October 28, 2024
Admin / Article
ਝੋਨੇ ਦੇ ਢੇਰ ਤੇ ਹੱਥ ਜੋੜੀ ਖੜ੍ਹਾ ਬਜ਼ੁਰਗ ਕਿਸਾਨ ਕਾਲਜੇ ਵਲੂੰਧ ਕਿ ਲੈ ਗਿਆ।
ਝੋਨੇ ਦੀ ਦੁਰਦਸ਼ਾ ਵੇਖ ਮਨੋ ਮਨੀ ਕਿੰਨੇ ਸੁਆਲ ਬੁਣਦਾ ਹੋਵੇਗਾ ਤੇ ਕਿੰਨੇ ਫਿਕਰਾਂ ਭਰੇ ਸਵਾਲਾਂ ਦੇ ਜਵਾਬ ਆਪਣੇ ਅੰਦਰ ਸਮੋ ਕਿ ਹੱਥ ਜੋੜ ਖੜ੍ਹ ਗਿਆ। ਕਿੰਨੀਆਂ ਸਦਰਾ ਕਿੰਨੇ ਤਿਉਹਾਰ ਕਿੰਨੇ ਦਿਨ ਸੁਦ ਇਸ ਪੈਰਾਂ ਹੇਠਾਂ ਵਿਛੀ ਫਸਲ ਦੇ ਸਿਰੋ ਨਿਭਾਉਣੇ ਸਨ। ਮੰਡੀਆਂ ਵਿਚ ਰੁਲਦੇ ਬੁੱਢੇ ਹੱਡ ਤੇ ਕਮਜ਼ੋਰ ਧੁੰਦਲੀਆਂ ਨਿਗਾਹਾਂ ਇਸ ਆਸ ਵਿਚ ਹਨ ਕਿ ਖਬਰੇ ਕਿਤਿਉਂ ਕੋਈ ਸੂਟ ਬੂਟ ਪਹਿਨ ਬਾਬੂ ਆਵੇਗਾ ਤੇ ਉਸਦਾ ਝੋਨਾ ਪੂਰੇ ਮੁੱਲ 'ਤੇ ਖਰੀਦ ਲਵੇਗਾ। ਜੇ ਅੱਜ ਰਣਜੀਤ ਸਿੰਘ ਦੇ ਵਾਰਸਾਂ ਦਾ ਰਾਜ ਹੁੰਦਾ ਤਾਂ ਅੰਨਦਾਤਾ ਇੰਨਾ ਹਾਲਾਤਾਂ ਵਿਚੋਂ ਦਾ ਨਹੀਂ ਸੀ ਲੰਘਣਾ। ਯਾਦ ਰੱਖਿਓ ਇਹ ਸਨਾਟਾ ਤੇ ਉਦਾਸੀ ਕੱਲੇ ਇਸ ਹੱਥ ਜੋੜ ਖੜ੍ਹੇ ਕਿਸਾਨ ਦੇ ਚਿਹਰੇ 'ਤੇ ਹੀ ਨਹੀਂ ਛਾਈ। ਇਹ ਉਦਾਸੀ ਸਾਰੇ ਬਾਜ਼ਾਰਾਂ ਦੀਆਂ ਸਰਦਲਾਂ ਤੇ ਵੀ ਜਲਦ ਪਹੁੰਚ ਜਾਵੇਗੀ। ਬਾਦਸ਼ਾਹਾਂ ਦੇ ਪੁੱਤ ਅੱਜ ਇਸ ਸਿਸਟਮ ਨੇ ਹੱਥ ਜੋੜਨ ਲਈ ਮਜਬੂਰ ਕਰ ਦਿੱਤੇ ਹਨ।ਕਦੇ ਘੋੜਿਆਂ ਦੀਆਂ ਕਾਠੀਆਂ ਤੇ ਬੈਠ ਬਾਦਸ਼ਾਹੀਆਂ ਕਰਨ ਵਾਲੀ ਕੌਮ ਬੋਹਲਾਂ ਨੂੰ ਵੇਚਣ ਤੱਕ ਦੇ ਹਾੜੇ ਦੇ ਸਫਰ ਤੱਕ ਪਹੁੰਚ ਗਈ ਕਿਸੇ ਦੇ ਯਾਦ ਚਿੱਤ ਹੀ ਨਹੀਂ ਰਿਹਾ।
(ਵਿੱਕੀ ਜੈਨਪੁਰ)
A Journey From The Saddles Of The Horses To The Stables Of The Cattle
