November 8, 2025
Varanasi ਵੰਦੇ ਭਾਰਤ ਦੀ ਨਵੀਂ ਲਹਿਰ — ਪ੍ਰਧਾਨ ਮੰਤਰੀ ਮੋਦੀ ਅੱਜ ਦੇਣਗੇ ਚਾਰ ਨਵੀਆਂ ਟਰੇਨਾਂ ਦਾ ਤੋਹਫ਼ਾ
ਰਿਪੋਰਟ: ਲਾਈਵ ਪੰਜਾਬੀ ਟੀਵੀ ਬਿਊਰੋ
ਵਾਰਾਣਸੀ, 8 ਨਵੰਬਰ 2025 : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਆਪਣੇ ਸੰਸਦੀ ਇਲਾਕੇ ਵਾਰਾਣਸੀ ਦੇ ਦੌਰੇ 'ਤੇ ਹਨ, ਜਿੱਥੇ ਉਹ ਦੇਸ਼ ਨੂੰ ਇੱਕ ਵੱਡੀ ਯਾਤਰਾ ਸੌਗਾਤ ਦੇਣ ਜਾ ਰਹੇ ਹਨ। ਮੋਦੀ ਸਵੇਰੇ 8 ਵਜੇ ਬਨਾਰਸ ਰੇਲਵੇ ਸਟੇਸ਼ਨ ਤੋਂ ਚਾਰ ਨਵੀਆਂ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨਾਂ ਨੂੰ ਹਰੀ ਝੰਡੀ ਦੇਣਗੇ। ਇਹ ਪ੍ਰੋਗਰਾਮ ਉੱਤਰ-ਪੂਰਬੀ ਰੇਲਵੇ ਦੇ ਤਹਿਤ ਹੋ ਰਿਹਾ ਹੈ ਅਤੇ ਸੁਰੱਖਿਆ ਲਈ SPG ਸਮੇਤ ਬਹੁਤ ਕੜੇ ਇੰਤਜ਼ਾਮ ਕੀਤੇ ਗਏ ਹਨ।
ਰੇਲ ਮੰਤਰੀ ਨੇ ਰਾਤੋਂ-ਰਾਤ ਲਿਆ ਤਿਆਰੀਆਂ ਦਾ ਜਾਇਜ਼ਾ
ਮੁੱਖ ਸਮਾਰੋਹ ਤੋਂ ਪਹਿਲਾਂ ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਸ਼ੁੱਕਰਵਾਰ ਦੇਰ ਰਾਤ ਵਾਰਾਣਸੀ ਦੇ ਬਨਾਰਸ ਸਟੇਸ਼ਨ ਪਹੁੰਚੇ ਅਤੇ ਤਿਆਰੀਆਂ ਦੀ ਵਿਸਤ੍ਰਿਤ ਸਮੀਖਿਆ ਕੀਤੀ। ਅੱਜ ਦੇ ਇਸ ਪ੍ਰੋਗਰਾਮ ਵਿੱਚ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ, ਰਾਜਪਾਲ ਆਨੰਦੀਬੇਨ ਪਟੇਲ ਅਤੇ ਰੇਲਵੇ ਬੋਰਡ ਦੇ ਚੇਅਰਮੈਨ ਸਤੀਸ਼ ਕੁਮਾਰ ਵੀ ਮੌਜੂਦ ਰਹਿਣਗੇ।
ਪ੍ਰਧਾਨ ਮੰਤਰੀ ਦਾ ਦੌਰਾ ਅਤੇ ਸੁਰੱਖਿਆ ਪ੍ਰਬੰਧ
ਮੋਦੀ ਸ਼ੁੱਕਰਵਾਰ ਸ਼ਾਮ ਨੂੰ ਹੀ ਵਾਰਾਣਸੀ ਪਹੁੰਚ ਗਏ ਸਨ। ਏਅਰਪੋਰਟ ਤੋਂ ਲੈ ਕੇ ਬਰੇਕਾ ਗੈਸਟ ਹਾਊਸ ਤੱਕ ਉਨ੍ਹਾਂ ਦੇ ਕਾਫਲੇ ਦੀ ਚਲ੍ਹ ਹਮੇਸ਼ਾ ਵਾਂਗ ਸਖ਼ਤ ਸੁਰੱਖਿਆ ਰਿੰਗ ਨਾਲ ਕਵਰ ਰਹੀ। ਸਥਾਨਕ ਪ੍ਰਸ਼ਾਸਨ ਨੇ ਸ਼ਹਿਰ ਦੇ ਮੁੱਖ ਚੌਕਾਂ ਅਤੇ ਸੜਕਾਂ 'ਤੇ ਆਵਾਜਾਈ ਦੀ ਖ਼ਾਸ ਨਿਗਰਾਨੀ ਕੀਤੀ।
ਚਾਰ ਨਵੇਂ ਰੂਟਾਂ 'ਤੇ ਦੌੜਣਗੀਆਂ ਵੰਦੇ ਭਾਰਤ ਟਰੇਨਾਂ
ਨਵੀਆਂ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨਾਂ ਦਾ ਉਦੇਸ਼ ਉੱਤਰ, ਮੱਧ ਅਤੇ ਦੱਖਣੀ ਭਾਰਤ ਦੇ ਮਹੱਤਵਪੂਰਨ ਸ਼ਹਿਰਾਂ ਨੂੰ ਤੇਜ਼ ਰਫ਼ਤਾਰ ਨਾਲ ਜੋੜਨਾ ਹੈ।
1. ਬਨਾਰਸ–ਖਜੁਰਾਹੋ ਰੂਟ:
ਇਹ ਟਰੇਨ ਵਾਰਾਣਸੀ, ਪ੍ਰਯਾਗਰਾਜ ਅਤੇ ਚਿਤਰਕੂਟ ਵਰਗੇ ਧਾਰਮਿਕ ਸਥਾਨਾਂ ਨੂੰ ਜੋੜੇਗੀ, ਜਿਸ ਨਾਲ ਯਾਤਰਾ ਸੁਵਿਧਾ ਵਧੇਗੀ ਅਤੇ ਆਧਿਆਤਮਿਕ ਟੂਰਿਜ਼ਮ ਨੂੰ ਬੁੱਧ ਮਿਲੇਗਾ।
2. ਲਖਨਊ–ਸਹਾਰਨਪੁਰ ਰੂਟ:
ਇਸ ਰੂਟ ਦੀ ਟਰੇਨ ਲਖਨਊ, ਬਰੇਲੀ ਤੇ ਮੁਰਾਦਾਬਾਦ ਰਾਹੀਂ ਸਹਾਰਨਪੁਰ ਤੱਕ ਸਿਰਫ਼ 7 ਘੰਟੇ 45 ਮਿੰਟ 'ਚ ਪੁੱਜੇਗੀ, ਜੋ ਇਸ ਖੇਤਰ ਦੇ ਵਪਾਰੀ ਤੇ ਦਫ਼ਤਰੀ ਯਾਤਰੀਆਂ ਲਈ ਵੱਡੀ ਰਾਹਤ ਹੋਵੇਗੀ।
3. ਫਿਰੋਜ਼ਪੁਰ–ਦਿੱਲੀ ਰੂਟ:
ਪੰਜਾਬ ਅਤੇ ਦਿੱਲੀ ਦਰਮਿਆਨ ਚੱਲਣ ਵਾਲੀ ਇਹ ਟਰੇਨ ਸਿਰਫ਼ 6 ਘੰਟੇ 40 ਮਿੰਟ ਵਿੱਚ ਯਾਤਰਾ ਪੂਰੀ ਕਰੇਗੀ। ਇਸ ਨਾਲ ਬਠਿੰਡਾ, ਪਟਿਆਲਾ ਅਤੇ ਸਰਹੱਦੀ ਇਲਾਕਿਆਂ ਨੂੰ ਰਾਜਧਾਨੀ ਨਾਲ ਤੇਜ਼ੀ ਨਾਲ ਜੋੜਨ ਦਾ ਮੌਕਾ ਮਿਲੇਗਾ।
4. ਐਰਨਾਕੁਲਮ–ਬੈੰਗਲੋਰ ਰੂਟ:
ਦੱਖਣੀ ਭਾਰਤ ਦੀ ਇਹ ਵੰਦੇ ਭਾਰਤ ਟਰੇਨ ਕੋਚੀ ਅਤੇ ਬੈੰਗਲੋਰ ਸਮੇਤ ਮੁੱਖ IT ਅਤੇ ਉਦਯੋਗਿਕ ਕੇਂਦਰਾਂ ਨੂੰ ਜੋੜੇਗੀ। ਯਾਤਰਾ ਦਾ ਸਮਾਂ 2 ਘੰਟੇ ਘਟਾ ਕੇ 8 ਘੰਟੇ 40 ਮਿੰਟ ਰਹਿ ਜਾਵੇਗਾ।
“ਵਿਕਸਿਤ ਭਾਰਤ” ਵੱਲ ਤੇਜ਼ ਕਦਮ
ਇਹ ਚਾਰ ਨਵੀਆਂ ਟਰੇਨਾਂ ਦੇ ਸ਼ੁਭਾਰੰਭ ਨਾਲ ਨਾ ਸਿਰਫ਼ ਯਾਤਰਾ ਦੀ ਗਤੀ ਵਧੇਗੀ, ਸਗੋਂ ਆਰਥਿਕ ਗਤੀਵਿਧੀਆਂ ਅਤੇ ਰੁਜ਼ਗਾਰ ਮੌਕਿਆਂ ਵਿੱਚ ਵੀ ਤੇਜ਼ੀ ਆਵੇਗੀ। ਕੇਂਦਰ ਸਰਕਾਰ ਦਾ ਇਹ ਕਦਮ “ਮੇਕ ਇਨ ਇੰਡੀਆ” ਮਿਸ਼ਨ ਅਤੇ “ਵਿਕਸਿਤ ਭਾਰਤ 2047” ਦੇ ਟੀਚਿਆਂ ਵੱਲ ਇੱਕ ਹੋਰ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ।
New Wave Of Vande Bharat Prime Minister Modi Will Gift Four New Trains Today
