January 6, 2026
BangladeshBangladesh Crisis: ਨਹੀਂ ਰੁਕ ਰਹੇ ਹਿੰਦੂਆਂ 'ਤੇ ਹ*ਮਲੇ; ਨਰਸਿੰਗਦੀ 'ਚ ਕਰਿਆਨਾ ਸਟੋਰ ਮਾਲਕ ਦੀ ਤੇਜ਼ਧਾਰ ਹਥਿ*ਆਰਾਂ ਨਾਲ ਹੱ*ਤਿਆ
ਢਾਕਾ/ਨਰਸਿੰਗਦੀ, 6 ਜਨਵਰੀ: ਬੰਗਲਾਦੇਸ਼ (Bangladesh) ਵਿੱਚ ਹਿੰਦੂ ਘੱਟਗਿਣਤੀਆਂ ਨੂੰ ਲਗਾਤਾਰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਪਿਛਲੇ 24 ਘੰਟਿਆਂ ਦੇ ਅੰਦਰ ਹੀ ਹਿੰਦੂ ਵਿਅਕਤੀ ਦੇ ਕਤਲ ਦੀ ਇਹ ਦੂਜੀ ਘਟਨਾ ਸਾਹਮਣੇ ਆਈ ਹੈ। ਤਾਜ਼ਾ ਮਾਮਲਾ ਨਰਸਿੰਗਦੀ ਜ਼ਿਲ੍ਹੇ ਦਾ ਹੈ, ਜਿੱਥੇ ਇੱਕ ਕਰਿਆਨਾ ਸਟੋਰ (Grocery Store) ਦੇ ਮਾਲਕ ਮੋਨੀ ਚੱਕਰਵਰਤੀ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਹੈ।
ਤੇਜ਼ਧਾਰ ਹਥਿਆਰਾਂ ਨਾਲ ਕੀਤਾ ਹਮਲਾ
ਰਿਪੋਰਟਾਂ ਮੁਤਾਬਕ ਇਹ ਵਾਰਦਾਤ ਸੋਮਵਾਰ ਰਾਤ ਕਰੀਬ 10 ਵਜੇ ਵਾਪਰੀ। ਮੋਨੀ ਚੱਕਰਵਰਤੀ ਆਪਣੀ ਦੁਕਾਨ 'ਤੇ ਸਨ ਜਦੋਂ ਹਮਲਾਵਰਾਂ ਨੇ ਉਨ੍ਹਾਂ ਨੂੰ ਘੇਰ ਲਿਆ ਅਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ।
ਹਮਲੇ ਵਿੱਚ ਉਹ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ ਅਤੇ ਜ਼ਿਆਦਾ ਖੂਨ ਵਹਿਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਇਸ ਘਟਨਾ ਨੇ ਸਥਾਨਕ ਹਿੰਦੂ ਭਾਈਚਾਰੇ ਵਿੱਚ ਸਹਿਮ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ।
ਪਿਛਲੇ ਕੁਝ ਦਿਨਾਂ 'ਚ ਵਾਪਰੀਆਂ ਖੌਫਨਾਕ ਘਟਨਾਵਾਂ
ਬੰਗਲਾਦੇਸ਼ ਵਿੱਚ ਹਿੰਦੂਆਂ 'ਤੇ ਹੋ ਰਹੇ ਹਮਲਿਆਂ ਦੀ ਲੜੀ ਰੁਕਣ ਦਾ ਨਾਮ ਨਹੀਂ ਲੈ ਰਹੀ:
3 ਜਨਵਰੀ: 50 ਸਾਲਾ ਹਿੰਦੂ ਵਪਾਰੀ ਖੋਰਣ ਚੰਦਰ ਦਾਸ 'ਤੇ ਭੀੜ ਨੇ ਹਮਲਾ ਕੀਤਾ, ਉਨ੍ਹਾਂ ਨੂੰ ਵੱਢਿਆ ਗਿਆ ਅਤੇ ਫਿਰ ਅੱਗ ਲਗਾ ਦਿੱਤੀ ਗਈ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ।
24 ਦਸੰਬਰ: ਰਾਜਬਾੜੀ ਸ਼ਹਿਰ ਦੇ ਪਾਂਗਸ਼ਾ ਇਲਾਕੇ ਵਿੱਚ ਜਬਰਨ ਵਸੂਲੀ (Extortion) ਦੇ ਦੋਸ਼ਾਂ ਹੇਠ ਇੱਕ ਹੋਰ ਹਿੰਦੂ ਵਿਅਕਤੀ ਅੰਮ੍ਰਿਤੁ ਮੰਡਲ ਨੂੰ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ ਸੀ।
18 ਦਸੰਬਰ: ਮੈਮਨਸਿੰਘ ਸ਼ਹਿਰ ਵਿੱਚ ਕਥਿਤ ਬੇਅਦਬੀ (Blasphemy) ਦੇ ਦੋਸ਼ ਲਗਾ ਕੇ ਭੀੜ ਨੇ 25 ਸਾਲਾ ਨੌਜਵਾਨ ਦੀਪੁ ਚੰਦਰ ਦਾਸ ਦੀ ਹੱਤਿਆ ਕਰ ਦਿੱਤੀ ਸੀ ਅਤੇ ਉਸਦੀ ਲਾਸ਼ ਨੂੰ ਸਾੜ ਦਿੱਤਾ ਸੀ।
Bangladesh Crisis Attacks On Hindus Not Stopping Grocery Store Owner Murdered With Sharp Weapons In Narsingdi
