'ਕੱਲ੍ਹ ਸ਼ਾਮ 3 ਵਜੇ ਤੱਕ ਪੇਸ਼ ਹੋਵੋ'; IndiGo ਸੰਕਟ 'ਤੇ DGCA ਨੇ CEO ਨੂੰ ਕੀਤਾ ਤਲਬ

Live Punjabi TV Bureau

ਨਵੀਂ ਦਿੱਲੀ, 10 ਦਸੰਬਰ 2025: ਇੰਡੀਗੋ ਏਅਰਲਾਈਨਜ਼ ਵਿੱਚ ਪਿਛਲੇ ਦਿਨਾਂ ਤੋਂ ਚੱਲ ਰਹੀ ਗੜਬੜੀ ਅਤੇ ਲਗਾਤਾਰ ਉਡਾਣਾਂ ਰੱਦ ਹੋਣ ਕਾਰਨ ਯਾਤਰੀਆਂ ਨੂੰ ਆ ਰਹੀ ਮੁਸੀਬਤ ‘ਤੇ ਹੁਣ ਕੇਂਦਰ ਨੇ ਸਖ਼ਤੀ ਦਿਖਾਈ ਹੈ। DGCA ਨੇ ਇੰਡੀਗੋ ਦੇ CEO Pieter Elbers ਨੂੰ ਤੁਰੰਤ ਨੋਟਿਸ ਭੇਜਦੇ ਹੋਏ ਵੀਰਵਾਰ ਸ਼ਾਮ 3 ਵਜੇ ਤੱਕ ਆਪਣੇ ਦਫਤਰ ਵਿੱਚ ਹਾਜ਼ਰ ਹੋਣ ਦੇ ਆਦੇਸ਼ ਜਾਰੀ ਕੀਤੇ ਹਨ।

ਪੂਰੇ ਅਧਿਕਾਰੀ-ਸਟਾਫ ਸਮੇਤ ਹੋਵੇਗੀ ਮੀਟਿੰਗ

DGCA ਨੇ ਸਪੱਸ਼ਟ ਕੀਤਾ ਹੈ ਕਿ CEO ਨੂੰ ਆਪਣੇ ਨਾਲ -

• ਕੈਬਿਨ ਕਰੂ ਡਿਪਾਰਟਮੈਂਟ ਦੇ ਮੁਖੀਆਂ

• Flight Operations ਟੀਮ

• Scheduling ਅਤੇ Customer Service ਦੇ ਸੀਨੀਅਰ ਅਧਿਕਾਰੀਆਂ ਨੂੰ ਵੀ ਲੈ ਕੇ ਆਉਣਾ ਪਵੇਗਾ, ਕਿਉਂਕਿ ਪ੍ਰਬੰਧਕੀ ਨਾਕਾਮੀ ਦੇ ਹਰ ਪਹਿਲੂ ਦੀ ਵਿਸਥਾਰ ਨਾਲ ਸਮੀਖਿਆ ਕੀਤੀ ਜਾਵੇਗੀ।

ਹਿਸਾਬ-ਕਿਤਾਬ ਤੁਰੰਤ ਮੰਗਿਆ

DGCA ਵੱਲੋਂ ਇਹ ਜਾਣਕਾਰੀ ਤੁਰੰਤ ਪੇਸ਼ ਕਰਨ ਨੂੰ ਕਿਹਾ ਗਿਆ:

• ਕਿੰਨੀਆਂ ਉਡਾਣਾਂ ਰੱਦ ਹੋਈਆਂ?

• Pilot/Crew ਦੀ duty timing ਕੀ ਸੀ?

• Passenger compensation & refund ਦੀ ਪੂਰੀ ਰਿਪੋਰਟ

• ਸੰਕਟ ਦੌਰਾਨ ਵਿਕਲਪਕ ਪ੍ਰਬੰਧ ਕੀ ਕੀਤੇ ਗਏ?

ਸਵਾਲ — ਸੰਕਟ ਆਇਆ ਕਿਵੇਂ?

ਹਵਾਈ ਯਾਤਰਾ ਦੇ peak season ਵਿੱਚ ਇੰਡੀਗੋ ਵੱਲੋਂ ਵੱਡੇ ਪੱਧਰ ‘ਤੇ flights ਮੋਢਣਾ ਨਾ ਸਿਰਫ ਯਾਤਰੀਆਂ ਲਈ ਔਖਾ ਬਣਿਆ ਹੈ, ਬਲਕਿ ਕੰਪਨੀ ਦੇ ਕੰਮਕਾਜ ‘ਤੇ ਵੀ ਸਵਾਲ ਖੜ੍ਹੇ ਹੋਏ ਹਨ। ਹੁਣ DGCA ਇਹ ਸਾਫ ਕਰਨਾ ਚਾਹੁੰਦਾ ਹੈ ਕਿ ਆਖ਼ਿਰ ਇਹ ਨਾਕਾਮੀ ਕਿੱਥੋਂ ਸ਼ੁਰੂ ਹੋਈ ਅਤੇ ਕੰਪਨੀ ਨੇ ਸਮੱਸਿਆ ਨੂੰ ਰੋਕਣ ਲਈ ਪਹਿਲਾਂ ਕੀ ਕੀਤਾ?