November 12, 2025
Mumbai
ਅਭਿਨੇਤਾ ਧਰਮਿੰਦਰ ਹਸਪਤਾਲ ਤੋਂ ਡਿਸਚਾਰਜ, ਘਰ 'ਚ ਜਾਰੀ ਰਹੇਗਾ ਇਲਾਜ — ਪਰਿਵਾਰ ਨੇ ਦਿੱਤਾ ਅਪਡੇਟ
ਲਾਈਵ ਪੰਜਾਬੀ ਟੀਵੀ ਬਿਊਰੋ
ਮੁੰਬਈ, 12 ਨਵੰਬਰ 2025: ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਅਤੇ ‘ਹੀ-ਮੈਨ’ ਦੇ ਨਾਂ ਨਾਲ ਮਸ਼ਹੂਰ ਧਰਮਿੰਦਰ ਦਿਓਲ (Dharmendra Deol) ਦੀ ਸਿਹਤ ਬਾਰੇ ਚਿੰਤਿਤ ਪ੍ਰਸ਼ੰਸਕਾਂ ਲਈ ਵੱਡੀ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। ਅੱਜ ਸਵੇਰੇ 7:30 ਵਜੇ ਧਰਮਿੰਦਰ ਨੂੰ ਮੁੰਬਈ ਦੇ Breach Candy Hospital ਤੋਂ ਡਿਸਚਾਰਜ ਕਰ ਦਿੱਤਾ ਗਿਆ ਹੈ।
ਉਹ ਪਿਛਲੇ ਤਿੰਨ ਦਿਨਾਂ ਤੋਂ ਹਸਪਤਾਲ ਵਿੱਚ ਦਾਖਲ ਸਨ, ਜਿੱਥੇ ਉਨ੍ਹਾਂ ਦਾ ਇਲਾਜ ਉਮਰ ਸਬੰਧੀ ਬਿਮਾਰੀਆਂ ਅਤੇ ਸਾਹ ਦੀ ਤਕਲੀਫ਼ ਲਈ ਚੱਲ ਰਿਹਾ ਸੀ। ਉਨ੍ਹਾਂ ਦੇ ਡਾਕਟਰ ਡਾ. ਪ੍ਰਤੀਤ ਸਮਦਾਨੀ (Dr. Pratit Samdani) ਨੇ ਪੁਸ਼ਟੀ ਕੀਤੀ ਹੈ ਕਿ ਹੁਣ ਉਨ੍ਹਾਂ ਦੀ ਹਾਲਤ ਸਥਿਰ ਹੈ ਅਤੇ ਇਲਾਜ ਘਰ 'ਤੇ ਹੀ ਜਾਰੀ ਰਹੇਗਾ।
'ਮੌਤ ਨੂੰ ਮਾਤ' ਦੇ ਕੇ ਘਰ ਵਾਪਸ ਪਰਤੇ ਧਰਮਿੰਦਰ
ਧਰਮਿੰਦਰ ਦੇ ਹਸਪਤਾਲ ਤੋਂ ਵਾਪਸ ਘਰ ਆਉਣ ਨਾਲ ਉਨ੍ਹਾਂ ਦੇ ਲੱਖਾਂ ਪ੍ਰਸ਼ੰਸਕਾਂ ਅਤੇ ਸਹਿਯੋਗੀਆਂ ਨੇ ਚੈਨ ਦੀ ਸਾਹ ਲਿਆ ਹੈ। ਜਾਣਕਾਰੀ ਮੁਤਾਬਕ, ਪਿਛਲੇ 48 ਘੰਟਿਆਂ ਦੌਰਾਨ ਉਨ੍ਹਾਂ ਦੀ ਹਾਲਤ ਚਿੰਤਾਜਨਕ ਸੀ, ਪਰ ਹੁਣ ਉਹ ਪੂਰੀ ਤਰ੍ਹਾਂ ਸਥਿਰ ਹਨ ਅਤੇ ਸੁਧਾਰ ਦੀ ਰਾਹ 'ਤੇ ਹਨ।
ਪਰਿਵਾਰ ਨੇ ਵੀ ਮੀਡੀਆ ਰਾਹੀਂ ਪੁਸ਼ਟੀ ਕੀਤੀ ਹੈ ਕਿ ਅਦਾਕਾਰ ਨੂੰ ਡਾਕਟਰਾਂ ਦੀ ਨਿਗਰਾਨੀ ਹੇਠ ਘਰ 'ਚ ਰਿਹੈਬਿਲਿਟੇਸ਼ਨ ਦਿੱਤਾ ਜਾਵੇਗਾ।
ਝੂਠੀਆਂ ਅਫ਼ਵਾਹਾਂ ਨੇ ਮਚਾਈ ਹਲਚਲ
ਕੱਲ੍ਹ (11 ਨਵੰਬਰ) ਸ਼ਾਮ ਨੂੰ ਸੋਸ਼ਲ ਮੀਡੀਆ 'ਤੇ ਧਰਮਿੰਦਰ ਦੇ ਦਿਹਾਂਤ ਬਾਰੇ ਫੈਲੀ ਝੂਠੀ ਖ਼ਬਰਾਂ ਨੇ ਪ੍ਰਸ਼ੰਸਕਾਂ ਵਿੱਚ ਘਬਰਾਹਟ ਪੈਦਾ ਕਰ ਦਿੱਤੀ ਸੀ। ਇਸ ਦੇ ਤੁਰੰਤ ਬਾਅਦ ਉਨ੍ਹਾਂ ਦੀ ਪਤਨੀ ਹੇਮਾ ਮਾਲਿਨੀ (Hema Malini) ਅਤੇ ਧੀ ਏਸ਼ਾ ਦਿਓਲ (Esha Deol) ਨੇ ਸੋਸ਼ਲ ਮੀਡੀਆ 'ਤੇ ਬਿਆਨ ਜਾਰੀ ਕਰਦੇ ਹੋਏ ਖ਼ਬਰਾਂ ਦਾ ਸਖ਼ਤ ਖੰਡਨ ਕੀਤਾ ਸੀ।
ਹੇਮਾ ਮਾਲਿਨੀ ਨੇ ਇਸਨੂੰ “ਨਾ-ਮੁਆਫ਼ੀਯੋਗ” ਕਹਿੰਦੇ ਹੋਏ ਮੀਡੀਆ ਦੀ ਜ਼ਿੰਮੇਵਾਰੀ ਤੇ ਸਵਾਲ ਖੜ੍ਹੇ ਕੀਤੇ, ਜਦਕਿ ਏਸ਼ਾ ਨੇ ਦੱਸਿਆ ਕਿ “ਪਾਪਾ stable ਹਨ ਅਤੇ ਠੀਕ ਹੋ ਰਹੇ ਹਨ।”
Actor dharmendra discharged from hospital treatment will continue at home family gives update
