Bigg Boss 19: Gaurav Khanna ਨੇ ਮਾਰੀ ਬਾਜ਼ੀ, ਆਪਣੇ ਨਾਂ ਕੀਤੀ ਸੀਜ਼ਨ 19 ਦੀ ਟਰਾਫੀ

Live Punjabi TV Bureau

ਮੁੰਬਈ, 8 ਦਸੰਬਰ, 2025: ਮਨੋਰੰਜਨ ਦੀ ਦੁਨੀਆ ਦੇ ਸਭ ਤੋਂ ਪਾਪੁਲਰ ਰਿਐਲਿਟੀ ਸ਼ੋਅ 'ਬਿਗ ਬੌਸ 19' (Bigg Boss 19) ਨੂੰ ਆਖ਼ਿਰਕਾਰ ਇਸ ਸਾਲ ਦਾ ਵਿਜੇਤਾ ਮਿਲ ਗਿਆ ਹੈ। ਲਗਾਤਾਰ 100 ਤੋਂ ਵੱਧ ਦਿਨਾਂ ਦੀ ਦਿਮਾਗੀ, ਮਨੋਵਿਗਿਆਨਕ ਅਤੇ ਜਜ਼ਬਾਤੀ ਟਕਰਾਰ ਤੋਂ ਬਾਅਦ ਟੀਵੀ ਉਦਯੋਗ ਦੇ ਮਸ਼ਹੂਰ ਚਿਹਰੇ ਗੌਰਵ ਖੰਨਾ (Gaurav Khanna) ਨੇ ਸ਼ਾਨਦਾਰ ਜਿੱਤ ਹਾਸਲ ਕਰਕੇ ਖਿਤਾਬ ਆਪਣੇ ਨਾਂ ਕੀਤਾ।

ਹੋਸਟ ਸਲਮਾਨ ਖਾਨ ਵੱਲੋਂ ਜਿਵੇਂ ਹੀ ਉਨ੍ਹਾਂ ਨੂੰ ਵਿਜੇਤਾ ਘੋਸ਼ਿਤ ਕੀਤਾ ਗਿਆ, ਸ਼ੋਅ ਦੇ ਸੈੱਟ ਤੋਂ ਲੈ ਕੇ ਸੋਸ਼ਲ ਮੀਡੀਆ ਤੱਕ ਜਸ਼ਨ ਦਾ ਮਾਹੌਲ ਬਣ ਗਿਆ। ਗੌਰਵ ਨੇ ਤਗੜੀ ਦਾਅਵੇਦਾਰ ਫਰਹਾਨਾ ਭੱਟ ਨੂੰ ਪਿੱਛੇ ਛੱਡਦਿਆਂ ਟਰਾਫੀ ਜਿੱਤੀ। ਫਰਹਾਨਾ ਇਸ ਸੀਜ਼ਨ ਦੀ ਰਨਰ-ਅੱਪ ਰਹੀ।

ਗੌਰਵ ਦੀ ਗੋਦ 'ਚ ਆਈ ਟਰਾਫੀ ਤੇ 50 ਲੱਖ ਦੀ ਇਨਾਮੀ ਰਕਮ

ਵਿਜੇਤਾ ਬਣਨ ’ਤੇ ਉਨ੍ਹਾਂ ਨੂੰ ਸ਼ੋਅ ਦੀ ਆਇਕਾਨਿਕ ਟਰਾਫੀ ਦੇ ਨਾਲ ਪੂਰੇ 50 ਲੱਖ ਰੁਪਏ ਦੀ ਇਨਾਮੀ ਰਕਮ ਵੀ ਦਿੱਤੀ ਗਈ ਹੈ। ਇਸ ਵਾਰ ਪ੍ਰਾਈਜ਼ ਮਨੀ ਵਿੱਚ ਕੋਈ ਘਟਾਓ ਨਹੀਂ ਹੋਇਆ, ਜੋ ਗੌਰਵ ਲਈ ਵੱਡੀ ਖ਼ੁਸ਼ਖ਼ਬਰੀ ਹੈ।

ਟਾਪ-5 ਫਾਈਨਲਿਸਟ ਕੌਣ ਰਹੇ?

• 1st — Gaurav Khanna (Winner)
• 2nd — Farhana Bhatt (Runner-up)
• 3rd — Pranit More
• 4th — Tanya Mittal
• 5th — Amaal Mallik

ਅੰਤਿਮ ਮੁਕਾਬਲੇ ਦੌਰਾਨ ਗੌਰਵ ਅਤੇ ਫਰਹਾਨਾ ਵਿਚਾਲੇ ਟਕਰਾਅ ਖਾਸਾ ਦਿਲਚਸਪ ਰਿਹਾ। ਕਈ ਵਾਰ ਫਰਹਾਨਾ ਦੀਆਂ ਟਿੱਪਣੀਆਂ ’ਤੇ ਸਲਮਾਨ ਖਾਨ ਵੀ ਕੜੇ ਹੋਏ, ਪਰ ਅੰਤ ਵਿੱਚ ਦਰਸ਼ਕਾਂ ਦਾ ਫ਼ੈਸਲਾ ਗੌਰਵ ਦੇ ਹੱਕ ’ਚ ਗਿਆ।