LPG ਸਿਲੰਡਰ ਹੋਇਆ ਸਸਤਾ, ਵੇਖੋ ਤੁਹਾਡੇ ਸ਼ਹਿਰ 'ਚ ਕੀ ਹਨ ਨਵੇਂ Rate

ਨਵੀਂ ਦਿੱਲੀ, 1 ਨਵੰਬਰ 2025: ਮਹੀਨੇ ਦੀ ਸ਼ੁਰੂਆਤ ਆਮ ਜਨਤਾ ਲਈ ਮਿਲੇ-ਜੁਲੇ ਅਸਰ ਲੈ ਕੇ ਆਈ ਹੈ। ਸਰਕਾਰੀ ਆਇਲ ਕੰਪਨੀਆਂ—ਆਈਓਸੀ (IOC), ਐੱਚਪੀਸੀਐੱਲ (HPCL), ਤੇ ਬੀਪੀਸੀਐੱਲ (BPCL)—ਵੱਲੋਂ ਅੱਜ ਐਲਪੀਜੀ (LPG) ਤੇ ਹਵਾਈ ਈਂਧਨ (ATF) ਦੀਆਂ ਨਵੀਆਂ ਦਰਾਂ ਜਾਰੀ ਕੀਤੀਆਂ ਗਈਆਂ।

ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਤੇ ਐਲਪੀਜੀ ਦੀਆਂ ਕਿਮਤਾਂ ਘਟਣ ਕਾਰਨ ਕੰਪਨੀਆਂ ਨੇ ਵਪਾਰਕ ਸਿਲੰਡਰਾਂ ਦੀਆਂ ਕੀਮਤਾਂ ਵਿੱਚ ਰਾਹਤ ਦਿੱਤੀ ਹੈ। ਪਰ ਘਰੇਲੂ ਉਪਭੋਗਤਾਵਾਂ ਲਈ ਇਸ ਵਾਰ ਵੀ ਕੋਈ ਤਬਦੀਲੀ ਨਹੀਂ ਕੀਤੀ ਗਈ।

ਕਮਰਸ਼ੀਅਲ ਸਿਲੰਡਰ ਸਸਤਾ, ਘਰੇਲੂ ਰੇਟ ਵੱਜੋ ਹੀ ਰਹੇ

• ਕੰਪਨੀਆਂ ਨੇ 19 ਕਿਲੋ ਵਾਲੇ ਕਮਰਸ਼ੀਅਲ ਐਲਪੀਜੀ ਸਿਲੰਡਰ ਦੇ ਰੇਟ ਵਿੱਚ 5 ਰੁਪਏ ਦੀ ਕਮੀ ਕੀਤੀ ਹੈ।

• ਨਵੀਆਂ ਕੀਮਤਾਂ 1 ਨਵੰਬਰ ਤੋਂ ਲਾਗੂ ਹੋ ਚੁੱਕੀਆਂ ਹਨ।

• ਯਾਦ ਰਹੇ, 1 ਅਕਤੂਬਰ ਨੂੰ ਇਨ੍ਹਾਂ ਦੀ ਕੀਮਤ ਵਿੱਚ 15.50 ਰੁਪਏ ਦਾ ਵਾਧਾ ਹੋਇਆ ਸੀ।

• ਮਾਰਚ ਤੋਂ ਸਤੰਬਰ ਤੱਕ ਇਸ ਵਿੱਤੀ ਸਾਲ ਵਿੱਚ ਕਮਰਸ਼ੀਅਲ ਸਿਲੰਡਰਾਂ ਦੀ ਕੀਮਤਾਂ ਵਿੱਚ ਕੁੱਲ 223 ਰੁਪਏ ਤੱਕ ਦੀ ਕਮੀ ਆ ਚੁੱਕੀ ਹੈ।

ਘਰੇਲੂ ਸਿਲੰਡਰ ’ਤੇ ਕੋਈ ਤਬਦੀਲੀ ਨਹੀਂ

ਘਰਾਂ ਵਿੱਚ ਵਰਤੇ ਜਾਣ ਵਾਲੇ 14.2 ਕਿਲੋ ਵਾਲੇ ਸਿਲੰਡਰ ਦੀ ਕੀਮਤ ਲਗਾਤਾਰ ਸੱਤਵੇਂ ਮਹੀਨੇ ਲਈ ਜਿਉਂ ਦੀ ਤਿਉਂ ਬਰਕਰਾਰ ਹੈ। ਆਖ਼ਰੀ ਵਾਰ 8 ਅਪ੍ਰੈਲ ਨੂੰ ਦਰਾਂ 'ਚ ਤਬਦੀਲੀ ਕੀਤੀ ਗਈ ਸੀ।

ਵੱਖ-ਵੱਖ ਸ਼ਹਿਰਾਂ ਵਿੱਚ ਨਵੀਆਂ ਕੀਮਤਾਂ

ਕਮਰਸ਼ੀਅਲ ਸਿਲੰਡਰ (19 ਕਿਲੋ):

• ਦਿੱਲੀ – ₹1590.50 (ਪਹਿਲਾਂ ₹1595.50)

• ਕੋਲਕਾਤਾ – ₹1694.00

• ਮੁੰਬਈ – ₹1542.00

• ਚੇਨਈ – ₹1750.00

ਘਰੇਲੂ ਸਿਲੰਡਰ (14.2 ਕਿਲੋ):

• ਦਿੱਲੀ – ₹853

• ਕੋਲਕਾਤਾ – ₹879

• ਮੁੰਬਈ – ₹852.50

• LPG Cylinder Has Become Cheaper See What Are The New Rates In Your City