January 31, 2025
Admin / Education
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਕੈਨੇਡਾ ਨੇ ਸਟੱਡੀ ਵੀਜ਼ਿਆਂ ਵਿਚ 40 ਫੀਸਦੀ ਦੀ ਕਟੌਤੀ ਕੀਤੀ ਹੈ। ਜਿਸ ਕਾਰਨ ਕੈਨੇਡਾ ਵਿਚ ਪੜ੍ਹ ਰਹੇ ਭਾਰਤੀਆਂ ਅਤੇ ਪੰਜਾਬੀਆਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਸਭ ਤੋਂ ਵੱਧ ਬਦਲਾਅ ਉਨ੍ਹਾਂ ਕਾਲਜਾਂ ਵਿੱਚ ਦੇਖਣ ਨੂੰ ਮਿਲ ਰਿਹਾ ਹੈ ਜੋ ਪੰਜਾਬੀਆਂ ਦੀ ਪਸੰਦ ਸਨ। ਇੱਥੋਂ ਤੱਕ ਕਿ ਕਈ ਕਾਲਜਾਂ ਨੇ ਸਟਾਫ ਦੀ ਛਾਂਟੀ ਅਤੇ ਕੋਰਸ ਬੰਦ ਕਰਨੇ ਸ਼ੁਰੂ ਕਰ ਦਿੱਤੇ ਹਨ।
ਵਿੱਤੀ ਤੋਂ ਲੈ ਕੇ ਤਕਨਾਲੋਜੀ ਵਾਲੇ ਕੋਰਸ ਬੰਦ
ਓਨਟਾਰੀਓ ਦੇ ਟੋਰਾਂਟੋ ਵਿਚ ਸੈਂਟੇਨਿਅਲ ਕਾਲਜ ਨੇ ਐਲਾਨ ਕੀਤਾ ਹੈ ਕਿ ਇਹ 2025 ਦੇ ਗਰਮੀਆਂ ਅਤੇ ਸਰਦੀਆਂ ਦੇ ਸਮੈਸਟਰਾਂ ਦੇ ਨਾਲ-ਨਾਲ 2026 ਸਮੈਸਟਰ ਲਈ 49 ਫੁੱਲ-ਟਾਈਮ ਪ੍ਰੋਗਰਾਮਾਂ ਵਿਚ ਆਏ ਨਵੇਂ ਦਾਖਲਿਆਂ ਨੂੰ ਰੋਕ ਦੇਵੇਗਾ। ਇਨ੍ਹਾਂ ਵਿਚ ਪੱਤਰਕਾਰੀ, ਵਿੱਤੀ ਯੋਜਨਾਬੰਦੀ, ਤਕਨਾਲੋਜੀ ਫਾਊਂਡੇਸ਼ਨ ਸਮੇਤ ਹੋਰ ਵਿਕਾਸਸ਼ੀਲ ਕੋਰਸ ਸ਼ਾਮਲ ਹਨ।
ਕਾਲਜ ਤੇ ਕਰਮਚਾਰੀਆਂ 'ਤੇ ਪਵੇਗਾ ਪ੍ਰਭਾਵ
ਕਾਲਜ ਦੀਆਂ ਇਨ੍ਹਾਂ ਤਬਦੀਲੀਆਂ ਕਾਰਨ ਵਿਦਿਆਰਥੀਆਂ, ਕਾਲਜ ਸਟਾਫ਼ ਤੇ ਹੋਰ ਮੁਲਾਜ਼ਮਾਂ ’ਤੇ ਇਸ ਦਾ ਡੂੰਘਾ ਅਸਰ ਪਵੇਗਾ। ਹਾਲਾਂਕਿ, ਕਾਲਜ ਨੇ ਕਿਹਾ ਕਿ ਨਵੇਂ ਵਿਦਿਆਰਥੀਆਂ ਲਈ 128 ਫੁੱਲ-ਟਾਈਮ ਪ੍ਰੋਗਰਾਮ ਅਜੇ ਵੀ ਉਪਲਬਧ ਹਨ ਅਤੇ ਜੋ ਪ੍ਰੋਗਰਾਮ ਰੋਕੇ ਗਏ ਹਨ, ਉਹ ਭਵਿੱਖ ਵਿਚ ਦੁਬਾਰਾ ਸ਼ੁਰੂ ਕੀਤੇ ਜਾ ਸਕਦੇ ਹਨ।
ਪਰਥ 'ਚ ਬੰਦ ਹੋਵੇਗਾ ਅਲਗੋਨਕੁਇਨ ਕਾਲਜ
ਐਲਗੋਨਕੁਇਨ ਕਾਲਜ ਨੇ ਕਿਹਾ ਕਿ ਉਹ 2026 ਵਿਚ ਪਰਥ ਸ਼ਹਿਰ ਵਿਚ ਆਪਣੇ ਕਾਲਜ ਕੈਂਪਸ ਨੂੰ ਬੰਦ ਕਰ ਦੇਵੇਗਾ। ਕਾਲਜ ਦੇ ਇਸ ਬਿਆਨ ਤੋਂ ਬਾਅਦ ਪਰਥ ਦੀ ਮੇਅਰ ਜੂਡੀ ਬਰਾਊਨ ਨੇ ਕਿਹਾ ਕਿ ਇਸ ਨਾਲ ਸਥਾਨਕ ਲੋਕਾਂ ਨੂੰ ਬਹੁਤ ਨੁਕਸਾਨ ਹੋਵੇਗਾ। ਸ਼ੇਰਡਿਨ ਕਾਲਜ ਨੇ 40 ਪ੍ਰੋਗਰਾਮਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ ਜਦੋਂ ਕਿ ਸੇਨੇਕਾ ਕਾਲਜ ਨੇ ਮਾਰਖਮ ਓਨਟਾਰੀਓ ਨੂੰ ਅਸਥਾਈ ਤੌਰ 'ਤੇ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਮੋਹੌਕ ਕਾਲਜ ਨੇ 2025 ਤੱਕ ਆਪਣੇ 20 ਪ੍ਰਤੀਸ਼ਤ ਪ੍ਰਸ਼ਾਸਕੀ ਸਟਾਫ਼ ਦੀ ਛਾਂਟੀ ਕਰਨ ਅਤੇ 16 ਪ੍ਰੋਗਰਾਮਾਂ ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ।
Big Blow To Punjabis Canada Reduces Study Visas By 40 Percent Courses In Many Colleges Closed
