ਜਨਮਦਿਨ ਦੀ ਪਾਰਟੀ ’ਚ ਹੀ ਜਵਾਈ ਨੂੰ ਦਿੱਤਾ ਜ਼ਹਿਰ, ਲੈਬ ਰਿਪੋਰਟ ਨੇ ਖੋਲ੍ਹਿਆ ਰਾਜ਼, ਪਤਨੀ ਤੇ ਸਹੁਰਾ ਜੇਲ੍ਹ ’ਚ

ਸਹੁਰੇ ਘਰ ਆਏ ਨੌਜਵਾਨ ਦੀ ਮੌਤ ਜ਼ਹਿਰ ਕਾਰਨ ਹੋਈ ਸੀ। ਪਤਨੀ ਅਤੇ ਸਹੁਰੇ ਨੇ ਇਹ ਖੌਫ਼ਨਾਕ ਸਾਜ਼ਿਸ਼ ਰਚੀ ਸੀ। ਲੈਬ ਤੋਂ ਆਈ ਵਿਸਰਾ ਦੀ ਜਾਂਚ ਰਿਪੋਰਟ ਵਿੱਚ ਇਸ ਦਾ ਪਰਦਾਫਾਸ਼ ਹੋਇਆ ਹੈ। ਇਲਜ਼ਾਮ ਹੈ ਕਿ ਪਤਨੀ ਦੇ ਜਨਮਦਿਨ ਦੀ ਪਾਰਟੀ ਵਿੱਚ ਸ਼ਾਮਲ ਹੋਣ ਆਏ ਜਵਾਈ ਨੂੰ ਸਹੁਰੇ ਪਰਿਵਾਰ ਵਾਲਿਆਂ ਨੇ ਜ਼ਹਿਰ ਦਿੱਤਾ ਸੀ।ਪੁਲਿਸ ਨੇ ਪਤਨੀ ਅਤੇ ਸਹੁਰੇ ਨੂੰ ਗ੍ਰਿਫਤਾਰ ਕਰਕੇ ਦੋਵਾਂ ਨੂੰ ਅਦਾਲਤ ਰਾਹੀਂ ਜੇਲ੍ਹ ਭੇਜ ਦਿੱਤਾ ਹੈ। ਟ੍ਰਾਂਸ ਯਮੁਨਾ ਦੇ ਗੁਲਾਬ ਨਗਰ ਨਿਵਾਸੀ ਯਤਿੰਦਰ ਪਾਲ ਸਿੰਘ ਦੀ ਪਿਛਲੇ ਸਾਲ14 ਨਵੰਬਰ ਨੂੰ ਸ਼ੱਕੀ ਹਾਲਾਤਾਂ ਵਿੱਚ ਸਹੁਰੇ ਘਰ ਤਬੀਅਤ ਵਿਗੜਨ ਤੋਂ ਬਾਅਦ ਮੌਤ ਹੋ ਗਈ ਸੀ।ਉਹ ਪਤਨੀ ਦੇ ਜਨਮਦਿਨ ਦੀ ਪਾਰਟੀ ਵਿੱਚ ਸ਼ਾਮਲ ਹੋਣ ਆਏ ਸਨ। ਇਸ ਮਾਮਲੇ ਵਿੱਚ ਮ੍ਰਿਤਕ ਦੀ ਮਾਂ ਮੰਜੂ ਰਾਣੀ ਨੇ ਅਦਾਲਤ ਦੇ ਹੁਕਮਾਂ'ਤੇ ਟ੍ਰਾਂਸ ਯਮੁਨਾ ਥਾਣੇ ਵਿੱਚ ਪਤਨੀ ਜੋਤੀ, ਸਹੁਰਾ ਮਹਿੰਦਰ ਸਿੰਘ ਸੇਂਗਰ, ਸੱਸ ਸ਼ਿਵਾਨੀ, ਸਾਲਾ ਰਿਸ਼ਭ ਆਦਿ ਨੂੰ ਨਾਮਜ਼ਦ ਕੀਤਾ ਸੀ।

ਪੋਸਟਮਾਰਟਮ ਰਿਪੋਰਟ ਵਿੱਚ ਮੌਤ ਦਾ ਕਾਰਨ ਸਪੱਸ਼ਟ ਨਾ ਹੋਣ ਕਰਕੇ ਵਿਸਰਾ ਜਾਂਚ ਲਈ ਲੈਬ ਭੇਜਿਆ ਗਿਆ ਸੀ। ਜਾਂਚ ਰਿਪੋਰਟ ਵਿੱਚ ਸਲਫਾਸ ਨਾਲ ਮੌਤ ਹੋਣ ਦੀ ਪੁਸ਼ਟੀ ਹੋਈ ਹੈ। ਪੁਲਿਸ ਪੁੱਛਗਿੱਛ ਵਿੱਚ ਖੁਲਾਸਾ ਹੋਇਆ ਕਿ ਸਹੁਰੇ ਪਰਿਵਾਰ ਨੇ ਸ਼ਰਾਬ ਵਿੱਚ ਸਲਫਾਸ ਮਿਲਾ ਕੇ ਨੌਜਵਾਨ ਦਾ ਕਤਲ ਕੀਤਾ ਸੀ।

ਮਾਮਲੇ ਦੀ ਪੜਤਾਲ ਕਮਲਾ ਨਗਰ ਥਾਣਾ ਪੁਲਿਸ ਨੇ ਕੀਤੀ। ਡੀਸੀਪੀ ਸਿਟੀ ਸਈਅਦ ਅਲੀ ਅੱਬਾਸ ਨੇ ਦੱਸਿਆ ਕਿ ਦੋਸ਼ੀ ਪਤਨੀ ਜੋਤੀ ਅਤੇ ਸਹੁਰਾ ਮਹਿੰਦਰ ਸਿੰਘ ਸੇਂਗਰ ਨੂੰ ਅਦਾਲਤ ਰਾਹੀਂ ਜੇਲ੍ਹ ਭੇਜ ਦਿੱਤਾ ਗਿਆ ਹੈ।

Son in law was poisoned at a birthday party