July 12, 2024
![-Kalki-2898-ED-Broke-The-Record- -Kalki-2898-ED-Broke-The-Record-](https://livepunjabitv.com/control/media/tn_1720776574.jpg)
Admin / Entertainment
ਐਂਟਰਟੇਨਮੈਂਟ ਡੈਸਕ : ਸੁਪਰਸਟਾਰ ਪ੍ਰਭਾਸ, ਦੀਪਿਕਾ ਪਾਦੁਕੋਣ ਅਤੇ ਅਮਿਤਾਭ ਬੱਚਨ ਦੀ ਫਿਲਮ 'ਕਲਕੀ 2898 ਈਡੀ' ਬਾਕਸ ਆਫਿਸ 'ਤੇ ਧਮਾਲ ਮਚਾ ਰਹੀ ਹੈ। ਫਿਲਮ ਨੂੰ ਰਿਲੀਜ਼ ਹੋਏ ਦੋ ਹਫਤੇ ਹੋ ਗਏ ਹਨ ਪਰ ਇਸ ਦੀ ਕਮਾਈ ਦੀ ਰਫਤਾਰ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਹੈ। ਸਿਰਫ 11 ਦਿਨਾਂ ਵਿਚ 'ਕਲਕੀ 2898 ਈ.' ਨੇ 500 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਕੁਝ ਦਿਨ ਪਹਿਲਾਂ ਹੀ ਇਸ ਫਿਲਮ ਨੇ ਸੰਨੀ ਦਿਓਲ ਦੀ 'ਗਦਰ 2' ਦਾ ਰਿਕਾਰਡ ਤੋੜਿਆ ਸੀ ਪਰ ਹੁਣ ਇਸ ਫਿਲਮ ਨੇ ਸ਼ਾਹਰੁਖ ਖਾਨ ਦੀ 'ਪਠਾਨ' ਨੂੰ ਮਾਤ ਦਿੱਤੀ ਹੈ।
ਪਹਿਲੇ ਹਫਤੇ ਕੀਤਾ ਸੀ 414 ਕਰੋੜ ਦਾ ਕਾਰੋਬਾਰ
ਪ੍ਰਭਾਸ ਦੀ ਸਾਇੰਸ ਫਿਕਸ਼ਨ ਫਿਲਮ 'ਕਲਕੀ 2898 ਈਡੀ' ਨੇ ਪਹਿਲੇ ਹਫਤੇ ਕੁੱਲ 414.85 ਕਰੋੜ ਰੁਪਏ ਦਾ ਬਿਜ਼ਨੈੱਸ ਕੀਤਾ ਸੀ। ਹਾਲਾਂਕਿ ਦੂਜੇ ਹਫਤੇ ਫਿਲਮ ਦੀ ਕਮਾਈ ਵਿਚ ਗਿਰਾਵਟ ਆਈ ਹੈ। 'ਕਲਕੀ 2898 ਈਡੀ' ਨੇ 9ਵੇਂ ਦਿਨ 16.7 ਕਰੋੜ, 10ਵੇਂ ਦਿਨ 34.15 ਕਰੋੜ, 11ਵੇਂ ਦਿਨ 44.35 ਕਰੋੜ, 12ਵੇਂ ਦਿਨ 10.4 ਕਰੋੜ, 13ਵੇਂ ਦਿਨ 8.8 ਕਰੋੜ ਅਤੇ 14ਵੇਂ ਦਿਨ 7.5 ਕਰੋੜ ਦਾ ਕਾਰੋਬਾਰ ਕੀਤਾ ਸੀ। ਹੁਣ ਇਸ ਦੀ 15ਵੇਂ ਦਿਨ ਦੀ ਕਮਾਈ ਦੇ ਅੰਕੜੇ ਸਾਹਮਣੇ ਆਏ ਹਨ।
'ਪਠਾਨ' ਦਾ ਟੁੱਟਿਆ ਰਿਕਾਰਡ
ਸੈਕਨਲਿਕ ਰਿਪੋਰਟ ਮੁਤਾਬਕ 'ਕਲਕੀ 2898 ਈਡੀ' ਨੇ 15ਵੇਂ ਦਿਨ ਯਾਨੀ ਤੀਜੇ ਵੀਰਵਾਰ ਨੂੰ ਦੇਸ਼ ਭਰ ਦੀਆਂ ਸਾਰੀਆਂ ਭਾਸ਼ਾਵਾਂ ਵਿਚ 6.7 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਹੁਣ ਤੱਕ 'ਕਲਕੀ 2898 ਈਡੀ' ਨੇ ਘਰੇਲੂ ਬਾਕਸ ਆਫਿਸ 'ਤੇ 543.45 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਸ ਦੇ ਨਾਲ ਹੀ ਇਸ ਫਿਲਮ ਨੇ ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। 'ਪਠਾਨ' ਨੇ ਦੇਸ਼ ਭਰ ਵਿਚ ਕੁੱਲ 543.05 ਰੁਪਏ ਦਾ ਕਾਰੋਬਾਰ ਕੀਤਾ। ਇਸ ਤੋਂ ਪਹਿਲਾਂ 'ਕਲਕੀ 2898 ਈ.' ਨੇ ਸਿਰਫ 13 ਦਿਨਾਂ ਵਿਚ ਸੰਨੀ ਦਿਓਲ ਦੀ 'ਗਦਰ 2' ਦਾ ਰਿਕਾਰਡ ਤੋੜ ਦਿੱਤਾ ਸੀ।
Kalki 2898 ED Broke The Record Of The Film Pathan
![The Social 24 ad banner image The Social 24 ad banner image](/control/mediao/1710590663.jpg)