November 8, 2025
New Delhiਦਿੱਲੀ 'ਚ Metro Station ਨੇੜੇ ਲੱਗੀ ਅੱ*ਗ, 15 ਗੱਡੀਆਂ ਪਹੁੰਚੀਆਂ ਮੌਕੇ 'ਤੇ
ਲਾਈਵ ਪੰਜਾਬੀ ਟੀਵੀ ਬਿਊਰੋ
ਦਿੱਲੀ, 8 ਨਵੰਬਰ 2025 : ਦਿੱਲੀ ਦੇ ਰੋਹਿਣੀ ਇਲਾਕੇ ਦੇ ਰਿਠਾਲਾ ਮੈਟਰੋ ਸਟੇਸ਼ਨ ਦੇ ਨੇੜੇ ਸ਼ੁੱਕਰਵਾਰ ਰਾਤ ਨੂੰ ਇੱਕ ਭਿਆਨਕ ਅੱਗ ਦੀ ਘਟਨਾ ਵਾਪਰੀ। ਇਸ ਅੱਗ ਨੇ ਜਿੱਥੇ ਕਈ ਝੋਪੜੀਆਂ ਨੂੰ ਨੁਕਸਾਨ ਪੁਚਾਇਆ, ਉੱਥੇ ਅੱਗ ਬੇਕਾਬੂ ਹੋਣ ਕਾਰਨ 15 ਫਾਇਰ ਇੰਜਣ ਮੌਕੇ 'ਤੇ ਤੁਰੰਤ ਪਹੁੰਚ ਗਏ। ਇਕ ਛੋਟਾ ਬੱਚਾ ਵੀ ਇਸ ਹਾਦਸੇ ਵਿੱਚ ਜ਼ਖਮੀ ਹੋ ਗਿਆ ਹੈ।
LPG ਸਿਲੰਡਰਾਂ ਦੇ ਧਮਾਕੇ ਕਾਰਨ ਹਾਲਾਤ ਹੋਏ ਨਾਜੁਕ
ਅੱਗ ਲੱਗਣ ਦੀ ਜਾਣਕਾਰੀ ਰਾਤ 10:56 ਵਜੇ ਪੁਲਿਸ ਨੂੰ ਮਿਲੀ। ਅੱਗ ਦੇ ਤੀਬਰ ਹੋਣ ਦਾ ਮੁੱਖ ਕਾਰਨ ਝੋਪੜੀਆਂ ਵਿੱਚ ਰੱਖੇ ਕਈ LPG ਸਿਲੰਡਰਾਂ ਦੇ ਇੱਕ-ਇੱਕ ਕਰਕੇ ਫਟਣਾ ਸੀ, ਜਿਸਨੇ ਅੱਗ ਨੂੰ ਹੋਰ ਵਧਾ ਦਿੱਤਾ। ਇਨ੍ਹਾਂ ਧਮਾਕਿਆਂ ਨੇ ਇਲਾਕੇ ਵਿੱਚ ਕਹਿਰ ਮਚਾ ਦਿੱਤਾ ਅਤੇ ਲੋਕਾਂ ਵਿੱਚ ਭਾਰੀ ਦਹਿਸ਼ਤ ਫੈਲ ਗਈ।
ਮੌਕੇ ਤੇ ਹਫੜਾ-ਦਫੜੀ ਅਤੇ ਲੋਕਾਂ ਦੀ ਭੱਜਦੋੜ
ਧੁੰਦਲੇ ਧੂਏਂ ਨੇ ਪੂਰੇ ਇਲਾਕੇ ਨੂੰ ਘੇਰਿਆ ਹੋਇਆ ਸੀ। ਲੋਕ ਆਪਣੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਜਲਦੀ-ਜਲਦੀ ਸੁਰੱਖਿਅਤ ਜਗ੍ਹਾਂ ਵੱਲ ਰੁਖ ਕਰ ਰਹੇ ਸਨ। ਇਨ੍ਹਾ ਦੀ ਅਚਾਨਕ ਭੱਜਦੋੜ ਕਾਰਨ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ।
ਅੱਗ 'ਤੇ ਕਾਬੂ ਲਈ ਫਾਇਰਬ੍ਰਿਗੇਡ ਦੀ ਤਤਪਰਤਾ
ਫਾਇਰਬ੍ਰਿਗੇਡ ਦੀਆਂ ਟੀਮਾਂ ਨੇ ਬੜੀ ਮਹਨਤ ਨਾਲ ਕਈ ਘੰਟਿਆਂ ਦੀ ਮਿਹਨਤ ਕਰਕੇ ਅੱਗ 'ਤੇ ਪੂਰੀ ਤਰ੍ਹਾਂ ਕਾਬੂ ਪਾ ਲਿਆ। ਪੁਲਿਸ ਨੇ ਇਲਾਕੇ ਨੂੰ ਘੇਰਿਆ ਅਤੇ ਘਟਨਾ ਸਬੰਧੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜ਼ਖਮੀ ਬੱਚੇ ਨੂੰ ਤੁਰੰਤ ਹਸਪਤਾਲ ਵਿੱਚ ਭੇਜਿਆ ਗਿਆ ਹੈ ਜਿੱਥੇ ਉਸ ਦਾ ਇਲਾਜ ਜਾਰੀ ਹੈ।
Fire Breaks Out Near Delhi Metro Station 15 Vehicles Rushed To The Spot
