May 15, 2025
ਨਿਊਜ਼ ਡੈਸਕ ਨਿਊਜ਼ ਡੈਸਕ,15 ਮਈ : ਕੈਂਸਰ ਦਾ ਰੋਗ ਅੱਜਕਲ੍ਹ ਆਮ ਹੀ ਹੁੰਦਾ ਜਾ ਰਿਹਾ ਹੈ।ਕੈਂਸਰ ਵਿਅਕਤੀ ਵਿੱਚ ਕਈ ਤਰ੍ਹਾਂ ਦਾ ਪਾਇਆ ਜਾਂਦਾ ਹੈ । ਜੋ ਬਹੁਤ ਭਿਆਨਕ ਬਿਮਾਰੀ ਹੈ । ਪਰ ਹੁਣ ਕੈਂਸਰ ਵਰਗੀਆਂ ਭਿਆਨਕ ਬਿਮਾਰੀਆਂ ਦਾ ਇਲਾਜ਼ ਵੀ ਮਾਹਿਰਾਂ ਦੇ ਹੱਥ ਵਿੱਚ ਆ ਗਿਆ ਹੈ। ਬਿਮਾਰੀ ਕੋਈ ਵੀ ਹੋਏ ਉਸ ਦਾ ਡਰ ਤਾ ਹੁੰਦਾ ਹੈ । ਜੇਕਰ ਗੱਲ ਕੈਂਸਰ ਦੀ ਕੀਤੀ ਜਾਵੇ ਤਾਂ ਇਹ ਬਿਮਾਰੀ ਔਰਤਾਂ ਵਿਚ ਜ਼ਿਆਦਾ ਹੋ ਰਹੀ ਹੈ । ਕੈਂਸਰ ਦੇ ਖ਼ਤਰੇ ਨੂੰ ਘਟਾਉਣ ਲਈ ਕੁਝ ਆਦਤਾਂ ਅਪਣਾਉਣੀਆਂ ਜ਼ਰੂਰੀ ਹਨ। ਖਾਸ ਕਰਕੇ ਛਾਤੀ ਦੇ ਕੈਂਸਰ ਤੋਂ ਬਚਣ ਲਈ, ਔਰਤਾਂ ਨੂੰ ਆਪਣੀ ਰੋਜ਼ਾਨਾ ਦੀ ਰੁਟੀਨ ਵਿੱਚ ਇਨ੍ਹਾਂ ਉਪਾਵਾਂ ਨੂੰ ਜ਼ਰੂਰ ਸ਼ਾਮਿਲ ਕਰਨਾ ਚਾਹੀਦਾ ਹੈ। ਇਸ ਨਾਲ ਕੈਂਸਰ ਦੇ ਖ਼ਤਰੇ ਨੂੰ ਕਾਫ਼ੀ ਹੱਦ ਤੱਕ ਘਟਾਇਆ ਜਾ ਸਕਦਾ ਹੈ। ਛਾਤੀ ਦਾ ਕੈਂਸਰ ਸਭ ਤੋਂ ਆਮ ਕੈਂਸਰਾਂ ਵਿੱਚੋਂ ਇੱਕ ਹੈ, ਪਰ ਚੰਗੀ ਖ਼ਬਰ ਇਹ ਹੈ ਕਿ ਤੁਸੀਂ ਆਪਣੇ ਜੋਖ਼ਮ ਨੂੰ ਘਟਾਉਣ ਲਈ ਕੁਝ ਕਦਮ ਚੁੱਕ ਸਕਦੇ ਹੋ, ਜਿਸਦੀ ਸ਼ੁਰੂਆਤ ਆਪਣੀਆਂ ਰੋਜ਼ਾਨਾ ਦੀਆਂ ਆਦਤਾਂ ਵਿੱਚ ਛੋਟੇ ਬਦਲਾਅ ਕਰਨ ਨਾਲ ਹੁੰਦੀ ਹੈ।
ਭਾਰ ਨੂੰ ਕਾਬੂ ਵਿੱਚ ਰੱਖੋ - ਸਭ ਤੋਂ ਪਹਿਲਾਂ, ਸਿਹਤਮੰਦ ਭਾਰ ਬਣਾਈ ਰੱਖਣ ਦੀ ਕੋਸ਼ਿਸ਼ ਕਰੋ। ਕਿਉਂਕਿ ਜ਼ਿਆਦਾ ਚਰਬੀ ਹਾਰਮੋਨਲ ਤਬਦੀਲੀਆਂ ਦਾ ਕਾਰਨ ਬਣਦੀ ਹੈ ਜੋ ਕੈਂਸਰ ਨੂੰ ਵਧਾ ਸਕਦੀ ਹੈ। ਇਸ ਲਈ, ਆਪਣੇ ਭਾਰ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ। ਜਿੰਨਾਂ ਹੋ ਸਕੇ ਮੋਟਾਪੇ ਤੇ ਕੰਟਰੋਲ ਰੱਖੋ ।
ਸਰਗਰਮ (ਐਕਟਿਵ) ਰਹੋ – ਤੁਹਾਨੂੰ ਇੱਕ ਸਰਗਰਮ ਜੀਵਨ ਜਿਊਣਾ ਪਵੇਗਾ। ਇਸ ਦੇ ਲਈ, ਦਿਨ ਵਿੱਚ 30 ਮਿੰਟ ਤੇਜ਼ ਰਫ਼ਤਾਰ ਨਾਲ ਚੱਲੋ। ਹਰ ਰੋਜ਼ ਕਸਰਤ ਕਰਨ ਦੀ ਆਦਤ ਪਾਓ, ਭਾਵੇਂ ਉਹ ਸੈਰ ਹੋਵੇ, ਯੋਗਾ ਹੋਵੇ ਜਾਂ ਨੱਚਣਾ। ਤੁਹਾਨੂੰ ਸਰਗਰਮ ਰਹਿਣਾ ਪਵੇਗਾ ਜੋ ਤੁਹਾਨੂੰ ਕਈ ਬਿਮਾਰੀਆਂ ਦੇ ਜੋਖਮ ਤੋਂ ਬਚਾਉਂਦਾ ਹੈ।
ਸ਼ਰਾਬ ਤੋਂ ਦੂਰ ਰਹੋ- ਥੋੜ੍ਹੀ ਜਿਹੀ ਸ਼ਰਾਬ ਵੀ ਜੋਖਮ ਦੇ ਪੱਧਰ ਨੂੰ ਵਧਾ ਸਕਦੀ ਹੈ। ਡਾਕਟਰ ਦੇ ਅਨੁਸਾਰ, ਘੱਟ ਸ਼ਰਾਬ ਪੀਣ ਦੀ ਕੋਸ਼ਿਸ਼ ਕਰੋ ਕਿਉਂਕਿ ਸ਼ਰਾਬ ਪੀਣ ਨਾਲ ਵੀ ਕੈਂਸਰ ਦਾ ਖ਼ਤਰਾ ਵਧ ਸਕਦਾ ਹੈ।
ਆਪਣੇ ਖਾਣੇ ਵੱਲ ਧਿਆਨ ਦਿਓ – ਤੁਸੀਂ ਕੀ ਖਾਂਦੇ ਹੋ ਇਸ ਵੱਲ ਧਿਆਨ ਦਿਓ। ਆਪਣੀ ਖੁਰਾਕ ਵਿੱਚ ਵੱਧ ਤੋਂ ਵੱਧ ਫਲ, ਸਬਜ਼ੀਆਂ ਅਤੇ ਸਾਬਤ ਅਨਾਜ ਸ਼ਾਮਿਲ ਕਰੋ। ਇੱਕ ਹੋਰ ਗੱਲ ਜੋ ਤੁਹਾਨੂੰ ਯਾਦ ਰੱਖਣੀ ਚਾਹੀਦੀ ਹੈ ਉਹ ਇਹ ਹੈ ਕਿ ਤੁਹਾਡੀ ਪਲੇਟ ਵਿੱਚ ਰੰਗੀਨ ਭੋਜਨ ਹੋਣਾ ਚਾਹੀਦਾ ਹੈ। ਤਾਂ ਜੋ ਸਰੀਰ ਨੂੰ ਲੋੜੀਂਦੇ ਪੌਸ਼ਟਿਕ ਤੱਤ ਮਿਲ ਸਕਣ ਅਤੇ ਇਮਿਊਨ ਸਿਸਟਮ ਮਜ਼ਬੂਤ ਹੋ ਸਕੇ।
ਨਿਯਮਤ ਜਾਂਚ ਕਰਵਾਓ – ਸਰੀਰ ਵਿੱਚ ਤਬਦੀਲੀਆਂ ਦੀ ਸਮੇਂ ਸਿਰ ਜਾਂਚ ਜਾਨ ਬਚਾ ਸਕਦੀ ਹੈ। ਆਪਣੀ ਰੁਟੀਨ ਜਾਂਚ ਕਰਵਾਉਂਦੇ ਰਹੋ।ਤਾਂ ਜੋ ਸਮੇਂ ਸਿਰ ਬਿਮਾਰੀ ਨੂੰ ਜਾਚ ਲਿਆ ਜਾਵੇ। ਕੋਈ ਵੱਡੇ ਖ਼ਤਰੇ ਤੋਂ ਬਚਾਅ ਤੋਂ ਬਚਾਅ ਹੋ ਸਕਦਾ ਹੈ ।
Https livepunjabitv com control add posts php
