Punjab Breaking : ਪੁਲਿਸ ਮੁਲਾਜ਼ਮਾਂ ਲਈ ਵੱਡੀ ਖ਼ਬਰ! ਵਰਦੀ ਪਾ ਕੇ Reel ਬਣਾਉਣ 'ਤੇ ਲੱਗੀ ਪਾਬੰਦੀ

Live Punjabi TV Bureau

ਚੰਡੀਗੜ੍ਹ, 5 ਦਸੰਬਰ 2025: ਪੰਜਾਬ ਪੁਲਿਸ ਨੇ ਆਪਣੇ ਫ਼ੋਰਸ ਅੰਦਰ ਅਨੁਸ਼ਾਸਨ ਮਜ਼ਬੂਤ ਕਰਨ ਲਈ ਇੱਕ ਮਹੱਤਵਪੂਰਨ ਹੁਕਮ ਜਾਰੀ ਕੀਤਾ ਹੈ। ਹੁਣ ਕੋਈ ਵੀ ਪੁਲਿਸ ਮੁਲਾਜ਼ਮ ਡਿਊਟੀ ਦੌਰਾਨ ਜਾਂ ਵਰਦੀ 'ਚ ਰੀਲ ਤਿਆਰ ਕਰਕੇ ਸੋਸ਼ਲ ਮੀਡੀਆ 'ਤੇ ਪੋਸਟ ਨਹੀਂ ਕਰ ਸਕੇਗਾ। ਡੀਜੀਪੀ ਦਫ਼ਤਰ ਨੇ ਇਸ ਸਬੰਧੀ ਸਾਰੇ ਯੂਨਿਟ ਮੁਖੀਆਂ ਨੂੰ ਤੁਰੰਤ ਲਾਗੂ ਕਰਨ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਹਨ।

ਕਿਉਂ ਲਿਆ ਗਿਆ ਇਹ ਫ਼ੈਸਲਾ?

ਵਿਭਾਗ ਦੇ ਉੱਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਾਲ ਹੀ ਵਿੱਚ ਕੁਝ ਪੁਲਿਸ ਕਰਮਚਾਰੀ ਭੰਗੜਾ ਪਾਉਂਦੇ, ਮਨੋਰੰਜਕ ਵੀਡੀਓ ਅਤੇ ਹੋਰ ਗ਼ੈਰ-ਸਰਕਾਰੀ ਕੰਟੈਂਟ ਰੀਲਾਂ ਰਾਹੀਂ ਪੋਸਟ ਕਰਦੇ ਨਜ਼ਰ ਆਏ ਸਨ, ਜਿਸ ਨਾਲ ਵਿਭਾਗ ਦੀ ਇਮੇਜ 'ਤੇ ਨਕਾਰਾਤਮਕ ਅਸਰ ਪਿਆ।

ਇਨ੍ਹਾਂ ਘਟਨਾਵਾਂ ਤੋਂ ਬਾਅਦ ਡੀਜੀਪੀ ਦਫ਼ਤਰ ਨੇ ਸਖ਼ਤ ਕਦਮ ਚੁੱਕਦੇ ਹੋਏ ਉਲੰਘਣਾ ਕਰਨ ਵਾਲਿਆਂ ਵਿਰੁੱਧ ਤੁਰੰਤ ਐਕਸ਼ਨ ਦੀ ਹਦਾਇਤ ਦਿੱਤੀ ਹੈ।

ਕੀ ਹੋਵੇਗਾ ਉਲੰਘਣਾ ਕਰਨ ਵਾਲਿਆਂ ਨਾਲ?

• ਨਿਯਮ ਤੋੜਨ ਵਾਲੇ ਮੁਲਾਜ਼ਮਾਂ ਦੀ ACR (Annual Confidential Report) ਪ੍ਰਭਾਵਿਤ ਕੀਤੀ ਜਾਵੇਗੀ

• ਤਰੱਕੀ ਰੋਕੀ ਜਾ ਸਕਦੀ ਹੈ

• ਵਿਭਾਗੀ ਕਾਰਵਾਈ ਹੋਵੇਗੀ

Cyber Crime Wing ਨੋਡਲ ਏਜੰਸੀ

ਸੋਸ਼ਲ ਮੀਡੀਆ ਉੱਤੇ ਨਜ਼ਰ ਰੱਖਣ ਲਈ ਸਟੇਟ ਸਾਈਬਰ ਕ੍ਰਾਈਮ ਵਿੰਗ ਨੂੰ ਨੋਡਲ ਏਜੰਸੀ ਬਣਾਇਆ ਗਿਆ ਹੈ, ਜੋ ਨਿਯਮਤ ਰਿਪੋਰਟ ਤਿਆਰ ਕਰਕੇ ਡੀਜੀਪੀ ਨੂੰ ਪੇਸ਼ ਕਰੇਗੀ।

ਪਿਛਲੇ ਮਾਮਲੇ ਬਣੇ ਕਾਰਨ

ਵਿਭਾਗ ਦਾ ਕਹਿਣਾ ਹੈ ਕਿ ਬਠਿੰਡਾ ਦੀ ਮਹਿਲਾ ਕਾਂਸਟੇਬਲ ਦੀ ਵਾਇਰਲ ਰੀਲ ਤੋਂ ਬਾਅਦ ਉਸਦਾ ਨਸ਼ਾ ਕੌੜੀਕੇਸ਼ਨ ਵਿੱਚ ਫਸਣਾ ਅਤੇ ਹਾਲ ਹੀ ਵਿੱਚ ਮੋਹਾਲੀ ਵਿੱਚ ਕਾਰ ਵਾਸ਼ ਦੌਰਾਨ ਹੈਰੋਇਨ ਬਰਾਮਦਗੀ ਨੇ ਪੁਲਿਸ ਸਿਸਟਮ ਨੂੰ ਸਖ਼ਤ ਨਜ਼ਰੀਆ ਅਪਣਾਉਣ ਲਈ ਮਜਬੂਰ ਕੀਤਾ।