November 13, 2025
New DelhiHighway Alert : 15 ਨਵੰਬਰ ਤੋਂ ਬਦਲੇਗਾ ਟੋਲ ਪਲਾਜ਼ਾ ਦਾ ਇਹ ਨਿਯਮ, ਪੜ੍ਹੋ....
ਨਵੀਂ ਦਿੱਲੀ, 13 ਨਵੰਬਰ 2025: ਜੇ ਤੁਸੀਂ ਹਾਈਵੇ 'ਤੇ ਅਕਸਰ ਯਾਤਰਾ ਕਰਦੇ ਹੋ, ਤਾਂ 15 ਨਵੰਬਰ ਤੋਂ ਲਾਗੂ ਹੋਣ ਵਾਲਾ ਨਵਾਂ ਨਿਯਮ ਤੁਹਾਡੇ ਲਈ ਬਹੁਤ ਜ਼ਰੂਰੀ ਹੈ। ਕੇਂਦਰ ਸਰਕਾਰ ਨੇ “ਰਾਸ਼ਟਰੀ ਹਾਈਵੇ ਫੀਸ ਨਿਯਮ, 2008” ਵਿੱਚ ਸੋਧ ਕਰਕੇ ਟੋਲ ਭੁਗਤਾਨ ਦੇ ਨਿਯਮ ਬਦਲ ਦਿੱਤੇ ਹਨ। ਇਸ ਸੋਧ ਤਹਿਤ ਹੁਣ ਨਕਦ ਚੁਕਤਾ ਕਰਨ ਵਾਲਿਆਂ ਨੂੰ ਭਾਰੀ ਰਕਮ ਦੇਣੀ ਪਵੇਗੀ, ਜਦਕਿ ਡਿਜ਼ੀਟਲ ਭੁਗਤਾਨ ਕਰਨ ਵਾਲਿਆਂ ਨੂੰ ਰਾਹਤ ਮਿਲੇਗੀ।
FASTag ਬਿਨਾਂ ਦੇਣਾ ਪਵੇਗਾ ‘ਦੁੱਗਣਾ’ ਟੋਲ
ਮੰਤਰਾਲੇ ਦੀ ਨਵੀਂ ਗਾਈਡਲਾਈਨ ਮੁਤਾਬਕ, ਜੇ ਕੋਈ ਵਾਹਨ ਬਿਨਾਂ ਵੈਧ FASTag ਦੇ ਟੋਲ ਪਲਾਜ਼ਾ ਵਿੱਚ ਦਾਖਲ ਹੁੰਦਾ ਹੈ, ਤਾਂ ਉਸ ਨੂੰ ਆਮ ਟੋਲ ਦਰ ਦਾ ਦੁੱਗਣਾ ਫੀਸ ਦੇਣੀ ਪਵੇਗੀ।
ਨਿਯਮ ਨੂੰ ਆਸਾਨ ਸ਼ਬਦਾਂ ਵਿੱਚ ਸਮਝੋ
ਮੰਨ ਲਓ ਕਿਸੇ ਰਸਤੇ ਦਾ ਆਮ ਟੋਲ ₹100 ਹੈ:
ਕੇਸ 1: FASTag ਹੈ : ਵੈਧ FASTag ਹੋਣ ‘ਤੇ ਤੁਸੀਂ ₹100 ਹੀ ਭਰੋਗੇ।
ਕੇਸ 2: FASTag ਨਹੀਂ / ਫੇਲ ਹੋ ਗਿਆ — ਨਕਦ ਭੁਗਤਾਨ : ਜੇ FASTag ਨਹੀਂ ਹੈ ਅਤੇ ਤੁਸੀਂ ਨਕਦ ਭੁਗਤਾਨ ਕਰਦੇ ਹੋ, ਤਾਂ ₹200 (ਦੁੱਗਣਾ) ਲੱਗੇਗਾ।
ਕੇਸ 3: FASTag ਫੇਲ, ਪਰ Digital Payment : ਜੇ FASTag ਕੰਮ ਨਹੀਂ ਕਰ ਰਿਹਾ, ਅਤੇ ਤੁਸੀਂ UPI/ਕਾਰਡ/ਨੈੱਟਬੈਂਕਿੰਗ ਵਰਗੇ ਡਿਜ਼ੀਟਲ ਮਾਧਿਅਮ ਨਾਲ ਭੁਗਤਾਨ ਕਰਦੇ ਹੋ, ਤਾਂ ਤੁਸੀਂ ਕੇਵਲ 1.25 ਗੁਣਾ, ਯਾਨੀ ₹125 ਹੀ ਭਰੋਗੇ।
ਅਰਥਾਤ — ਨਕਦ ਦੀ ਸਜ਼ਾ, ਡਿਜ਼ੀਟਲ ਲਈ ਰਾਹਤ।
ਸਰਕਾਰ ਦਾ ਕਹਿਣਾ: ਨਕਦ ਘਟੇਗਾ, ਯਾਤਰਾ ਤੇਜ਼ ਹੋਵੇਗੀ
ਮੰਤਰਾਲੇ ਨੇ ਕਿਹਾ ਹੈ ਕਿ ਇਹ ਨਵਾਂ ਨਿਯਮ:
1. ਟੋਲ ਪਲਾਜ਼ਾ ‘ਤੇ ਪਾਰਦਰਸ਼ਤਾ ਵਧਾਉਣ,
2, ਕੈਸ਼ ਲੈਣ-ਦੇਣ ਘਟਾਉਣ,
3. ਅਤੇ Digital India ਨੂੰ ਮਜ਼ਬੂਤ ਕਰਨ ਲਈ ਲਿਆਂਦਾ ਗਿਆ ਹੈ।
ਇਸ ਨਾਲ ਟੋਲ ਪਲਾਜ਼ਾ ‘ਤੇ ਲੰਬੀਆਂ ਲਾਈਨਾਂ ਵਿੱਚ ਵੀ ਕਮੀ ਆਉਣ ਦੀ ਉਮੀਦ ਹੈ।
ਜਲਦ ਹੀ GPS-ਆਧਾਰਿਤ ਟੋਲ
ਸਰਕਾਰ ਭਵਿੱਖ ਵਿੱਚ ਟੋਲ ਸਿਸਟਮ ਨੂੰ ਪੂਰੀ ਤਰ੍ਹਾਂ ਆਟੋਮੈਟਿਕ ਅਤੇ GPS-ਬੇਸਡ ਬਣਾਉਣ ਦੀ ਤਿਆਰੀ ਕਰ ਰਹੀ ਹੈ। ਇਸਦੇ ਬਾਅਦ ਟੋਲ ਵਾਹਨ ਦੀ ਯਾਤਰਾ ਕੀਤੀ ਗਈ ਦੂਰੀ ਅਨੁਸਾਰ ਕਟਿਆ ਜਾਵੇਗਾ।
Highway Alert This Toll Plaza Rule Will Change From November 15 Read
