December 5, 2025
New DelhiGood News : RBI ਨੇ ਘਟਾਇਆ Repo Rate, Loan ਲੈਣ ਵਾਲਿਆਂ ਨੂੰ ਵੱਡੀ ਰਾਹਤ
Live Punjabi TV Bureau
ਮੁੰਬਈ, 5 ਦਸੰਬਰ 2025: ਭਾਰਤੀ ਰਿਜ਼ਰਵ ਬੈਂਕ ਵੱਲੋਂ ਅੱਜ ਦੇਸ਼ ਦੇ ਕਰੋੜਾਂ ਕਰਜ਼ਦਾਰਾਂ ਨੂੰ ਵੱਡਾ ਤੋਹਫ਼ਾ ਦਿੱਤਾ ਗਿਆ ਹੈ। ਮੌਦਰਿਕ ਨੀਤੀ ਕਮੇਟੀ ਦੀ ਮੀਟਿੰਗ ਤੋਂ ਬਾਅਦ ਐਲਾਨ ਕੀਤਾ ਗਿਆ ਕਿ ਰੈਪੋ ਰੇਟ ਵਿੱਚ 0.25 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਇਹ ਦਰ 5.50 ਫੀਸਦੀ ਤੋਂ ਘਟ ਕੇ 5.25 ਫੀਸਦੀ ਰਹੇਗੀ।
ਹੋਮ ਅਤੇ ਕਾਰ ਲੋਨ ਹੋਣਗੇ ਹੋਰ ਸਸਤੇ
ਰੈਪੋ ਰੇਟ 'ਚ ਕਟੌਤੀ ਨਾਲ ਬੈਂਕਾਂ ਲਈ RBI ਤੋਂ ਕਰਜ਼ਾ ਲੈਣਾ ਸਸਤਾ ਹੋਵੇਗਾ ਅਤੇ ਇਸ ਨਾਲ ਹੁਣ ਹੋਮ ਲੋਨ, ਕਾਰ ਲੋਨ ਅਤੇ ਪਰਸਨਲ ਲੋਨ ਦੀਆਂ EMI ਘੱਟਣ ਦੀ ਉਮੀਦ ਹੈ। ਮਾਨੋ 50 ਲੱਖ ਰੁਪਏ ਦਾ ਲੋਨ 20 ਸਾਲਾਂ ਲਈ ਲਿਆ ਗਿਆ ਹੋਵੇ ਤਾਂ EMI ਵਿੱਚ ਲਗਭਗ 788 ਰੁਪਏ ਮਹੀਨਾਵਾਰ ਦੀ ਬੱਚਤ ਹੋ ਸਕਦੀ ਹੈ।
ਮਹਿੰਗਾਈ ਕੰਟਰੋਲ ਅਤੇ ਵਿਕਾਸ ਨੂੰ ਰਫ਼ਤਾਰ ਦੇਣ ਦੀ ਕੋਸ਼ਿਸ਼
ਗਵਰਨਰ ਸੰਜੇ ਮਲਹੋਤਰਾ ਨੇ ਕਿਹਾ ਕਿ ਮਹਿੰਗਾਈ ਇਤਿਹਾਸਕ ਹੇਠਲੇ ਪੱਧਰ 'ਤੇ ਆ ਗਈ ਹੈ ਅਤੇ ਦੇਸ਼ ਦੀ GDP 8.2 ਫੀਸਦੀ ਨਾਲ ਵਧ ਰਹੀ ਹੈ, ਜੋ ਕਿ ਆਰਥਿਕ ਮਜ਼ਬੂਤੀ ਦਾ ਸੰਕੇਤ ਹੈ। ਇਸ ਸਾਲ ਰੈਪੋ ਰੇਟ ਵਿੱਚ ਇਹ ਚੌਥੀ ਕਟੌਤੀ ਹੈ ਤਾਂ ਜੋ ਮਾਰਕੀਟ ਵਿੱਚ ਪੈਸੇ ਦਾ ਪ੍ਰਵਾਹ ਵਧਿਆ ਰਹੇ।
ਰਿਅਲ ਅਸਟੇਟ ਸੈਕਟਰ ਨੂੰ ਮਿਲੇਗਾ ਵੱਡਾ ਬੂਸਟ
ਵਿਆਜ ਦਰਾਂ ਵਿੱਚ ਕਟੌਤੀ ਕਾਰਨ ਘਰ ਖਰੀਦਣ ਦੀ ਮੰਗ ਵਧਣ ਦੀ ਸੰਭਾਵਨਾ ਹੈ। ਰਿਅਲ ਅਸਟੇਟ ਨਾਲ ਜੁੜੀਆਂ ਕੰਪਨੀਆਂ ਦਾ ਮੰਨਣਾ ਹੈ ਕਿ ਇਹ ਕਦਮ ਬਾਜ਼ਾਰ ਵਿੱਚ ਚਲਹਿਤੀ ਲਿਆਏਗਾ ਅਤੇ ਆਰਥਿਕ ਸਰਗਰਮੀ ਨੂੰ ਤੇਜ਼ ਕਰੇਗਾ।
Good News RBI Reduces Repo Rate Big Relief For Loan Takers
