March 2, 2026
Jalandhar ਪੰਜਾਬ ਦੇ ਇਸ ਜ਼ਿਲ੍ਹੇ 'ਚ 4 ਮਾਰਚ ਨੂੰ ਮਾਰਕੀਟਾਂ ਰਹਿਣਗੀਆਂ ਬੰਦ
ਜਲੰਧਰ, 02-03-2026 :ਹੋਲੀ ਦੇ ਤਿਉਹਾਰ ਦੇ ਮੱਦੇਨਜ਼ਰ ਜਲੰਧਰ ਦੇ ਇਲੈਕਟ੍ਰਾਨਿਕ ਵਪਾਰੀਆਂ ਨੇ ਇੱਕ ਅਹਿਮ ਐਲਾਨ ਕੀਤਾ ਹੈ। ਸ਼ਹਿਰ ਦੀਆਂ 13 ਪ੍ਰਮੁੱਖ ਇਲੈਕਟ੍ਰਾਨਿਕ ਮਾਰਕੀਟਾਂ 4 ਮਾਰਚ ਨੂੰ ਮੁਕੰਮਲ ਤੌਰ 'ਤੇ ਬੰਦ ਰਹਿਣਗੀਆਂ। ਇਹ ਫੈਸਲਾ ਇਸ ਲਈ ਲਿਆ ਗਿਆ ਹੈ ਤਾਂ ਜੋ ਦੁਕਾਨਦਾਰ ਅਤੇ ਉੱਥੇ ਕੰਮ ਕਰਨ ਵਾਲੇ ਕਰਮਚਾਰੀ ਵੀ ਆਪਣੇ ਪਰਿਵਾਰਾਂ ਨਾਲ ਖੁਸ਼ੀ-ਖੁਸ਼ੀ ਤਿਉਹਾਰ ਮਨਾ ਸਕਣ।
ਬੰਦ ਰਹਿਣ ਵਾਲੀਆਂ ਮਾਰਕੀਟਾਂ ਦੀ ਸੂਚੀ
ਇਸ ਫੈਸਲੇ ਤਹਿਤ ਸ਼ੇਰੇ ਪੰਜਾਬ ਮਾਰਕੀਟ, ਭਗਤ ਸਿੰਘ ਚੌਕ ਮਾਰਕੀਟ, ਫਗਵਾੜਾ ਗੇਟ ਮੇਨ ਮਾਰਕੀਟ, ਆਹੂਜਾ ਮਾਰਕੀਟ, ਹਾਂਗਕਾਂਗ ਪਲਾਜ਼ਾ, ਕ੍ਰਿਸ਼ਨਾ ਮਾਰਕੀਟ, ਸਿੱਧ ਮਾਰਕੀਟ, ਮਿਲਾਪ ਚੌਕ, ਪ੍ਰਤਾਪ ਬਾਗ, ਰੇਲਵੇ ਰੋਡ, ਚਹਾਰ ਬਾਗ ਅਤੇ ਜਗਦੰਬੇ ਮਾਰਕੀਟ ਸਮੇਤ ਸਾਰੇ ਪ੍ਰਮੁੱਖ ਬਾਜ਼ਾਰ 4 ਮਾਰਚ ਨੂੰ ਬੰਦ ਰਹਿਣਗੇ।
ਵਪਾਰਕ ਜਥੇਬੰਦੀਆਂ ਅਨੁਸਾਰ 5 ਮਾਰਚ ਤੋਂ ਸਾਰਾ ਕੰਮਕਾਜ ਪਹਿਲਾਂ ਵਾਂਗ ਆਮ ਵਾਂਗ ਹੋ ਜਾਵੇਗਾ। ਹੋਲੀ ਦੀ ਖਰੀਦਦਾਰੀ ਕਰਨ ਵਾਲੇ ਗਾਹਕਾਂ ਨੂੰ ਇਸ ਬੰਦ ਦੇ ਮੱਦੇਨਜ਼ਰ ਆਪਣੀ ਯੋਜਨਾ ਬਣਾਉਣ ਦੀ ਸਲਾਹ ਦਿੱਤੀ ਗਈ ਹੈ।
Markets Will Remain Closed On March 4 In This District Of Punjab
