ਫਲੋਰਿਡਾ (ਪੰਜਾਬੀ ਪਹਿਚਾਣ )ਪਿਛਲੇ ਸਾਲ ਫਲੋਰਿਡਾ ਟਰਨਪਾਈਕ ‘ਤੇ ਵਾਪਰੇ ਭਿਆਨਕ ਹਾਦਸੇ, ਜਿਸ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਸੀ, ਨਾਲ ਸੰਬੰਧਿਤ ਗਲਤ ਮੌਤ (Wrongful Death) ਦੇ ਮੁਕੱਦਮੇ ਵਿੱਚ ਹੁਣ ਬ੍ਰੋਕਰੇਜ ਕੰਪਨੀC.H. Robinson ਨੂੰ ਵੀ ਮੁਲਜ਼ਮ ਵਜੋਂ ਸ਼ਾਮਲ ਕੀਤਾ ਗਿਆ ਹੈ।

ਇਹ ਮੁਕੱਦਮਾ ਮ੍ਰਿਤਕਾ ਫਾਨੋਲੀਆ ਜੋਸਫ਼ ਦੀ ਜਾਇਦਾਦ ਦੇ ਪ੍ਰਤੀਨਿਧੀ ਯਾਨੀਏਲ ਕੈਂਟੇਲਾਰ ਵੱਲੋਂ ਸੇਂਟ ਲੂਸੀ ਕਾਊਂਟੀ, ਫਲੋਰਿਡਾ ਵਿੱਚ ਦਾਇਰ ਕੀਤਾ ਗਿਆ ਹੈ। ਮੁਕੱਦਮੇ ਵਿੱਚ ਟਰੱਕ ਡਰਾਈਵਰ ਹਰਜਿੰਦਰ ਸਿੰਘ, ਉਸਦੀ ਕੰਪਨੀWhite Hawk Carriers ਅਤੇ ਕੰਪਨੀ ਮੈਨੇਜਰ ਹਰਪ੍ਰੀਤ ਸਿੰਘ ਨੂੰ ਵੀ ਨਾਮਜ਼ਦ ਕੀਤਾ ਗਿਆ ਹੈ।

ਮੁਕੱਦਮੇ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿC.H. Robinson ਨੇWhite Hawk Carriers ਨੂੰ ਫਲਾਂ ਅਤੇ ਸਬਜ਼ੀਆਂ ਦੀ ਖੇਪ ਢੋਣ ਲਈ ਚੁਣਿਆ, ਜਦੋਂ ਕਿ ਕੰਪਨੀ ਦਾ ਸੁਰੱਖਿਆ ਰਿਕਾਰਡ ਪਹਿਲਾਂ ਹੀ ਚਿੰਤਾਜਨਕ ਸੀ। ਅਦਾਲਤੀ ਦਸਤਾਵੇਜ਼ਾਂ ਅਨੁਸਾਰWhite Hawk Carriers ਪਹਿਲਾਂ ਇੱਕ ਰਿਪੋਰਟ ਹੋਏ ਹਾਦਸੇ ਵਿੱਚ ਸ਼ਾਮਲ ਰਹੀ ਸੀ ਅਤੇ ਇਸਦੇ ਡਰਾਈਵਰਾਂ ਨੂੰ ਤੇਜ਼ ਰਫ਼ਤਾਰ, ਧਿਆਨ ਨਾ ਦੇ ਕੇ ਗੱਡੀ ਚਲਾਉਣ, ਗਲਤ ਲੇਨ ਬਦਲਣ ਅਤੇ ਘੰਟਿਆਂ ਦੀ ਸੇਵਾ (Hours of Service) ਨਿਯਮਾਂ ਦੀ ਉਲੰਘਣਾ ਲਈ ਕਈ ਵਾਰ ਨੋਟਿਸ ਜਾਰੀ ਹੋਏ ਸਨ। ਵਾਹਨਾਂ ਵਿੱਚ ਬ੍ਰੇਕਾਂ ਅਤੇ ਏਅਰ ਬ੍ਰੇਕ ਸਿਸਟਮ ਨਾਲ ਜੁੜੀਆਂ ਖਾਮੀਆਂ ਵੀ ਦਰਜ ਕੀਤੀਆਂ ਗਈਆਂ ਸਨ।

ਹਾਲਾਂਕਿC.H. Robinson ਨੇ ਇਹ ਦੋਸ਼ ਸਖ਼ਤੀ ਨਾਲ ਨਕਾਰ ਦਿੱਤੇ ਹਨ। ਕੰਪਨੀ ਨੇ ਬਿਆਨ ਜਾਰੀ ਕਰਕੇ ਕਿਹਾ ਕਿWhite Hawk Carriers ਕਈ ਸਾਲਾਂ ਤੋਂ ਉਸਦੀ ਮਨਜ਼ੂਰਸ਼ੁਦਾ ਕੈਰੀਅਰ ਸੂਚੀ ਵਿੱਚ ਨਹੀਂ ਸੀ ਅਤੇ 12 ਅਗਸਤ 2025 ਦੇ ਹਾਦਸੇ ਸਮੇਂ ਨਾ ਤਾਂ ਉਹ ਅਧਿਕਾਰਤ ਕੈਰੀਅਰ ਸੀ ਅਤੇ ਨਾ ਹੀ ਇਸ ਖੇਪ ਨੂੰC.H. Robinson ਨੇ ਬ੍ਰੋਕਰ ਕੀਤਾ ਸੀ।

ਕੰਪਨੀ ਨੇ ਕਿਹਾ ਕਿ ਸੜਕ ਹਾਦਸਿਆਂ ਨਾਲ ਪ੍ਰਭਾਵਿਤ ਸਾਰੇ ਪਰਿਵਾਰਾਂ ਪ੍ਰਤੀ ਉਸਦੀ ਡੂੰਘੀ ਸੰਵੇਦਨਾ ਹੈ ਅਤੇ ਸੁਰੱਖਿਆ ਉਸਦੇ ਕਾਰੋਬਾਰ ਦੀ ਮੁੱਖ ਤਰਜੀਹ ਹੈ।

ਦੂਜੇ ਪਾਸੇ, ਮੁਕੱਦਮੇ ਵਿੱਚ ਦਲੀਲ ਦਿੱਤੀ ਗਈ ਹੈ ਕਿFederal Motor Carrier Safety Administration (FMCSA) ਦੇSafety Measurement System ਵਿੱਚWhite Hawk Carriers ਦਾ ਸੁਰੱਖਿਆ ਰਿਕਾਰਡ ਜਨਤਕ ਤੌਰ ‘ਤੇ ਉਪਲਬਧ ਸੀ ਅਤੇC.H. Robinson ਨੂੰ ਇਸ ਬਾਰੇ ਜਾਣਕਾਰੀ ਹੋਣੀ ਚਾਹੀਦੀ ਸੀ।

ਮੁਕੱਦਮੇ ਵਿੱਚ ਹਰਜਿੰਦਰ ਸਿੰਘ ‘ਤੇ ਵੀ ਲਾਪਰਵਾਹੀ ਦੇ ਦੋਸ਼ ਲਗਾਏ ਗਏ ਹਨ। ਦਾਅਵਾ ਹੈ ਕਿ ਉਸਨੇ ਟਰੱਕ ਨੂੰ ਸੁਰੱਖਿਅਤ ਅਤੇ ਕਾਨੂੰਨੀ ਢੰਗ ਨਾਲ ਨਹੀਂ ਚਲਾਇਆ, ਜਿਸ ਕਾਰਨ ਹਾਦਸਾ ਵਾਪਰਿਆ।

White Hawk Carriers ਅਤੇ ਹਰਪ੍ਰੀਤ ਸਿੰਘ ਖ਼ਿਲਾਫ਼ ਵੀ ਲਾਪਰਵਾਹੀ ਦੇ ਦੋਸ਼ ਲਗਾਏ ਗਏ ਹਨ। ਮੁਕੱਦਮੇ ਅਨੁਸਾਰ ਕੰਪਨੀ ਨੇ ਹਰਜਿੰਦਰ ਸਿੰਘ ਦੀ ਪਿਛੋਕੜ, ਯੋਗਤਾਵਾਂ ਅਤੇ ਡਰਾਈਵਿੰਗ ਸਮਰੱਥਾ ਦੀ ਢੰਗ ਨਾਲ ਜਾਂਚ ਨਹੀਂ ਕੀਤੀ।

ਯਾਦ ਰਹੇ ਕਿ 12 ਅਗਸਤ 2025 ਨੂੰ ਫਲੋਰਿਡਾ ਟਰਨਪਾਈਕ ‘ਤੇ ਹਰਜਿੰਦਰ ਸਿੰਘ ਵੱਲੋਂ ਇੱਕ ਅਧਿਕਾਰਤ ਵਰਤੋਂ ਵਾਲੇ ਖੇਤਰ ਵਿੱਚ ਯੂ-ਟਰਨ ਲੈਣ ਕਾਰਨ ਮਿਨੀਵੈਨ ਟਰੱਕ ਨਾਲ ਟਕਰਾ ਗਈ ਸੀ। ਇਸ ਹਾਦਸੇ ਵਿੱਚ ਫਾਨੋਲੀਆ ਜੋਸਫ਼, ਹਰਬੀ ਡੁਫ੍ਰੇਨ ਅਤੇ ਰੋਡਰਿਗ ਡੋਰ ਦੀ ਮੌਤ ਹੋ ਗਈ ਸੀ।

ਹਾਦਸੇ ਤੋਂ ਬਾਅਦFMCSA ਅਤੇ ਹੋਰ ਏਜੰਸੀਆਂ ਨੇ ਗੈਰ-ਨਾਗਰਿਕCDL ਧਾਰਕਾਂ ਸਬੰਧੀ ਨਿਯਮਾਂ ਦੀ ਸਮੀਖਿਆ ਕੀਤੀ ਅਤੇ ਇਸ ਮਾਮਲੇ ਨੇ ਦੇਸ਼-ਪੱਧਰੀ ਚਰਚਾ ਨੂੰ ਜਨਮ ਦਿੱਤਾ।

ਮੁਕੱਦਮੇ ਵਿੱਚ ਮ੍ਰਿਤਕਾ ਫਾਨੋਲੀਆ ਜੋਸਫ਼ ਦੀ ਧੀ ਐਂਜਲਿਨ ਡੌਡਿਨ ਅਤੇ ਉਸਦੀ ਜਾਇਦਾਦ ਲਈ ਹਰਜਾਨੇ ਦੀ ਮੰਗ ਕੀਤੀ ਗਈ ਹੈ। ਮਾਮਲਾ ਅਜੇ ਅਦਾਲਤ ਵਿੱਚ ਵਿਚਾਰ ਅਧੀਨ ਹੈ ਅਤੇ ਦੋਸ਼ਾਂ ਬਾਰੇ ਅੰਤਿਮ ਫ਼ੈਸਲਾ ਅਜੇ ਨਹੀਂ ਆਇਆ।