September 16, 2024
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਸੋਸ਼ਲ ਮੀਡੀਆ 'ਤੇ ਰੀਲਾਂ ਬਣਾਉਣ ਦਾ ਕ੍ਰੇਜ਼ ਨੌਜਵਾਨਾਂ 'ਚ ਇੰਨਾ ਵੱਧ ਗਿਆ ਹੈ ਕਿ ਉਹ ਮਸ਼ਹੂਰ ਹੋਣ ਲਈ ਕਿਸੇ ਵੀ ਹੱਦ ਤੱਕ ਜਾਣ ਨੂੰ ਤਿਆਰ ਹਨ। ਅਜਿਹਾ ਹੀ ਇਕ ਮਾਮਲਾ ਯੂਪੀ ਦੇ ਕਾਸਗੰਜ 'ਚ ਦੇਖਣ ਨੂੰ ਮਿਲਿਆ, ਜਿੱਥੇ ਇਕ ਨੌਜਵਾਨ ਨੇ ਲਾਈਕਸ ਅਤੇ ਫਾਲੋਅਰਜ਼ ਹਾਸਲ ਕਰਨ ਲਈ ਸੜਕ 'ਤੇ ਮਰਨ ਦਾ ਨਾਟਕ ਕੀਤਾ।
ਇਹ ਘਟਨਾ ਕਾਸਗੰਜ ਦੇ ਰਾਜ ਕੋਲਡ ਸਟੋਰੇਜ ਚੌਰਾਹੇ ਦੀ ਹੈ, ਜਿੱਥੇ ਇਕ ਨੌਜਵਾਨ ਨੇ ਇੰਸਟਾਗ੍ਰਾਮ 'ਤੇ ਰੀਲ ਵਾਇਰਲ ਕਰਨ ਲਈ ਸੜਕ ਦੇ ਵਿਚਕਾਰ ਲੇਟ ਕੇ ਮਰਨ ਦਾ ਨਾਟਕ ਕੀਤਾ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਨੌਜਵਾਨ ਨੇ ਲਾਲ ਕੱਪੜੇ ਨਾਲ ਸੜਕ 'ਤੇ ਲੇਟਣ ਤੋਂ ਬਾਅਦ ਆਪਣੇ ਆਪ ਨੂੰ ਚਿੱਟੇ ਕੱਪੜੇ ਨਾਲ ਢੱਕਿਆ ਅਤੇ ਨੱਕ 'ਚ ਰੂ ਪਾਈ ਹੋਈ ਹੈ।
ਰਾਹਗੀਰ ਹੋਏ ਪਰੇਸ਼ਾਨ
ਨੌਜਵਾਨ ਨੇ ਸੜਕ 'ਤੇ ਪੁਲਿਸ ਬੈਰੀਅਰ ਲਗਾ ਕੇ ਇਸ ਰੀਲ ਨੂੰ ਸ਼ੂਟ ਕੀਤਾ, ਜਿਸ ਕਾਰਨ ਲੰਘਣ ਵਾਲੇ ਲੋਕਾਂ ਨੂੰ ਕਾਫ਼ੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ | ਉਸ ਦੀ ਹਰਕਤ ਦੇਖ ਕੇ ਲੋਕ ਇਕੱਠੇ ਹੋ ਗਏ ਪਰ ਕਿਸੇ ਨੇ ਵੀ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਨਹੀਂ ਕੀਤੀ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸੜਕ ਤੋਂ ਵਾਹਨ ਲੰਘਦੇ ਰਹੇ ਪਰ ਕੋਈ ਵੀ ਇਸ ਨੂੰ ਹਟਾਉਣ ਨਹੀਂ ਆਇਆ।
The Dead Young Man Suddenly Got Up And Started Dancing
