February 28, 2026
Boliviaਭਿਆਨਕ ਜਹਾਜ਼ ਹਾਦਸਾ: ਹਾਈਵੇਅ 'ਤੇ ਡਿੱਗਿਆ ਫ਼ੌਜੀ ਜਹਾਜ਼, 15 ਮੌਤਾਂ
ਲਾ ਪਾਜ (ਬੋਲੀਵੀਆ): ਬੋਲੀਵੀਆ ਦੀ ਰਾਜਧਾਨੀ ਨੇੜੇ ਸ਼ੁੱਕਰਵਾਰ ਨੂੰ ਇੱਕ ਵੱਡਾ ਹਵਾਈ ਹਾਦਸਾ ਵਾਪਰਿਆ, ਜਿਸ ਵਿੱਚ ਘੱਟੋ-ਘੱਟ 15 ਲੋਕਾਂ ਦੀ ਜਾਨ ਚਲੀ ਗਈ। ਬੋਲੀਵੀਆ ਦੀ ਹਵਾਈ ਸੈਨਾ ਦਾ ਇੱਕ 'ਹਰਕੂਲਿਸ' ਕਾਰਗੋ ਜਹਾਜ਼ ਉਡਾਣ ਭਰਨ ਦੇ ਕੁਝ ਮਿੰਟਾਂ ਬਾਅਦ ਹੀ ਬੇਕਾਬੂ ਹੋ ਕੇ ਹਾਦਸਾਗ੍ਰਸਤ ਹੋ ਗਿਆ।
ਰਨਵੇਅ ਤੋਂ ਫਿਸਲ ਕੇ ਹਾਈਵੇਅ 'ਤੇ ਪਹੁੰਚਿਆ ਜਹਾਜ਼
ਮਿਲੀ ਜਾਣਕਾਰੀ ਅਨੁਸਾਰ, ਜਹਾਜ਼ ਰਨਵੇਅ ਤੋਂ ਫਿਸਲ ਕੇ ਐਲ ਆਲਟੋ ਸ਼ਹਿਰ ਦੇ ਇੱਕ ਵਿਅਸਤ ਹਾਈਵੇਅ 'ਤੇ ਜਾ ਡਿੱਗਿਆ। ਇਸ ਦੌਰਾਨ ਜਹਾਜ਼ ਨੇ ਸੜਕ 'ਤੇ ਚੱਲ ਰਹੀਆਂ ਲਗਭਗ 15 ਗੱਡੀਆਂ ਨੂੰ ਟੱਕਰ ਮਾਰ ਦਿੱਤੀ। ਅਧਿਕਾਰੀਆਂ ਮੁਤਾਬਕ ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਈ ਗੱਡੀਆਂ ਦੇ ਪਰਖੱਚੇ ਉੱਡ ਗਏ।
ਸੜਕ 'ਤੇ ਖਿੱਲਰੇ ਨੋਟਾਂ ਦੇ ਢੇਰ
ਇਹ ਜਹਾਜ਼ ਦੇਸ਼ ਦੇ ਕੇਂਦਰੀ ਬੈਂਕ ਤੋਂ ਨਵੇਂ ਛਪੇ ਨੋਟ ਲੈ ਕੇ ਦੂਜੇ ਸ਼ਹਿਰਾਂ ਵਿੱਚ ਜਾ ਰਿਹਾ ਸੀ। ਹਾਦਸੇ ਤੋਂ ਬਾਅਦ ਜਹਾਜ਼ ਦਾ ਮਲਬਾ ਅਤੇ ਕਰੋੜਾਂ ਦੀ ਨਕਦੀ ਹਾਈਵੇਅ 'ਤੇ ਖਿੱਲਰ ਗਈ। ਸੜਕ 'ਤੇ ਪੈਸੇ ਦੇਖ ਕੇ ਸਥਾਨਕ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ, ਜਿਨ੍ਹਾਂ ਨੂੰ ਹਟਾਉਣ ਲਈ ਪੁਲਿਸ ਨੂੰ ਸਖ਼ਤੀ ਵਰਤਣੀ ਪਈ। ਫਾਇਰ ਬ੍ਰਿਗੇਡ ਦੀਆਂ ਟੀਮਾਂ ਨੇ ਕਾਫੀ ਜੱਦੋ-ਜਹਿਦ ਤੋਂ ਬਾਅਦ ਜਹਾਜ਼ ਨੂੰ ਲੱਗੀ ਅੱਗ 'ਤੇ ਕਾਬੂ ਪਾਇਆ।
Horrific Plane Crash Military Plane Crashes On Highway 15 Dead
