Air India ਦੀ ਲਾਪਰਵਾਹੀ! ਬੁਕਿੰਗ ਤੋਂ ਬਾਅਦ ਵੀ ਨਹੀਂ ਦਿੱਤੀ ਗਈ ਵ੍ਹੀਲ ਚੇਅਰ, ਡਿੱਗਣ ਕਾਰਨ ਬਜ਼ੁਰਗ ਔਰਤ ਜ਼ਖ਼ਮੀ
Admin / National
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ (ਆਈਜੀਆਈ) ਦੇ ਟਰਮੀਨਲ 3 'ਤੇ ਏਅਰ ਇੰਡੀਆ ਦੀ ਵੱਡੀ ਲਾਪਰਵਾਹੀ ਸਾਹਮਣੇ ਆਈ ਹੈ। ਇੱਕ 82 ਸਾਲਾ ਔਰਤ, ਇੱਕ ਲੈਫਟੀਨੈਂਟ ਜਨਰਲ ਦੀ ਵਿਧਵਾ, ਏਅਰਲਾਈਨ ਦੁਆਰਾ ਪਹਿਲਾਂ ਤੋਂ ਬੁੱਕ ਕੀਤੀ ਗਈ ਵ੍ਹੀਲਚੇਅਰ ਨਾ ਮਿਲਣ ਕਾਰਨ ਡਿੱਗ ਪਈ। ਉਸ ਦੇ ਗੰਭੀਰ ਸੱਟਾਂ ਲੱਗੀਆਂ , ਪਰ ਫਿਰ ਵੀ ਖੂਨ ਵਹਿਣ ਦੌਰਾਨ ਉਸ ਨੂੰ ਫਲਾਈਟ 'ਤੇ ਚੜ੍ਹਾ ਦਿੱਤਾ ਗਿਆ।
ਜਾਣਕਾਰੀ ਮੁਤਾਬਕ 82 ਸਾਲਾ ਰਾਜ ਪਸਰੀਚਾ 4 ਮਾਰਚ ਨੂੰ ਏਅਰ ਇੰਡੀਆ ਦੀ ਫਲਾਈਟ A12600 ਰਾਹੀਂ ਦਿੱਲੀ ਤੋਂ ਬੈਂਗਲੁਰੂ ਜਾ ਰਿਹਾ ਸੀ। ਇਹ ਜਾਣਕਾਰੀ ਉਨ੍ਹਾਂ ਦੀ ਪੋਤੀ ਪਾਰੁਲ ਕੰਵਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਦਿੱਤੀ।
ਪਰਿਵਾਰ ਕਰੀਬ ਇਕ ਘੰਟੇ ਤੱਕ ਏਅਰ ਇੰਡੀਆ ਸਟਾਫ, ਏਅਰਪੋਰਟ ਹੈਲਪ ਡੈਸਕ ਅਤੇ ਏਅਰਲਾਈਨ ਦੇ ਹੋਰ ਕਰਮਚਾਰੀਆਂ ਨੂੰ ਵ੍ਹੀਲ ਚੇਅਰ ਲਈ ਬੇਨਤੀ ਕਰਦਾ ਰਿਹਾ, ਪਰ ਕੋਈ ਮਦਦ ਨਹੀਂ ਮਿਲੀ। ਇੰਡੀਗੋ ਏਅਰਲਾਈਨ ਕੋਲ ਵਾਧੂ ਵ੍ਹੀਲਚੇਅਰ ਸੀ, ਪਰ ਉਨ੍ਹਾਂ ਨੇ ਇਹ ਦੇਣ ਤੋਂ ਇਨਕਾਰ ਕਰ ਦਿੱਤਾ।
ਪੈਦਲ ਚਲਦੇ ਹੀ ਬਜ਼ੁਰਗ ਔਰਤ ਡਿੱਗ ਗਈ
ਕੋਈ ਹੋਰ ਵਿਕਲਪ ਨਾ ਹੋਣ ਕਰਕੇ, 82 ਸਾਲਾ ਔਰਤ ਨੂੰ ਤਿੰਨ ਪਾਰਕਿੰਗ ਲੇਨਾਂ ਨੂੰ ਪਾਰ ਕਰਕੇ ਹੌਲੀ-ਹੌਲੀ ਤੁਰਨਾ ਪਿਆ। ਜਦੋਂ ਉਹ ਏਅਰ ਇੰਡੀਆ ਪ੍ਰੀਮੀਅਮ ਇਕਾਨਮੀ ਕਾਊਂਟਰ 'ਤੇ ਪਹੁੰਚੀ ਤਾਂ ਉਸ ਦੇ ਪੈਰ ਜਵਾਬ ਦੇ ਗਏ ਤੇ ਉਹ ਡਿੱਗ ਗਈ। ਡਿੱਗਣ ਕਾਰਨ ਉਸ ਦੇ ਸਿਰ, ਨੱਕ ਅਤੇ ਬੁੱਲ੍ਹਾਂ 'ਤੇ ਗੰਭੀਰ ਸੱਟਾਂ ਲੱਗੀਆਂ।
Air India s Negligence Wheelchair Not Provided Even After Booking Elderly Woman Injured Due To Fall
