April 12, 2023
LPTV / Chandigarh
ਸਰਕਾਰ ਵੱਲੋਂ ਕਣਕ ਦੀ ਫਸਲ ‘ਤੇ ਕੱਟ ਲਗਾਈ ਗਈ ਹੈ ਜਿਸ ਦੇ ਬਾਅਦ ਗੁਰਨਾਮ ਸਿੰਘ ਚੜੂਨੀ ਨੇ ਸਰਕਾਰ ਖਿਲਾਫ ਮੋਰਚਾ ਖੋਲ੍ਹਦੇ ਹੋਏ ਚੇਤਾਵਨੀ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਆਪਣੇ ਫੈਸਲੇ ਨੂੰ 12 ਅਪ੍ਰੈਲ ਤੱਕ ਵਾਪਸ ਲੈ ਲਵੇ ਨਹੀਂ ਤਾਂ 13 ਅਪ੍ਰੈਲ ਨੂੰ ਹਰਿਆਣਾ ਤੇ ਪੰਜਾਬ ਵਿਚ ਅਨਾਜ ਮੰਡੀਆਂ ਦੇ ਬਾਹਰ ਰੋਡ ਜਾਮ ਕੀਤੇ ਜਾਣਗੇ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਕਿਸਾਨਾਂ ਖਿਲਾਫ ਇਹ ਫਰਮਾਨ ਜਾਰੀ ਕੀਤਾ ਹੈ ਜਿਸ ਵਿਚ ਕਣਕ ਦੀ ਫਸਲ ਵਿਚ ਜੇਕਰ ਥੋੜ੍ਹੀ ਵੀ ਦਿੱਕਤ ਹੋਈ, ਜਿਵੇਂ ਦਾਣਾ ਕਾਲਾ ਹੋਣਾ ਜਾਂ ਛੋਟਾ ਹੋਣਾ ਤਾਂ ਪ੍ਰਤੀ ਕੁਇੰਟਲ 37 ਰੁਪਏ ਕਿਸਾਨ ਦੇ ਕੱਟ ਲਏ ਜਾਣਗੇ। ਗੁਰਨਾਮ ਸਿੰਘ ਚੜੂਨੀ ਨੇ ਚੇਤਾਵਨੀ ਦਿੱਤੀ ਕਿ ਸਰਕਾਰ ਇਸ ਫਰਮਾਨ ਨੂੰ 12 ਅਪ੍ਰੈਲ ਤੱਕ ਵਾਪਸ ਲਵੇ।
ਦਰਅਸਲ, ਕੇਂਦਰ ਸਰਕਾਰ ਨੇ ਘੱਟ ਚਮਕ ਵਾਲੀ ਅਤੇ ਟੁੱਟੀ ਹੋਈ ਕਣਕ ਦੀ ਖਰੀਦ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਹੁਣ 18 ਫੀਸਦੀ ਤੱਕ ਸੁੰਗੜੇ ਅਤੇ ਟੁੱਟੀ ਕਣਕ ਦੀ ਖਰੀਦ ਕੀਤੀ ਜਾ ਸਕਦੀ ਹੈ। ਇਸ ਦੇ ਲਈ ਕੁੱਲ 7 ਸ਼੍ਰੇਣੀਆਂ ਬਣਾਈਆਂ ਗਈਆਂ ਹਨ। 6 ਫੀਸਦੀ ਤੱਕ ਸੁੰਗੜੀ-ਟੁੱਟੀ ਕਣਕ ‘ਤੇ ਕੋਈ ਰਕਮ ਨਹੀਂ ਕੱਟੀ ਜਾਵੇਗੀ।ਸਰਕਾਰ ਵੀ ਇਸ ਐਲਾਨ ਤੋਂ ਹੈਰਾਨ ਹੈ। ਉਹ ਇਹ ਮਾਮਲਾ ਕੇਂਦਰ ਕੋਲ ਉਠਾਉਣਗੇ। ਹਰਿਆਣਾ ਸਰਕਾਰ ਦੇ ਬੁਲਾਰੇ ਨੇ ਵੀ ਬਿਆਨ ਜਾਰੀ ਕਰਕੇ ਕਿਹਾ ਕਿ ਕੇਂਦਰ ਨੂੰ ਵੈਲਿਊ ਕੱਟ ਵਾਪਸ ਲੈਣ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਜਦੋਂ ਤੱਕ ਕੇਂਦਰ ਕੋਈ ਫੈਸਲਾ ਨਹੀਂ ਲੈਂਦਾ, ਉਦੋਂ ਤੱਕ ਵੈਲਿਊ ਕੱਟ ਦੀ ਰਕਮ ਰਾਜ ਸਰਕਾਰ ਖੁਦ ਸਹਿਣ ਕਰੇਗੀ।
Farmers have again announced to block the roads Read the full story
