ਗੁਰਪ੍ਰੀਤ ਸਿੰਘ ਧੰਜੂ, ਸਿਆਟਲ ਵਾਸ਼ਿੰਗਟਨ : ਅਮਰੀਕਾ ਦੀ ਸਟੇਟ ਵਾਸ਼ਿੰਗਟਨ ਦੀ ਸਿਟੀ ਵਿਚ ਬੈਲਿੰਗਹੈਮ ਵਿਖੇ ਪੰਜਾਬੀ ਸਾਹਿਤ, ਸੰਗੀਤ ਤੇ ਕਲਾ ਮੰਚ ਬੈਲਿੰਗਹੈਮ ਤੇ ਪੰਜਾਬ ਲੋਕ ਰੰਗ ਤੇ ਲੇਖਕ ਤੇ ਨਿਰਦੇਸ਼ਕ ਸੁਰਿੰਦਰ ਸਿੰਘ ਧਨੋਆ ਵੱਲੋਂ ਪ੍ਰੋਗਰਾਮ ਜ਼ਫ਼ਰਨਾਮਾ ਫਤਹਿ ਦਾ ਪੱਤਰ ਕਰਵਾਇਆ ਗਿਆ। ਇਹ ਪ੍ਰੋਗਰਾਮ ਮੈਰੀਡੀਅਨ ਸੀਨੀਅਰ ਹਾਈ ਸਕੂਲ ਬੈਲਿੰਗਹੈਮ, ਵਾਸ਼ਿੰਗਟਨ ਵਿਖੇ ਕਰਵਾਇਆ ਗਿਆ, ਜਿਸ ਵਿਚ ਵੱਡੀ ਗਿਣਤੀ ਲੋਕਾਂ ਨੇ ਬੱਚਿਆਂ ਸਮੇਤ ਸ਼ਮੂਲੀਅਤ ਕੀਤੀ। ਲੋਕਾਂ ਨੇ ਇਸ ਪ੍ਰੋਗਰਾਮ ਦਾ ਖੂਬ ਆਨੰਦ ਮਾਣਿਆ। ਇਸ ਦੌਰਾਨ ਪੰਜਾਬੀ ਸਾਹਿਤ, ਸੰਗੀਤ ਤੇ ਕਲਾ ਮੰਚ ਬੈਲਿੰਘਮ ਵੱਲੋਂ ਲੰਗਰ ਦਾ ਖਾਸ ਪ੍ਰਬੰਧ ਵੀ ਕੀਤਾ ਗਿਆ। ਤੇਜ਼ ਗਰਮੀ ਤੇ ਏਸੀ ਖ਼ਰਾਬ ਹੋਣ ਦੇ ਬਾਵਜੂਦ ਸੰਗਤਾਂ ਨੇ ਸ਼ੋਅ ਦੇ ਖਤਮ ਹੁਣ ਤਕ ਆਰਾਮ ਨਾਲ ਬੈਠ ਸਾਰਾ ਸ਼ੋਅ ਦੇਖਿਆ। ਇਸ ਸ਼ੋਅ ਦਾ ਮੁੱਖ ਉਦੇਸ਼ ਆਉਣ ਵਾਲੀ ਪੀੜ੍ਹੀ ਨੂੰ ਧਰਮ ਨਾਲ ਜੋੜਨਾ ਸੀ। ਅਜਿਹੇ ਪ੍ਰੋਗਰਾਮ ਹੋਰ ਹੋਣ ਤਾਂ ਜੋ ਨਵੀ ਪੀੜ੍ਹੀ ਧਰਮ ਨਾਲ ਜੁੜ ਸਕੇ। ਇਸ ਦੌਰਾਨ ਸੁਰਿੰਦਰ ਸਿੰਘ ਧਨੋਆ ਨੇ ਦੱਸਿਆ ਅਮਰੀਕਾ ਤੇ ਕੈਨੇਡਾ ਦੇ ਸ਼ੋਅ ਤੋਂ ਬਾਅਦ ਸਾਡੀ ਸਾਰੀ ਟੀਮ ਪੰਜਾਬ ਵਿਚ ਵੀ ਸ਼ੋਅ ਕਰਨ ਜਾਵੇਗੀ ਤੇ ਪੰਜਾਬੀ ਸਾਹਿਤ, ਸੰਗੀਤ ਤੇ ਕਲਾ ਮੰਚ ਬੈਲਿੰਘਮ ਵੱਲੋਂ ਆਏ ਹੋਏ ਟੀਮ ਦਾ ਸਨਮਾਨ ਕੀਤਾ ਤੇ ਹਾਜ਼ਰ ਲੋਕਾਂ ਦਾ ਧੰਨਵਾਦ ਕੀਤਾ।