February 20, 2025
Admin / Technology
ਐਪਲ ਨੇ iPhone 16 ਸੀਰੀਜ਼ ਦਾ ਨਵਾਂ ਹੈਂਡਸੈੱਟ iPhone 16e ਲਾਂਚ ਕੀਤਾ ਹੈ। ਇਹ ਸਮਾਰਟਫੋਨ ਏ18 ਚਿੱਪ ਅਤੇ ਐਪਲ ਦੁਆਰਾ ਡਿਜ਼ਾਈਨ ਕੀਤੇ ਗਏ ਨਵੇਂ ਐਪਲ ਸੀ1 ਸੈਲੂਲਰ ਮੋਡਮ ਨਾਲ ਲੈਸ ਹੈ, ਜੋ ਐਪਲ ਦੀ ਇੰਟੈਲੀਜੈਂਸ ਨੂੰ ਬਿਹਤਰ ਬਣਾਉਂਦਾ ਹੈ। ਇਸ ਵਿਚ ਐਮਰਜੈਂਸੀ SoS, Find My via Satellite ਅਤੇ Roadside Assistance ਵਰਗੀਆਂ ਐਮਰਜੈਂਸੀ ਸੁਵਿਧਾਵਾਂ ਵੀ ਦਿੱਤੀਆਂ ਗਈਆਂ ਹਨ।
iPhone 16e ਵਿਚ ਇਕ 6.1ਇੰਚ ਦਾ OLED ਡਿਸਪਲੇਅ ਅਤੇ ਸਿੰਗਲ ਰੀਅਰ ਕੈਮਰਾ ਮਿਲਦਾ ਹੈ, ਜੋ ਉਪਭੋਗਤਾਵਾਂ ਨੂੰ ਇਕ ਵਧੀਆ ਅਨੁਭਵ ਪ੍ਰਦਾਨ ਕਰਦਾ ਹੈ। ਤਾਂ ਆਓ ਇਸ ਦੀਆਂ ਸਾਰੀਆਂ ਵਿਸ਼ੇਸ਼ਤਾਵਾਂ, ਕੀਮਤ ਅਤੇ ਭਾਰਤ ਵਿਚ ਉਪਲਬਧਤਾ 'ਤੇ ਇੱਕ ਨਜ਼ਰ ਮਾਰੀਏ।
ਭਾਰਤ 'ਚ iPhone 16e ਦੀ ਕੀਮਤ
iPhone 16e ਦੇ ਬੇਸ ਵੇਰੀਐਂਟ 128GB ਮਾਡਲ ਦੀ ਕੀਮਤ $599 (ਲਗਭਗ 49,500 ਰੁਪਏ) ਤੋਂ ਸ਼ੁਰੂ ਹੁੰਦੀ ਹੈ। ਭਾਰਤ ਵਿਚ ਇਸ ਮਾਡਲ ਦੀ ਕੀਮਤ 59,900 ਰੁਪਏ ਰੱਖੀ ਗਈ ਹੈ, ਜਦੋਂ ਕਿ ਆਈਫੋਨ 16 ਦੀ ਸ਼ੁਰੂਆਤੀ ਕੀਮਤ 79,900 ਰੁਪਏ ਹੈ, ਇਸ ਲਈ ਦੋਵਾਂ ਫੋਨਾਂ ਵਿਚ 20,000 ਰੁਪਏ ਦਾ ਅੰਤਰ ਹੈ।
ਉਪਲੱਬਧਤਾ ਦੀ ਗੱਲ ਕਰੀਏ ਤਾਂ ਇਸ ਫੋਨ ਦੇ ਪ੍ਰੀ-ਆਰਡਰ 21 ਫਰਵਰੀ ਤੋਂ ਸ਼ੁਰੂ ਹੋਣਗੇ ਅਤੇ ਡਿਲੀਵਰੀ 28 ਫਰਵਰੀ ਤੋਂ ਸ਼ੁਰੂ ਹੋਵੇਗੀ। ਇਸ ਤੋਂ ਇਲਾਵਾ iPhone 16e ਦੇ 256GB ਸਟੋਰੇਜ ਮਾਡਲ ਦੀ ਕੀਮਤ 69,900 ਰੁਪਏ ਅਤੇ 512GB ਸਟੋਰੇਜ ਮਾਡਲ ਦੀ ਕੀਮਤ 89,900 ਰੁਪਏ ਰੱਖੀ ਗਈ ਹੈ।
iPhone 16e ਦੀਆਂ ਵਿਸ਼ੇਸ਼ਤਾਵਾਂ
ਆਈਫੋਨ 16e ਵਿਚ 6.1-ਇੰਚ OLED ਡਿਸਪਲੇਅ ਹੈ ਜਿਸ ਵਿਚ ਇੱਕ ਨੌਚ ਅਤੇ ਫੇਸ ਆਈਡੀ ਸਿਸਟਮ ਦੇ ਨਾਲ ਸੁਰੱਖਿਅਤ ਫੇਸ਼ੀਅਲ ਰਿਕਗਰਿਸ਼ਨ ਮੌਜੂਦ ਹਨ। ਆਈਫੋਨ SE ਸੀਰੀਜ਼ 'ਤੇ ਰਵਾਇਤੀ ਮਿਊਟ ਸਵਿੱਚ ਦੀ ਬਜਾਏ, ਇਸ ਵਿਚ ਇਕ ਐਕਸ਼ਨ ਬਟਨ ਦਿੱਤਾ ਗਿਆ ਹੈ ਜੋ ਉਪਭੋਗਤਾਵਾਂ ਨੂੰ ਕੈਮਰਾ ਲਾਂਚ ਕਰਨ ਜਾਂ ਡੂ ਨਾਟ ਡਿਸਟਰਬ ਮੋਡ ਨੂੰ ਸਮਰੱਥ ਕਰਨ ਵਰਗੇ ਫੰਕਸ਼ਨਾਂ ਨੂੰ ਤੇਜ਼ੀ ਨਾਲ ਐਕਸੈਸ ਕਰਨ ਦੀ ਸਹੂਲਤ ਦਿੰਦਾ ਹੈ। ਇਸ ਤੋਂ ਇਲਾਵਾ iPhone 16e 'ਚ USB-C ਪੋਰਟ ਵੀ ਹੈ, ਜੋ ਨਵੇਂ ਕਨੈਕਟੀਵਿਟੀ ਸਟੈਂਡਰਡ ਨੂੰ ਸਪੋਰਟ ਕਰਦਾ ਹੈ।
iPhone 16e ਸਮਾਰਟਫੋਨ ਐਪਲ ਦੀ A18 ਚਿੱਪ ਦੁਆਰਾ ਸੰਚਾਲਿਤ ਹੈ, ਜਿਸ ਵਿਚ 6-ਕੋਰ CPU ਹੈ, ਜੋ ਕਿ iPhone 11 ਦੀ A13 ਬਾਇਓਨਿਕ ਚਿੱਪ ਨਾਲੋਂ 80% ਤੇਜ਼ ਹੈ। ਇਸ ਵਿੱਚ 4-ਕੋਰ GPU ਅਤੇ 16-ਕੋਰ ਨਿਊਰਲ ਇੰਜਣ ਵੀ ਹੈ, ਜੋ ਮਸ਼ੀਨ ਲਰਨਿੰਗ ਨੂੰ ਬਿਹਤਰ ਢੰਗ ਨਾਲ ਹੈਂਡਲ ਕਰਦਾ ਹੈ। ਇਹ AI-ਸੰਚਾਲਿਤ ਫੈਸਲਿਟੀ ਲਈ ਐਪਲ ਇੰਟੈਲੀਜੈਂਸ ਨੂੰ ਸਪੋਰਟ ਕਰਦਾ ਹੈ, ਜਿਸ ਵਿਚ Genmoji, ਰਾਈਟਿੰਗ ਟੂਲ ਅਤੇ ChatGPT ਸ਼ਾਮਲ ਹਨ।
ਕੈਮਰਾ ਸੈੱਟਅੱਪ ਦੀ ਗੱਲ ਕਰੀਏ ਤਾਂ ਇਸ 'ਚ 48MP ਦਾ ਫਿਊਜ਼ਨ ਰਿਅਰ ਕੈਮਰਾ ਹੈ, ਜੋ 2x ਟੈਲੀਫੋਟੋ ਜ਼ੂਮ ਅਤੇ ਹਾਈ ਰੈਜ਼ੋਲਿਊਸ਼ਨ ਸ਼ਾਟਸ ਨਾਲ ਸ਼ਾਨਦਾਰ ਫੋਟੋਆਂ ਕੈਪਚਰ ਕਰਦਾ ਹੈ। ਇਸ 'ਚ ਪੋਰਟਰੇਟ ਮੋਡ, ਨਾਈਟ ਮੋਡ ਅਤੇ HDR ਵਰਗੇ ਫੀਚਰਜ਼ ਹਨ। ਇਸ ਦੇ ਨਾਲ ਹੀ 12MP ਦਾ ਫਰੰਟ ਕੈਮਰਾ ਮੌਜੂਦ ਹੈ।
26 ਘੰਟੇ ਦਾ ਬੈਟਰੀ ਬੈਕਅਪ
ਬੈਟਰੀ ਬੈਕਅਪ ਦੀ ਗੱਲ ਕਰੀਏ ਤਾਂ ਇਹ 26 ਘੰਟੇ ਦੇ ਵੀਡੀਓ ਪਲੇਬੈਕ ਦੀ ਪੇਸ਼ਕਸ਼ ਕਰਦਾ ਹੈ ਅਤੇ ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਇਸ ਵਿੱਚ ਸੈਟੇਲਾਈਟ ਕਨੈਕਟੀਵਿਟੀ ਅਤੇ ਐਮਰਜੈਂਸੀ ਐਸਓਐਸ ਵਰਗੀਆਂ ਸਹੂਲਤਾਵਾਂ ਹਨ, ਜੋ ਸੀਮਤ ਸੈਲੂਲਰ ਕਵਰੇਜ ਵਾਲੇ ਖੇਤਰਾਂ ਵਿੱਚ ਸੰਚਾਰ ਪ੍ਰਦਾਨ ਕਰਦੀਆਂ ਹਨ। ਕਰੈਸ਼ ਡਿਟੈਕਸ਼ਨ ਵੀ ਹੈ, ਜੋ ਦੁਰਘਟਨਾ ਦੇ ਸਮੇਂ ਐਮਰਜੈਂਸੀ ਸੇਵਾਵਾਂ ਨੂੰ ਸੂਚਿਤ ਕਰਦਾ ਹੈ। ਹਾਲਾਂਕਿ, ਭਾਰਤ ਵਿੱਚ ਇਸ ਸਹੂਲਤ ਦੀ ਉਪਲਬਧਤਾ ਅਜੇ ਸਪੱਸ਼ਟ ਨਹੀਂ ਹੈ।
IPhone 16E Launched Apple s Cheap Smartphone That Will Offer The Features Of An Expensive Phone
