April 11, 2024
ਸਪੋਰਟਸ ਡੈਸਕ : ਹਾਰਦਿਕ ਪੰਡਯਾ ਦੇ ਚਚੇਰੇ ਭਰਾ ਨੂੰ ਪੁਲਿਸ ਨੇ ਧੋਖਾਧੜੀ ਅਤੇ ਪੈਸਿਆਂ ਦੀ ਦੁਰਵਰਤੋਂ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਹੈ। ਦੋਸ਼ ਹੈ ਕਿ ਹਾਰਦਿਕ ਪੰਡਯਾ ਦੇ ਚਚੇਰੇ ਭਰਾ ਵੈਭਵ ਪੰਡਯਾ ਨੇ 4.3 ਕਰੋੜ ਰੁਪਏ ਦਾ ਗਬਨ ਕੀਤਾ ਹੈ ਅਤੇ ਇਹ ਗਬਨ ਕਿਸੇ ਹੋਰ ਨੇ ਨਹੀਂ ਬਲਕਿ ਹਾਰਦਿਕ ਪੰਡਯਾ ਅਤੇ ਕਰੁਣਾਲ ਪੰਡਯਾ ਨਾਲ ਕੀਤਾ ਹੈ। ਫਿਲਹਾਲ ਪੁਲਿਸ ਨੇ ਵੈਭਵ ਪੰਡਯਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਮਾਮਲੇ ਦੀ ਜਾਂਚ 'ਚ ਜੁਟੀ ਹੈ।
ਆਓ ਤੁਹਾਨੂੰ ਇਹ ਵੀ ਦੱਸਦੇ ਹਾਂ ਕਿ ਵੈਭਵ ਪੰਡਯਾ ਨੇ ਹਾਰਦਿਕ ਪੰਡਯਾ ਅਤੇ ਕਰੁਣਾਲ ਪੰਡਯਾ ਨੂੰ ਕਿਵੇਂ ਧੋਖਾ ਦਿੱਤਾ ਅਤੇ ਕੀ ਹੈ ਪੂਰਾ ਮਾਮਲਾ?
ਦਰਅਸਲ ਇਨਸਾਈਡਸਪੋਰਟਸ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਹਾਰਦਿਕ ਪੰਡਯਾ, ਕਰੁਣਾਲ ਪੰਡਯਾ ਅਤੇ ਵੈਭਵ ਪੰਡਯਾ ਦੀ ਪੋਲੀਮਰਸ ਨਾਲ ਜੁੜੀ ਇੱਕ ਸਾਂਝੇਦਾਰੀ ਫਰਮ ਹੈ। ਇਸ ਫਰਮ 'ਚ ਹਾਰਦਿਕ ਅਤੇ ਕਰੁਣਾਲ ਦੋਵਾਂ ਦੇ 40-40 ਫੀਸਦੀ ਸ਼ੇਅਰ ਹਨ। ਜਦੋਂ ਕਿ ਵੈਭਵ ਪੰਡਯਾ ਦੇ ਕੋਲ ਬਾਕੀ 20 ਫੀਸਦੀ ਹਿੱਸੇਦਾਰੀ ਹੈ। ਤਿੰਨਾਂ ਨੇ ਇਹ ਕਾਰੋਬਾਰ 2021 ਵਿੱਚ ਸ਼ੁਰੂ ਕੀਤਾ ਸੀ।
ਇਸ ਤੋਂ ਬਾਅਦ ਵੈਭਵ ਨੇ ਅਜਿਹਾ ਹੀ ਕਾਰੋਬਾਰ ਸ਼ੁਰੂ ਕਰ ਦਿੱਤਾ। ਵੈਭਵ ਨੇ ਹਾਰਦਿਕ ਅਤੇ ਕਰੁਣਾਲ ਤੋਂ ਜਾਣਕਾਰੀ ਛੁਪਾਈ ਰੱਖੀ ਅਤੇ ਇਕਰਾਰਨਾਮੇ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕੀਤੀ ਅਤੇ ਕਰੋੜਾਂ ਰੁਪਏ ਦਾ ਗਬਨ ਕੀਤਾ। ਹਾਰਦਿਕ ਪੰਡਯਾ ਅਤੇ ਕਰੁਣਾਲ ਪੰਡਯਾ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਨੇ ਵੈਭਵ ਪੰਡਯਾ ਨੂੰ ਧੋਖਾਧੜੀ ਅਤੇ ਜਾਅਲਸਾਜ਼ੀ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਹੈ।
MI Captain Hardik Pandya s Brother Arrested
