November 17, 2025
BangladeshSheikh Hasina ਦਾ ‘ਸਜ਼ਾ-ਏ-ਮੌਤ’ 'ਤੇ ਤਿੱਖਾ ਬਿਆਨ — ਫੈਸਲੇ ਨੂੰ ਕਰਾਰ ਦਿੱਤਾ “ਸਿਆਸੀ ਸਾਜ਼ਿਸ਼”
ਨਵੀਂ ਦਿੱਲੀ/ਢਾਕਾ, 17 ਨਵੰਬਰ, 2025 : ਬੰਗਲਾਦੇਸ਼ ਦੀ ਸਾਬਕਾ ਪ੍ਰਧਾਨ ਮੰਤਰੀ Sheikh Hasina ਨੂੰ ਅੰਤਰਰਾਸ਼ਟਰੀ ਅਪਰਾਧ ਟ੍ਰਿਬਿਊਨਲ (ICT) ਵੱਲੋਂ "ਮਾਨਵਤਾ ਖਿਲਾਫ਼ ਅਪਰਾਧਾਂ" ਦੇ ਮਾਮਲੇ 'ਚ ਸੁਣਾਈ ਗਈ ਮੌਤ ਦੀ ਸਜ਼ਾ ਤੋਂ ਬਾਅਦ, ਉਨ੍ਹਾਂ ਦੀ ਪਹਿਲੀ ਪ੍ਰਤੀਕਿਰਿਆ ਸਾਹਮਣੇ ਆ ਗਈ ਹੈ। ਹਸੀਨਾ ਨੇ ਇਸ ਫੈਸਲੇ ਨੂੰ ਪੱਖਪਾਤੀ, ਬਦਲੇ ਦੀ ਭਾਵਨਾ ਨਾਲ ਭਰਿਆ ਅਤੇ ਰਾਜਨੀਤਕ ਸਾਜ਼ਿਸ਼ ਕਰਾਰ ਦਿੱਤਾ ਹੈ।
“ਇਹ ਗੈਰ-ਚੁਣੀ ਸਰਕਾਰ ਦਾ ਖੂਨੀ ਏਜੰਡਾ” — Hasina
Sheikh Hasina ਨੇ ਕਿਹਾ ਕਿ ਇਹ ਫੈਸਲਾ ਇੱਕ “ਧਾਂਦਲੀ ਵਾਲੇ ਅਤੇ ਪੱਖਪਾਤੀ ਟ੍ਰਿਬਿਊਨਲ” ਵੱਲੋਂ ਸੁਣਾਇਆ ਗਿਆ ਹੈ, ਜਿਸਨੂੰ ਇੱਕ ਐਸੀ ਅੰਤ੍ਰਿਮ ਸਰਕਾਰ ਚਲਾ ਰਹੀ ਹੈ, ਜਿਸਦੇ ਕੋਲ ਕੋਈ ਲੋਕਤੰਤਰੀ ਮੰਡੇਟ ਨਹੀਂ।
ਉਨ੍ਹਾਂ ਕਿਹਾ, “ਮੈਨੂੰ ਸਜ਼ਾ ਦੇ ਕੇ Awami League ਨੂੰ ਮਿਟਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਅੰਤ੍ਰਿਮ ਸਰਕਾਰ ਅੰਦਰ ਮੌਜੂਦ ਕੱਟੜਪੰਥੀ ਤਾਕਤਾਂ ਦਾ ਖੂਨੀ ਇਰਾਦਾ ਹੈ ਕਿ ਮੈਨੂੰ ਸਿਆਸੀ ਤਸਵੀਰ ਤੋਂ ਹਟਾਇਆ ਜਾਵੇ।”
“ਕਿਸੇ ਵੀ ਪ੍ਰਦਰਸ਼ਨਕਾਰੀ ਨੂੰ ਮਾਰਨ ਦਾ ਹੁਕਮ ਨਹੀਂ ਦਿੱਤਾ” Hasina ਨੇ ਆਪਣੇ ਖ਼ਿਲਾਫ਼ ਲੱਗੇ ਸਾਰੇ ਦੋਸ਼ਾਂ ਨੂੰ ਨਕਾਰਦਿਆਂ ਕਿਹਾ - “ਜੁਲਾਈ-ਅਗਸਤ 2024 'ਚ ਜੋ ਕੁਝ ਵੀ ਹੋਇਆ, ਉਸ 'ਤੇ ਮੈਨੂੰ ਡੂੰਘਾ ਦੁੱਖ ਹੈ, ਪਰ ਮੈਂ ਕਦੇ ਵੀ ਹਿੰਸਾ ਜਾਂ ਕਤਲ ਦਾ ਹੁਕਮ ਨਹੀਂ ਦਿੱਤਾ।”
ਉਨ੍ਹਾਂ ਦਾਅਵਾ ਕੀਤਾ ਕਿ ਗੈਰ-ਹਾਜ਼ਰੀ 'ਚ ਚਲ ਰਹੇ ਮੁਕੱਦਮੇ 'ਚ ਉਨ੍ਹਾਂ ਨੂੰ: ਆਪਣੀ ਪਸੰਦ ਦੇ ਵਕੀਲ ਰੱਖਣ ਦੀ ਇਜਾਜ਼ਤ ਨਹੀਂ ਮਿਲੀ, ਨਾ ਹੀ ਬਚਾਅ ਪੇਸ਼ ਕਰਨ ਦਾ ਪੂਰਾ ਮੌਕਾ।
ਹਸੀਨਾ ਨੇ ਅੰਤ੍ਰਿਮ ਸਰਕਾਰ ਨੂੰ ਚੁਣੌਤੀ ਦਿੱਤੀ ਕਿ ਜੇਕਰ ਉਹ ਸੱਚੇ ਹਨ, ਤਾਂ ਇਹ ਕੇਸ The Hague ਸਥਿਤ International Criminal Court (ICC) ਵਿੱਚ ਪੇਸ਼ ਕੀਤਾ ਜਾਵੇ।
ਉਨ੍ਹਾਂ ਕਿਹਾ— “ਉਹ ICC 'ਚ ਨਹੀਂ ਜਾਣਗੇ, ਕਿਉਂਕਿ ਉਨ੍ਹਾਂ ਨੂੰ ਪਤਾ ਹੈ ਕਿ ਮੈਂ ਬਰੀ ਹੋ ਜਾਵਾਂਗੀਂ ਅਤੇ ICC ਉਨ੍ਹਾਂ ਦੇ ਮਨੁੱਖੀ ਅਧਿਕਾਰ ਹਨਨ ਨੂੰ ਵੀ ਬੇਨਕਾਬ ਕਰ ਦੇਵੇਗੀ।”
ਯੂਨੁਸ ਸਰਕਾਰ 'ਤੇ ਗੰਭੀਰ ਦੋਸ਼
Hasina ਨੇ Dr. Mohammad Yunus ਦੀ ਅਗਵਾਈ ਵਾਲੀ ਸਰਕਾਰ 'ਤੇ ਸਖ਼ਤ ਪ੍ਰਹਾਰ ਕਰਦਿਆਂ ਕਿਹਾ ਕਿ:
ਦੇਸ਼ 'ਚ ਕਾਨੂੰਨ-ਵਿਵਸਥਾ ਠੱਪ ਹੈ,
ਘੱਟ-ਗਿਣਤੀਆਂ ਅਤੇ ਹਿੰਦੂ ਸਮਾਜ 'ਤੇ ਹਮਲੇ ਵਧ ਗਏ ਹਨ,
ਪੱਤਰਕਾਰਾਂ ਨੂੰ ਜੇਲ੍ਹਾਂ 'ਚ ਡਾਲਿਆ ਜਾ ਰਿਹਾ ਹੈ,
ਅਤੇ ਕਈ “ਅੱਤਵਾਦੀਆਂ” ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ।
ICT ਨੇ Hasina ਨੂੰ ਸਾਰੇ 5 ਦੋਸ਼ਾਂ ਵਿੱਚ ਦੋਸ਼ੀ ਕਰਾਰ ਦਿੱਤਾ:
ਢਾਕਾ 'ਚ ਪ੍ਰਦਰਸ਼ਨਕਾਰੀਆਂ ਦੀ ਵੱਡੇ ਪੱਧਰ 'ਤੇ ਹੱਤਿਆ
ਹੈਲੀਕਾਪਟਰ ਅਤੇ ਡਰੋਨ ਨਾਲ ਭੀੜ 'ਤੇ ਫਾਇਰਿੰਗ ਦਾ ਹੁਕਮ
ਵਿਦਿਆਰਥੀ ਕਾਰਕੁਨ Abu Sayed ਦੀ ਹੱਤਿਆ
Ashulia 'ਚ ਲਾਸ਼ਾਂ ਸਾੜ ਕੇ ਸਬੂਤ ਮਿਟਾਉਣਾ
Chankharpul 'ਚ ਪ੍ਰਦਰਸ਼ਨਕਾਰੀਆਂ ਦਾ ਕਤਲ
ਉਨ੍ਹਾਂ ਨਾਲ ਦੋ ਹੋਰ ਉੱਚ ਅਧਿਕਾਰੀ ਵੀ ਦੋਸ਼ੀ ਠਹਿਰਾਏ ਗਏ:
ਸਾਬਕਾ ਗ੍ਰਹਿ ਮੰਤਰੀ Asaduzzaman Khan Kamal
ਸਾਬਕਾ ਪੁਲਿਸ ਮੁਖੀ Chowdhury Abdullah Al-Mamun (ਜੋ ਹੁਣ ਵੀ ਹਿਰਾਸਤ 'ਚ ਹਨ)
Sheikh Hasina s Strong Statement On death Penalty Termed The Decision As A political Conspiracy
