Bihar: ਨਿਤੀਸ਼ ਕੁਮਾਰ ਅੱਜ ਲੈਣਗੇ 10ਵੀਂ ਵਾਰ CM ਦੀ ਸਹੁੰ, PM ਮੋਦੀ ਸਣੇ ਕਈ ਰਾਜਾਂ ਦੇ ਮੁੱਖ ਮੰਤਰੀ ਹੋਣਗੇ ਹਾਜ਼ਰ

ਪਟਨਾ, 20 ਨਵੰਬਰ, 2025 : ਬਿਹਾਰ ਦੀ ਰਾਜਨੀਤੀ ਅੱਜ ਇਕ ਵਾਰ ਫਿਰ ਇਤਿਹਾਸ ਬਣਾਉਣ ਜਾ ਰਹੀ ਹੈ। ਜੇਡੀਯੂ (JD-U) ਦੇ ਸਰਪ੍ਰਸਤ ਨਿਤੀਸ਼ ਕੁਮਾਰ ਦਸਵੀਂ ਵਾਰ ਮੁੱਖ ਮੰਤਰੀ ਦਾ ਅਹੁਦਾ ਸੰਭਾਲਣ ਲਈ ਸਹੁੰ ਚੁੱਕਣਗੇ। ਇਹ ਸਮਾਗਮ ਪਟਨਾ ਦੇ ਪ੍ਰਸਿੱਧ ਗਾਂਧੀ ਮੈਦਾਨ ਵਿੱਚ ਕਰਵਾਇਆ ਜਾ ਰਿਹਾ ਹੈ।

ਸਵੇਰੇ 11:30 ਵਜੇ ਸ਼ੁਰੂ ਹੋਣ ਵਾਲੇ ਸ਼ਪਥ ਸਮਾਰੋਹ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਸਮੇਤ ਦੇਸ਼ ਦੇ ਕਈ ਮੁੱਖ ਮੰਤਰੀ ਸ਼ਿਰਕਤ ਕਰਨਗੇ। ਨਿਤੀਸ਼ ਕੁਮਾਰ ਨਾਲ ਐਨਡੀਏ ਗਠਜੋੜ ਦੇ ਨਵੇਂ ਮੰਤਰੀ ਵੀ ਮੰਤਰੀ ਪਦ ਦੀ ਸਹੁੰ ਲੈਣਗੇ।

PM ਮੋਦੀ ਅਤੇ 16 ਮੁੱਖ ਮੰਤਰੀ ਪਹੁੰਚਣਗੇ ਗਾਂਧੀ ਮੈਦਾਨ

ਪ੍ਰਧਾਨ ਮੰਤਰੀ ਮੋਦੀ ਸਵੇਰੇ 10:45 ਵਜੇ ਹੈਲੀਕਾਪਟਰ ਰਾਹੀਂ ਪਟਨਾ ਪਹੁੰਚਣਗੇ। ਇਸ ਸਮਾਗਮ ਵਿੱਚ ਯੋਗੀ ਆਦਿਤਿਆਨਾਥ, ਮੋਹਨ ਯਾਦਵ, ਭਜਨਲਾਲ ਸ਼ਰਮਾ, ਦੇਵੇਂਦਰ ਫੜਨਵੀਸ ਸਮੇਤ 16 ਰਾਜਾਂ ਦੇ ਮੁੱਖ ਮੰਤਰੀ ਵੀ ਹਾਜ਼ਰੀ ਲਗਾਉਣਗੇ।
ਗਾਂਧੀ ਮੈਦਾਨ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ SPG ਨੇ ਸੰਭਾਲੀ ਹੈ, ਜਦਕਿ ਵੀਵੀਆਈਪੀ ਪ੍ਰਵੇਸ਼ ਲਈ ਗੇਟ ਨੰਬਰ 1 ਸਿਰਫ਼ ਵਿਸ਼ੇਸ਼ ਮਹਿਮਾਨਾਂ ਲਈ ਰਾਖਵਾਂ ਕੀਤਾ ਗਿਆ ਹੈ।

ਭੀੜ ਦਾ ਵੱਡਾ ਇਕੱਠ ਅਤੇ ਰਾਜ ਭਵਨ 'ਚ ਭੋਜ

ਐਨਡੀਏ ਇਸ ਸ਼ਪਥ ਸਮਾਰੋਹ ਨੂੰ ਸ਼ਕਤੀ ਪ੍ਰਦਰਸ਼ਨ ਦੇ ਤੌਰ 'ਤੇ ਦੇਖ ਰਿਹਾ ਹੈ। ਅਨੁਮਾਨ ਹੈ ਕਿ ਮੈਦਾਨ ਵਿੱਚ 3 ਲੱਖ ਤੋਂ ਵੱਧ ਲੋਕ ਇਕੱਠੇ ਹੋ ਸਕਦੇ ਹਨ। ਹਰ ਵਿਧਾਇਕ ਨੂੰ ਆਪਣੇ ਇਲਾਕੇ ਤੋਂ ਲਗਭਗ 5 ਹਜ਼ਾਰ ਲੋਕ ਲਿਆਉਣ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।
ਸਹੁੰ ਚੁੱਕਣ ਤੋਂ ਬਾਅਦ, ਰਾਜ ਭਵਨ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਦੇ ਸਨਮਾਨ ਵਿੱਚ ਵਿਸ਼ੇਸ਼ ਭੋਜ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸ ਵਿੱਚ ਲਗਭਗ 150 ਖਾਸ ਮਹਿਮਾਨ ਸ਼ਾਮਲ ਹੋਣਗੇ।