ਐਂਟਰਟੇਨਮੈਂਟ ਡੈਸਕ : ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਅੱਜ ਵਿਆਹ ਦੇ ਬੰਧਨ ਵਿਚ ਬੱਝਣ ਜਾ ਰਹੇ ਹਨ। ਉਨ੍ਹਾਂ ਦੇ ਵਿਆਹ ਵਿਚ ਸ਼ਾਮਲ ਹੋਣ ਲਈ ਕਈ ਵਿਦੇਸ਼ੀ ਸੈਲੇਬਸ ਅਤੇ ਮਸ਼ਹੂਰ ਲੋਕ ਮੁੰਬਈ ਪਹੁੰਚੇ ਹਨ। ਅੰਬਾਨੀ ਪਰਿਵਾਰ ਨੇ ਹਰ ਵਿਆਹ ਸਮਾਗਮ ਵਿੱਚ ਅੰਤਰਰਾਸ਼ਟਰੀ ਗਾਇਕਾਂ ਨੂੰ ਸੱਦਾ ਦਿੱਤਾ ਹੈ। ਹੁਣ ਖਬਰਾਂ ਮੁਤਾਬਕ ਗਾਇਕ ਰੇਮਾ ਵੀ ਵਿਆਹ ਵਿਚ ਪਰਫਾਰਮ ਕਰਨ ਜਾ ਰਿਹਾ ਹੈ। ਇੰਨਾ ਹੀ ਨਹੀਂ ਇਸ ਦੇ ਲਈ ਉਹ ਮੋਟੀ ਰਕਮ ਵੀ ਲੈ ਰਿਹਾ ਹੈ।

ਇਕ ਰਿਪੋਰਟ ਮੁਤਾਬਕ ਰੀਮਾ ਪਰਫਾਰਮ ਕਰਨ ਲਈ 25 ਕਰੋੜ ਰੁਪਏ ਲੈ ਰਿਹਾ ਹੈ। ਉਹ ਆਪਣਾ ਵਾਇਰਲ ਟਰੈਕ ਗਾਉਣ ਜਾ ਰਿਹਾ ਹੈ। ਨਾਈਜੀਰੀਅਨ ਰੈਪਰ ਭਾਰਤ ਪਹੁੰਚ ਚੁੱਕੇ ਹਨ। ਉਹ ਪੂਰੇ ਕਾਲੇ ਰੰਗ ਦੇ ਕੱਪੜੇ ਪਾ ਕੇ ਆਇਆ ਸੀ ਅਤੇ ਆਪਣਾ ਚਿਹਰਾ ਇੱਕ ਮਾਸਕ ਨਾਲ ਢੱਕਿਆ ਹੋਇਆ ਸੀ। ਰੀਮਾ ਨੇ ਖੁਦ ਆਪਣੀ ਭਾਰਤ ਫੇਰੀ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਵੀਡੀਓ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਭਾਰਤ ਦੇ ਤਿਰੰਗੇ ਦਾ ਇਮੋਜੀ ਵੀ ਪੋਸਟ ਕੀਤਾ ਹੈ।