਦੇ ਹੱਕਦਾਰ ਹੋਣਗੇ। ਇਸ ਫੈਸਲੇ ਨਾਲ ਉਨ੍ਹਾਂ ਹਜ਼ਾਰਾਂ ਕਿਸਾਨਾਂ ਦਾ ਰਾਹ ਪੱਧਰਾ ਹੋ ਗਿਆ ਹੈ ਜੋ 'ਡਿਫਾਲਟਰ' ਹੋਣ ਕਾਰਨ ਬੈਂਕਾਂ ਦੇ ਚੱਕਰ ਕੱਟ ਰਹੇ ਸਨ।
ਪੁਰਾਣੀ ਜ਼ਮੀਨ 'ਤੇ ਹੀ ਮਿਲੇਗਾ ਲੋਨ
ਕਿਸਾਨਾਂ ਦੀ ਸਹੂਲਤ ਲਈ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਉਨ੍ਹਾਂ ਨੂੰ ਨਵਾਂ ਕਰਜ਼ਾ ਲੈਣ ਲਈ ਕੋਈ ਵਾਧੂ ਜਾਂ ਨਵੀਂ ਜ਼ਮੀਨ ਗਿਰਵੀ ਨਹੀਂ ਰੱਖਣੀ ਪਵੇਗੀ। ਰਿਜ਼ਰਵ ਬੈਂਕ ਨੇ ਸਪੱਸ਼ਟ ਕੀਤਾ ਹੈ ਕਿ ਵਿੱਤੀ ਸੰਕਟ ਵਿੱਚ ਫਸੇ ਕਿਸਾਨ ਉਸੇ ਪਹਿਲਾਂ ਤੋਂ ਗਿਰਵੀ ਪਈ ਜ਼ਮੀਨ 'ਤੇ, ਪੁਰਾਣੇ ਪੈਮਾਨੇ (Scale) ਮੁਤਾਬਕ ਹੀ ਦੁਬਾਰਾ ਫਸਲੀ ਕਰਜ਼ਾ ਹਾਸਲ ਕਰ ਸਕਣਗੇ। ਇਹ ਕਦਮ ਕਿਸਾਨਾਂ ਨੂੰ ਅਗਲੀ ਫਸਲ ਲਈ ਤਿਆਰ ਹੋਣ ਵਿੱਚ ਵੱਡੀ ਮਦਦ ਕਰੇਗਾ।
Big Relief From RBI To Flood affected Farmers Of Punjab Defaulters Will Also Get New Crop Loans But Only On This Condition
