February 23, 2026
Punjabਪੰਜਾਬ ਦੇ ਕਈ ਜ਼ਿਲ੍ਹਿਆਂ 'ਚ ਅੱਜ ਲੱਗਣਗੇ ਲੰਬੇ ਬਿਜਲੀ ਕੱਟ; ਜਾਣੋ ਆਪਣੇ ਇਲਾਕੇ ਦਾ ਸਮਾਂ
ਚੰਡੀਗੜ੍ਹ, 23 Feb 2026 :ਪੰਜਾਬ ਭਰ ਵਿੱਚ ਬਿਜਲੀ ਲਾਈਨਾਂ ਦੀ ਮੁਰੰਮਤ ਅਤੇ ਜ਼ਰੂਰੀ ਮੇਨਟੇਨੈਂਸ ਕਾਰਨ ਅੱਜ (23 ਫਰਵਰੀ) ਵੱਖ-ਵੱਖ ਸ਼ਹਿਰਾਂ ਅਤੇ ਪਿੰਡਾਂ ਵਿੱਚ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ। ਪਾਵਰਕਾਮ ਨੇ ਖਪਤਕਾਰਾਂ ਨੂੰ ਹੋਣ ਵਾਲੀ ਅਸੁਵਿਧਾ ਲਈ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਹੈ।
ਇਲਾਕਾ ਵਾਰ ਬਿਜਲੀ ਕੱਟਾਂ ਦਾ ਵੇਰਵਾ:
ਜਲੰਧਰ: ਵਰੀਆਮ ਨਗਰ ਫੀਡਰ ਅਧੀਨ ਆਉਂਦੇ ਇਲਾਕੇ ਜਿਵੇਂ ਕੂਲ ਰੋਡ, ਜਯੋਤੀ ਨਗਰ ਅਤੇ ਮੋਤਾ ਸਿੰਘ ਨਗਰ ਵਿੱਚ ਸਵੇਰੇ 11 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਬਿਜਲੀ ਗੁੱਲ ਰਹੇਗੀ।
ਸੁਲਤਾਨਪੁਰ ਲੋਧੀ: ਤਲਵੰਡੀ ਚੌਧਰੀਆਂ ਗਰਿੱਡ ਨਾਲ ਜੁੜੇ ਪਿੰਡਾਂ ਵਿੱਚ ਸਵੇਰੇ 10 ਤੋਂ ਸ਼ਾਮ 5 ਵਜੇ ਤੱਕ ਬਿਜਲੀ ਬੰਦ ਰਹੇਗੀ। ਇੱਥੇ 66 ਕੇ.ਵੀ. ਲਾਈਨ ਦੀ ਉਸਾਰੀ ਦਾ ਕੰਮ ਚੱਲ ਰਿਹਾ ਹੈ।
ਤਪਾ ਮੰਡੀ: ਇੱਥੇ 23 ਅਤੇ 24 ਫਰਵਰੀ ਨੂੰ ਧੌਲਾ ਗਰਿੱਡ ਅਧੀਨ ਆਉਂਦੇ ਦਿਹਾਤੀ ਫੀਡਰਾਂ ਦੀ ਸਪਲਾਈ ਸਾਰਾ ਦਿਨ ਬੰਦ ਰੱਖੀ ਜਾਵੇਗੀ।
ਨੂਰਪੁਰਬੇਦੀ ਤੇ ਰਾਹੋਂ: ਨੂਰਪੁਰਬੇਦੀ ਦੇ ਲਗਭਗ 15 ਪਿੰਡਾਂ ਵਿੱਚ ਸਵੇਰੇ 10 ਤੋਂ ਸ਼ਾਮ 4 ਵਜੇ ਤੱਕ ਬਿਜਲੀ ਨਹੀਂ ਆਵੇਗੀ। ਰਾਹੋਂ ਸ਼ਹਿਰ ਅਤੇ ਆਸ-ਪਾਸ ਦੇ ਹਸਪਤਾਲਾਂ, ਸਕੂਲਾਂ ਤੇ ਮੋਟਰਾਂ ਦੀ ਸਪਲਾਈ ਵੀ ਇਸੇ ਸਮੇਂ ਦੌਰਾਨ ਬੰਦ ਰਹੇਗੀ।
ਹਾਜੀਪੁਰ: ਹਾਜੀਪੁਰ ਸਬ-ਸਟੇਸ਼ਨ ਦੀ ਮੁਰੰਮਤ ਕਾਰਨ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਸਾਰੇ ਬਾਹਰੀ ਫੀਡਰ ਬੰਦ ਰਹਿਣਗੇ।
Long Power Cuts To Occur In Many Districts Of Punjab Today Know The Timings Of Your Area
