November 17, 2025
New Delhiਭਾਰਤ-ਅਮਰੀਕਾ ਵਿਚਾਲੇ ਹੋਈ ਵੱਡੀ ਡੀਲ, ਮੰਤਰੀ ਹਰਦੀਪ ਪੁਰੀ ਦਾ ਵੱਡਾ ਐਲਾਨ, ਪੜ੍ਹੋ ਪੂਰੀ ਖ਼ਬਰ
ਨਵੀਂ ਦਿੱਲੀ, 17 ਨਵੰਬਰ, 2025 : ਭਾਰਤ ਨੇ ਆਪਣੀ ਊਰਜਾ ਸਪਲਾਈ ਨੂੰ ਹੋਰ ਮਜ਼ਬੂਤ ਬਣਾਉਣ ਵੱਲ ਵੱਡਾ ਕਦਮ ਚੁੱਕਦਿਆਂ, ਇਤਿਹਾਸ 'ਚ ਪਹਿਲੀ ਵਾਰ ਸੰਯੁਕਤ ਰਾਜ ਅਮਰੀਕਾ ਤੋਂ LPG ਆਯਾਤ ਕਰਨ ਲਈ ਇੱਕ ਖ਼ਾਸ ਸਮਝੌਤਾ ਕੀਤਾ ਹੈ। ਕੇਂਦਰੀ ਪੈਟਰੋਲੀਅਮ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਐਲਾਨ ਕੀਤਾ ਕਿ ਭਾਰਤ ਦੀਆਂ ਸਰਕਾਰੀ ਤੇਲ ਕੰਪਨੀਆਂ ਨੇ 2.2 ਮਿਲੀਅਨ ਟਨ LPG ਆਯਾਤ ਲਈ ਇੱਕ ਸਾਲ ਦਾ ਠੇਕਾ ਤੈਅ ਕਰ ਲਿਆ ਹੈ।
“ਅਮਰੀਕਾ ਲਈ ਖੁੱਲ੍ਹਿਆ ਭਾਰਤ ਦਾ ਵੱਡਾ LPG ਬਾਜ਼ਾਰ”
ਮੰਤਰੀ ਹਰਦੀਪ ਪੁਰੀ ਨੇ ਸੋਸ਼ਲ ਮੀਡੀਆ 'X' 'ਤੇ ਜਾਣਕਾਰੀ ਸਾਂਝੀ ਕਰਦਿਆਂ ਲਿਖਿਆ ਕਿ ਭਾਰਤ ਦੁਨੀਆ ਦੇ ਸਭ ਤੋਂ ਤੇਜ਼ੀ ਨਾਲ ਵਧਦੇ LPG ਬਾਜ਼ਾਰਾਂ 'ਚੋਂ ਇੱਕ ਹੈ ਅਤੇ ਹੁਣ ਪਹਿਲੀ ਵਾਰ ਅਮਰੀਕੀ LPG ਲਈ ਦਰਵਾਜ਼ੇ ਖੋਲ੍ਹੇ ਗਏ ਹਨ।
ਉਹਨਾਂ ਦੱਸਿਆ ਕਿ PSU ਕੰਪਨੀਆਂ ਵੱਲੋਂ ਕੀਤਾ ਗਿਆ ਇਹ 2.2 MTPA ਦਾ ਸੌਦਾ ਭਾਰਤ ਦੇ ਸਾਲਾਨਾ LPG ਆਯਾਤ ਦਾ ਲਗਭਗ 10% ਹੈ।
ਅਮਰੀਕੀ Gulf Coast ਤੋਂ ਆਵੇਗੀ LPG
ਇਹ ਸੌਦਾ Mount Bellevue ਬੈਂਚਮਾਰਕ ਅਧਾਰਿਤ ਹੈ ਅਤੇ LPG ਦੀ ਸਪਲਾਈ ਅਮਰੀਕਾ ਦੀ Gulf Coast ਤੋਂ ਕੀਤੀ ਜਾਵੇਗੀ।
IOC, BPCL ਅਤੇ HPCL ਦੇ ਅਧਿਕਾਰੀਆਂ ਨੇ ਪਿਛਲੇ ਕੁਝ ਮਹੀਨਿਆਂ ਦੌਰਾਨ ਅਮਰੀਕੀ ਪ੍ਰੋਡਿਊਸਰਾਂ ਨਾਲ ਲਗਾਤਾਰ ਗੱਲਬਾਤ ਕੀਤੀ ਸੀ, ਜਿਸਦਾ ਨਤੀਜਾ ਹੁਣ ਇਸ ਸਮਝੌਤੇ ਦੇ ਰੂਪ 'ਚ ਸਾਹਮਣੇ ਆਇਆ ਹੈ।
60% ਵਧੀਆਂ ਆਲਮੀ ਕੀਮਤਾਂ ਦੇ ਬਾਵਜੂਦ ਗ੍ਰਾਹਕਾਂ ਨੂੰ ਰਾਹਤ
ਪੁਰੀ ਨੇ ਦੱਸਿਆ ਕਿ ਪਿਛਲੇ ਸਾਲ ਜਦੋਂ LPG ਦੀਆਂ ਆਲਮੀ ਕੀਮਤਾਂ ਵਿੱਚ 60% ਤੱਕ ਵਾਧਾ ਹੋਇਆ ਸੀ, ਉਸ ਵੇਲੇ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਉੱਜਵਲਾ ਯੋਜਨਾ ਦੇ ਲਾਭਪਾਤਰੀਆਂ ਨੂੰ ਸਿਰਫ਼ 500–550 ਰੁਪਏ 'ਚ ਹੀ ਸਿਲੰਡਰ ਮਿਲਦਾ ਰਿਹਾ।
ਸਰਕਾਰ ਨੇ ਗ੍ਰਾਹਕਾਂ 'ਤੇ ਵਾਧੂ ਬੋਝ ਨਾ ਪਏ, ਇਸ ਲਈ 40,000 ਕਰੋੜ ਰੁਪਏ ਤੋਂ ਵੱਧ ਦੀ ਸਹਾਇਤਾ ਦਿੱਤੀ।
ਇਹ ਨਵਾਂ ਸੌਦਾ LPG ਦੀਆਂ ਸਪਲਾਈਆਂ ਨੂੰ ਵਿਭਿੰਨ ਬਣਾਉਣ (diversify) ਅਤੇ ਭਾਰਤ ਦੀ ਊਰਜਾ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਕਰਨ ਵੱਲ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ।
Big Deal Between India And America Big Announcement By Minister Hardeep Puri Read The Full News
